Judges6
1तब इस्राएलियन यहोवा के नजर में एक बार फिन ई बुरा कईलन, ई चलते यहोवा ओखनी के सात साल लागी मिद्यानी लोग के इस्राएल के उपर शासन करे देलन।2तब मिद्यानी लोग के हाथ इस्राएली लोग पर हाबी होल। मिद्यानी लोग के मौजदूगी के चलते, इस्राएल के बेटवन अपना ला पहाड़ में खोह आउर गुफा में गढ़ बनईलन।3आउर जब-जब इस्राएल बिच्चा रोपऽ हलन तब-तब मिद्यान आउर अमालेक चढ़ाई करऽ हलन आउर रेगिस्तान में अन्य पूर्वी लोग भी इस्राएली के खिलाफ चढ़ाई करऽ हलन।4आउर मिद्यानी लोग इस्राएली लोग पर हमला कईलन आउर ओखनी उहाँ अपन चारो दने डेरा डाललन, आउर गाजा तक धरती के उपज उजाड़ देलन। नतिजतन, इस्राएल में जीवन निर्वाह के साधन नऽ रहत, नऽ भेड़-बकरी, नऽ गाय-बैल, नऽ गधा।5आउर जब ऊ अपन-अपन जानवर सहित अपन तम्बू सहित चढ़ऽ हलन, तब ऊ भीड़ के चलते टिड्डियन के झुण्ड के जईसन चढ़ आवऽ हल। उनकर आउर उनकर ऊँट के कोई गिनती नऽ हल, ई तरह से ऊ उनका नाश करे लागी देश के रेगिस्तान में बदल देलन।6मिद्यानी के चलते इस्राएल बड़ी कंगाल हो गेल, येहिसे इस्राएल यहोवा के दोहाई देलन।7फिन अईसन होल, कि इस्राएली लोग के मिद्यानी लोग के चलते यहोवा के दोहाई देलन,8कि यहोवा इस्राएलियन भीर एगो भविष्यद्वक्ता नाम के आदमी भेजलन। ऊ उनका से कहलन, इस्राएल के परमेश्वर यहोवा अईसे कहऽ हथिन, हमही तोरा मिस्र से निकास लईली हे, आउर दासत्व के घर से निकास लईली हे।9हम तोरा मिस्री लोग के हाथ से, आउर जौन तोरा पर अत्याचार करऽ हल, ओखनी सभे के हाथ से बचईली हे। हम ओखनी के तोर सामने से निकास देली, आउर उनकर देश पक्का तोरा दे देली हे।10हम तोरा से कहली, हम तोर परमेश्वर यहोवा ही; जब तूँ एमोरी लोग के देश में रहवऽ, तब तूँ ओखनी के देउतवन के भय नऽ मानल करिहऽ। बाकि तूँ हमर बतिया के नऽ सुनलऽ।11आउर यहोवा के दूत आके ओप्रा में बांज पेड़ के नीचे बईठ गेलन। जौन अबीएजेरी योआश के हल, येही बीच उनकर बेटा गिदोन मिद्यान से छिपे लागी रस के कुण्ड में गेहूँ झाड़ रहलन हल।12तब यहोवा के दूत उनका दर्शन दे के कहलन, "हे वीर योद्धा, यहोवा तोरा साथे हथन।"13गिदोन उनका से कहलन, हे हमर प्रभु, हमरा साथे? जदि यहोवा हमरा साथे हे, तऽ ई सभे हमरा भीर काहे अईलन हे? उनकर ऊ सभे चमत्कार कहाँ हे, जेकर बखान हमर पुरखा लोग हमर से ई कह के कईलन हल, कि का यहोवा हमरा मिस्र से निकास नऽ लईलन? बाकि अब यहोवा हमरा त्याग के मिद्यानी लोग के वश में कर देलन।14तब यहोवा उनका दने फिर के कहलन, “अपन ई ताकत से जा के इस्राएल के मिद्यानी लोग के हाथ से छुड़ावऽ। का हम तोरा नऽ भेजली?”15तब ऊ उनका से कहलन, हे हमर प्रभु, कृपा कर के! हम इस्राएल के कौन रीति से छुड़ायम? देखऽ, हमर कुल मनश्शे में सभे से कमजोर हे, आउर हम अपन बाबूजी के घराना में सभे से तुच्छ ही।16तब यहोवा उनका से कहलन, हम तोर साथे रहम, येहिसे तूँ मिद्यानी लोग के एगो आदमी के समान नाश करवऽ।17ऊ उनका उत्तर देलन, जदि तोर अनुग्रह के नजर हमरा पर सच में हे, तऽ हमरा ला एगो चिन्हासी देखावऽ, कि तूँही हमरा से बोल रहलऽ हे।18कृपा कर के ई जगह से नऽ हटिहऽ, जब तक हम तोरा भीर नऽ आयेम, तब हम अपन भेंट निकास के तोरा सामने रखम। तऽ ऊ कहलन, "हम तऽ तोरा लौटे तक रुकम।"19तब गिदोन जा के एगो बकरी के बच्चा, आउर दस किलो आटा के अखमीरी रोटी तईयार कईलन। ऊ मांस के एगो मौनी में रखलन, आउर शोरबा के एगो बर्तन में रखलन, आउर ऊ बांज पेड़ के नीचे बहारसी ले अईलन, आउर ऊ उनका देलन।20तब परमेश्वर के दूत उनका से कहलन, मांस आउर अखमीरी रोटी लेके ई चट्टान पर रखलन, आउर शोरबा उण्डेल देलन, आउर ऊ ओईसहीं कईलन।21तब यहोवा के दूत उनकर हाथ कि लाठी के छोर के बढ़ईलन। ऊ मांस आउर अखमीरी रोटी के छूलन; चट्टान में से आग निकलल आउर मांस आउर अखमीरी रोटी के भस्म कर देलक। तब यहोवा के दूत उनकर नजर से ओझल हो गेलन।22जब गिदोन देखलन कि ऊ यहोवा के दूत हे, तब गिदोन उदास होके कहलन, हाय, हे हमर प्रभु यहोवा, येही चलते हम यहोवा के दूत के सामने देखली हे।23बाकि यहोवा उनका उत्तर देलन, "तोरा शान्ति मिले! डरऽ मत, तूँ नऽ मरवऽ।"24येहिसे गिदोन उहाँ यहोवा लागी एगो वेदी बनईलन, आउर ओकर नाम यहोवा, शालोम रखलन जेकर मतलब "यहोवा शान्ति हे" ऊ आज तक अबीएजेरियन के ओप्रा में खड़ी हे।25ओही रात के यहोवा उनका से कहलन, जौन जवान बैल तोर पिता के हे ओकरा लेलऽ, आउर दूसरा सात साल के बैल लेलऽ, आउर बाल के वेदी जौन तोर बाबूजी के हे ओकरा टुकड़ा-टुकड़ा कर दऽ, आउर ओकरा बगल में जौन अशेरा नाम के मूरत के देवी हे, काट डालऽ।26आउर ई मजबूत स्थान के ऊँचाई पर तूँ अपन परमेश्वर यहोवा के रीति के मोताबिक एग बेदी बनईहऽ। तऽ दूसरा जमान बैल लिहऽ, आउर अशेरा के जौन लकड़ी तूँ काटवऽ ओकरा पर होमबलि चढ़ईहऽ।27येहिसे गिदोन अपन दास में से दसगो आदमी के जमा कर के यहोवा के आज्ञा के मोताबिक कईलन। अब अईसन होल कि ऊ अपन बाबूजी के घराना आउर नगर के आदमी के डर के चलते ई काम दिन के कईल करऽ हलन, येहिसे ऊ रात के कईलन।28बिहान नगर के लोग उठ के का देखलन, कि बाल के वेदी गिरल पड़ल हे, आउर ओकर बगल के अशेरा कटल गिरल हे, आउर दूसरा जवान बैल बनावल गेल वेदी पर चढ़ावल गेल हे।29नतिजतन, सब कोई अपन पड़ोसी से कहे लगलन, “ई काम कौन कईलन हे?” आउर ऊ पूछ-ताछ आउर पता कईलन, आउर कहलन, "योआश के बेटा गिदोन ई काम कईलन हे।"30तब नगर के लोग योआश से कहलन, अपन बेटा के बहारसी ले आवऽ, कि ऊ मारल जाई, काहेकि ऊ बाल के वेदी कि ढाह देलन, आउर जौन अशेरा के मूरत ओकर बगल में हल ओकरा भी काट देलन हे।31योआश ऊ सभे से जौन उनकर सामने खड़ा होलन हल, कहलन, "का तूँ सच में बाल देऊता दने से मुकदमा लड़वऽ? का तूँ उनकर मदत करवऽ? जौन कोई ओकरा ला झगड़ा करतन, ऊ भोर होतही मार डालल जाय। जदि ऊ परमेश्वर हथन, तऽ जब कोई उनकर वेदी गिरा देवे, तऽ खुदे अपना दने से संघर्ष करतन।"32येहिसे ऊ दिन ऊ उनकर नाम यरूब्बाल रखलन, आउर कहलन, बाल ओकरा से मुकदमा लड़तन, काहेकि ऊ ओकर वेदी गिरा देलन हल।33आउर मिद्यानी आउर अमालेकी आउर पूरब के सभे लोग जमा होलन, आउर पार जा के यिज्रेल के तराई में डेरा खड़ी कईलन।34बाकि यहोवा के आत्मा गिदोन में समईलन। नतीजतन, ऊ तुरही फूकलन, आउर अबीएजेर के अपना पीछे बुलईलन।35तब ऊ समूचे मनश्शे भीर दूत भेजलन, आउर उनका भी अपन पीछे बुला लेलन। आउर ऊ आशेर, जबूलून, आउर नप्ताली भीर दूत भेजलन, आउर ऊ उनका से मिले ला गेलन।36तब गिदोन सच्चा परमेश्वर से प्रार्थना कईलन, जदि तूँ अपन वचन के मोताबिक इस्राएल के हमरा द्वारा छुड़ावऽ हथन,37देखऽ, हम ई भेड़ी के ऊन के खलिहान में रख रहली हे। जदि शीत खाली ऊन पर पड़े, आउर समूचे खेत सुखल रहत, तऽ हम जान लेम कि तूँ अपन वचन के मोताबिक इस्राएल के हमरा द्वारा छुड़ईवऽ।38एकर बाद अईसन होल कि ऊ दूसरा दिन भोरे जल्दी उठलन, आउर ऊन के बटोर लेलन। आउर ऊ ऊन में से शीत गार के निकास लेलन, तब एक कटोरा भर गेल।39तब गिदोन सच्चा परमेश्वर से प्रार्थना कईलन, तोर गोस्सा हमरा पर नऽ भड़के बाकि हम एकही बार बोलम। का हम खाली ई बार ऊन से परीक्षा कर सकऽ ही? हम प्रार्थना करऽ ही, कि खाली ऊन सूखल रहे, बाकि समूचे धरती पर शीत पड़ल।40येहिसे परमेश्वर ऊ रात में अईसन कईलन। खाली ऊन सुखल हल, बाकि समूचे धरती पर शीत रहल।
Bridge Connectivity Solutions Pvt. Ltd.