Judges5
1तब दबोरा ओही दिन लड़ाई खतम होवे के बाद अबीनोअम के बेटा बाराक के साथे ई गीत गईलन,2"जब इस्राएल के योद्धा के लम्बा बाल खुल के बिखर गेल, आउर लोग खुद के इच्छा से युद्ध ला तैयार कर लेलन, तऽ सभे यहोवा के धन्य कहे लगलन।3हे राजा लोग, सुनऽ! हे मालिक लोग, कान लगावऽ! हम यहोवा लागी गायेम, हम इस्राएल के परमेश्वर यहोवा लागी गायेम।4हे यहोवा, तोर सेईर से निकसे के चलते, तोर एदोम के खुलल देश से निकले के चलते, धरती काँप गेल, आउर आसमान से टपके लगल, आउर अंधार छा गेल, बादर से पानी टपके लगल। 5यहोवा के प्रताप के चलते पहाड़ पिघलऽ हल, ई सीनै इस्राएल के परमेश्वर यहोवा के मौजूदगी चलते बहे लगल।6अनात के बेटा शमगर के दिन में आउर याएल के दिन में मुख्य सड़कियन सुनसान हो गेल, आउर जौन रहियन पर चलऽ हलन, ऊ टेढ़ा-मेढ़ा रहियन पर चलऽ हथन।7गाँव के रहबईयन इस्राएल में नऽ रहलन, जब तक हम नऽ उठली, हे दबोरा, जौन इस्राएल में माय हलन, तब तक ऊ सभे नऽ रहलन! 8आउर जब इस्राएली लोग नया देऊतवन के उपासना ला चुन लेलन, तब नगर के फाटक पर मारकाट होवे लगल, इस्राएल में चालीस हजार के बीच नऽ तऽ ढाल आउर नऽ भाला देखाई पड़ल।9हमर मन उनका पर लगल हे जौन इस्राएल में कानून बनावऽ हे, जौन प्रजा के बीच अपन इच्छा से काम करऽ हे। सभे लोग यहोवा के धन्य कहऽ!10उजला गदहिया पर सवार, कालीन पर बईठऽ, चाहे सड़क पर चलते-चलते ई गीत गावऽ,11जौन पानी के जगह से पानी बाँटऽ हे, ओकर शब्द से भी जादे ऊँचा। उहाँ ऊ यहोवा के धर्म के काम के मतलब इस्राएल सही न्याय में उनकर गाँव के प्रजा के धर्म के काम के लगातार खुशी मनावऽ हथन। तब यहोवा के प्रजा फाटक के दुआरी पर गेलन।12जागऽ, जागऽ, दबोरा! जागऽ, जागऽ, एगो गीत गावऽ! हे बाराक, उठऽ, आउर अपन बन्दी अबीनोअम के बेटा के बन्धुआइ में ले जा।13तब जौन बच जईतन ऊ रईस प्रजा पर प्रबल हो जायत, यहोवा के प्रजा हमरा दने से शूरवीर पर प्रबल हो जायत। 14उनकर जड़ एप्रैम में से अमालेक के खिलाफ निकसलन; हे बिन्यामीन, तोर पीछे तोर लोग के बीच में। माकीर में से हाकिम निकसलन, आउर जबूलून में से शास्त्री के राजदण्डधारी निकसलन।15इस्साकार में हमर हाकिम दबोरा के साथे हलन; आउर इस्साकार भी बाराक के साथे हलन। ऊ उनका पैदल मैदान में भेज देवल गेल। रुबेन के दल के हृदय मे बड़ा संकल्प हल।16तूँ भेड़-बकरी के संकेत सुने लागी भेड़शाला के बिच में काहे बईठ हल? रुबेन के विभाजित के बारे में, मन में बड़ा-बड़ा संकल्प होल।17गिलाद यरदन के पार के देश में बस गेलन; बाकि दान, ऊ जहाज पर काहे रहऽ हथन? आशेर समुद्र के किनारा पर रहऽ हथन आउर ऊ अपन बन्दरगाह भीर रहऽ हथन।18जबूलून तऽ जानबूझ के अपन प्राण से खेले वाला ठहरलन, आउर नप्ताली भी लड़ाई के ऊँचा-ऊँचा जगहिया में रहऽ हलन।19राजा अईलन, ऊ लड़ाई कईलन; ऊ घड़ी कनान के राजवन मगिद्दो के सोता के किनारे तानाक में लड़ाई कईलन। चाँदी के लूट ऊ नऽ कईलन।20इस्राएल के दुश्मन के खिलाफ आसमान से तरेगन लड़ाई करऽ हल, आउर अपन रहिया से सीसरा से लड़ऽ हल।21कीशोन नदी उनका बहा के ले गेलन, पुराना नदी किशोन नदी। हे हमर प्राण, तूँ बल से चलऽ!22तब घोड़ा के टाप से उनकर शूरवीर के दौड़े के चलते हल्ला मच गेल।23यहोवा के दूत कहलन, 'मेरोज शहर के श्राप दे। ओकरा में रहेवालन के तूँ भारी श्राप दऽ, काहेकि ऊ यहोवा के मदत करे लागी नऽ अईलन।24सभे औरतियन में याएल सभे से जादे धन्य हे, केनी हेबेर के मेहरारू, ऊ तम्बू के औरतियन में से ऊ धन्य हे।25ऊ पानी माँगलन, ऊ दूध देलन, रईस लागी योग्य बर्तन में ऊ मक्खन ले अईलन।26आउर उनकर एगो हाथ तम्बू के खूँटवन दने, आउर ओकर दूसरा दहिना हाथ में कारीगर के हथौड़ा दने बढ़ल; ऊ सीसरा के मारलन, आउर उनकर माथा चूर-चूर कर देलन। ऊ हमला कईलन आउर उनकर कनपटी में छेद कर देलन।27ऊ उनकर गोड़ के बीच झुक गेलन, आउर गिर पड़लन, आउर सूत गेलन। ऊ उनकर गोड़ के बीच झुकलन, आउर गिर पड़लन; जौन जगह पर ऊ दण्डवत कईलन, उहीं ऊ गिर के नाश हो गेलन।28ऊ खिड़की में से नजर कर के विलाप करते रहलन, सीसरा के माय जाली वाला खिड़की में से देखऽ हलन। उनकर रथ के आवे में देर काहे होल? ओकर रथवन के टाप देर से काहे बजऽ हे?'29उनकर सभे से बुद्धिमान राजकुमारी उत्तर देलन, तईयो ऊ अपन बात कहते रहलन।30'का ऊ लूट के बाँट नऽ रहलन हे, एक-एक दासी, आउर एक एक योद्धा लागी दू दुगो दासी, सीसरा लागी रंगलकन कपड़वन के लूट, आउर बूट काढ़ल के लूट, दुन्नो दने काढ़ल रंगलकन कपड़वन के लूट गर्दन खराब हो गेल?31फिर लोग ई तरह से कहलन, हे यहोवा, तोर सभे दुश्मन नाश हो जईतन! बाकि जौन उनका से प्रेम रखऽ हे ऊ, ऊ सूरज के समान हो जईतन जौन अपन शक्ति के साथे निकसऽ हे। तब देश चालीस साल तक शान्त रहल।
Bridge Connectivity Solutions Pvt. Ltd.