Judges4
1तब एहूद के मरला के बाद इस्राएली फिन से यहोवा के नजर में ओही बुराई करे लगलन।2येहिसे यहोवा ओखनी के कनान के राजा याबीन के हाथ में कर देलन, जौन हासोर शहर पर राज करऽ हलन। अखनी ओकर सेना के सेनापति सीसरा हल, आउर ऊ हरोशेत नाम के गैरयहूदी शहर हाग्गोयीम में रहऽ हल।3तब इस्राएली लोग यहोवा के दोहाई देलन, काहेकि जाबीन राजा के सेनापति सीसरा भीर लोहा के नौ सौ रथ हल, आउर ऊ बीस साल तक इस्राएलियन पर बड़ी बल से अत्याचार करते रहलन।4दबोरा एगो औरत भविष्यवक्ता, आउर लप्पीदोत के मेहरारू हल। ऊ घड़ी ऊ इस्राएल के न्याय करऽ हलन। 5ऊ एप्रैम के पहाड़ी देश में रामा आउर बेतेल नगर के बीच दबोरा के खजूर के नीचे बईठल करऽ हल, आउर इस्राएली न्याय लागी उनका भीर आयेल करऽ हलन।6ऊ के देश नगर नप्ताली से अबीनोअम के बेटा बाराक के बोल के ऊ उनका से कहलन, का इस्राएल के परमेश्वर यहोवा ई आज्ञा नऽ देलन, कि जा के ताबोर पहाड़ पर चढ़ऽ, आउर नप्तालियन आउर जबूलूनियन के बेटवन में से दस हजार आदमी के अपना साथे ले जा?7तब हम याबीन के सेनापति सीसरा के, उनकर रथ आउर समूचे भीड़ सहित, कीशोन नदी के किनारे से खींच ले अईलन, आउर ओकरा तोर हाथ में कर देम।8बाराक उनका से कहलन, जदि तूँ हमरा साथे चलवऽ, तऽ हम जायम, बाकि जदि तूँ हमरा साथे नऽ चलवऽ, तऽ हम नऽ जायम।9ऊ कहलन, हम सच में तोरा साथे चलम, काहेकि जौन राह में तूँ जईवऽ ओकरा से तोर ईज्जत नऽ होत, बाकि एगो औरत के हाथ से यहोवा सीसरा के तोर अधीन में कर देतन। तब दबोरा उठलन आउर बाराक के साथे के देश में गेलन।10तब बाराक जबूलून आउर नप्ताली के के देश नगर में बुलईलन। ऊ उपरे गेलन, आउर दस हजार आदमी उनकर गोड़ भीर खड़ा हलन, आउर दबोरा भी उनका साथे उपरे गेलन।11एही बीच हेबेर नाम के केनी खुद के मूसा के ससुर होबाब के वस में से कैन से अलगे कर लेलन हल। ऊ सानन्नीम में, जौन केदेश नगर भीर हे, एगो बांजवृक्ष तक अपन तम्बू खड़ा कईलन।12जब ऊ सीसरा के समाचार देलन, कि अबीनोअम के बेटा बाराक ताबोर पहाड़ पर चढ़ गेलन हे,13सीसरा अपन सभे रथ, मतलब नौ सौ लोहा के रथ, आउर अपन सभे सिपाही के हरोशेत से अन्यजातियन के शहर हाग्गोयीम से कीशोन नदी पर एक साथे जमा होवे ला बुलईलन। 14तब दबोरा बराक से कहलन, “उठऽ; आज के दिन जब यहोवा सीसरा के तोर हाथ में कर देलन हे, तऽ का यहोवा तोर आगे-आगे नऽ निकललन हे?” येहिसे बाराक दस हजार आदमी के साथे ताबोर पहाड़ से उतर गेलन।15यहोवा सीसरा आउर सभे रथ आउर समूचे सेना के तलवार से बाराक के सामने डेरा देलन। येहिसे सीसरा रथ के उपरे से उतर गेलन आउर अपन गोड़ के बल भाग गेलन। 16बाकि बाराक रथ आउर सेना के पीछा हरोशेत अन्यजाति के शहर हाग्गोयीम तक पीछा कईलन, आउर सीसरा के समूचे सेना तलवार से मारल गेल, आउर एक्कोगो नऽ बचल।17बाकि सीसरा अपन गोड़ के बल से हेबेर केनी के औरत याएल के तम्बू में भाग गेलन, काहेकि हासोर के राजा याबीन आउर हेबेर केनी के घराना के बीच में मेल हो गेल हल।18आउर याएल सीसरा से भेंट करे ला निकसलन, आउर उनका से कहलन, हे हमर प्रभु, मुड़ऽ, हमरा तरप मुड़ऽ। डरऽ मत। तब ऊ उनका भीर तम्बू में चल गेलन, आउर ऊ उनका कम्बल ओढ़ा के छिपा देलन।19ऊ उनका से बिनती कईलन, हमरा जरा सा पानी पिला दऽ, काहेकि हम पियासल ही। तब ऊ दूध के चमड़ा के झोला खोल के उनका पिलईलन, आउर फिन ओकरा झाँक देलन। 20तब ऊ उनका से कहलन, “तम्बू के दुआरी पर खड़ी रहऽ। अईसन होत, कि जदि कोई आके तोरा से पूछतन आउर कहतन, 'का हियाँ कोई हे? तब तूँ कहिहऽ, 'कोई नऽ हे।”21तब हेबेर के मेहरारू याएल तम्बू के खूँटी लेलन, आउर हथौड़ा अपन हाथ में रखलन। ऊ चुपचाप उनका भीर अईलन, आउर ऊ खूँटी के उनकर कनपटी में गाड़ देलन आउर जमीन पर पटक देलन। काहेकि ऊ गहरा नींद में सूत गेलन हल आउर थकल हलन, येहिसे सीसरा मौत से मर गेलन।22फिन देखऽ, बाराक सीसरा के पीछा कर रहलन हल, आउर याएल उनका से भेंट करे ला निकसलन, आउर उनका से कहलन, आवऽ, हम तोरा ऊ आदमी देखायम जेकरा तूँ खोजऽ हऽ। तब ऊ उनका भीर आके का देखलन, कि सीसरा मरल पड़ल हे, आउर खूँटी ओकर कनपटी में हे।23ई तरह से ऊ दिन परमेश्वर कनान के राजा याबीन के इस्राएलियन से हरवा देलन।24ई तरह से इस्राएलियन के हाथ कनान के राजा याबीन के खिलाफ बड़ी कड़ा होते गेल, हियाँ तक कि ऊ कनान के राजा याबीन के राजा के नाश कर देलन।
Bridge Connectivity Solutions Pvt. Ltd.