Judges3
1आउर एखनी सभे गैर इस्राएली लोग के यहोवा येहिसे रहे देलन, कि ओखनी के द्वारा इस्राएल के परखतन, मतलब कि ओखनी सभे जौन कनान के लड़ईयन के बारे में कुछ नऽ जानऽ हलन,2आउर खाली येहिसे कि इस्राएल के लोग के पीढ़ी-पीढ़ी के जानतन, आउर ओखनी के लड़ाई करे ला सिखईतन, खाली उनका जौन पहिले अनुभव नऽ कईलन हल,3आउर पलिश्तियन के पांचगो सरदार, आउर लबानोन के पहाड़ी देश में बालहेर्मोन पहाड़ से लेके हमात के तराई तक जेतना कनानी, सिदोनी, आउर हिब्बी लोग रहऽ हलन।4आउर उनका एखनी के द्वारा इस्राएल के परखेला हल, कि ऊ जानतन कि यहोवा जौन आज्ञा मूसा के द्वारा उनकर पूर्वज के देलन हल, ऊ सभे ओखनी मानतन कि नऽ।5येहिसे इस्राएल कनानी, हित्ती, एमोरी, परिज्जी, हिव्वी, आउर यबूसी लोग के बीच में बस गेलन।6तब कुछ इस्राएली उनकर बेटियन के बियाह लेलन, आउर अपन बेटियन के उनकर बेटवन से बियाह देलन, आउर उनकर देऊतवन के भी उपासना करे लगलन।7येहिसे इस्राएलियन यहोवा के नजर में ई खराब कईलन, आउर ऊ अपन परमेश्वर यहोवा के भूला गेलन। आउर ऊ बाल देऊता आउर अशेरा देवी के मूर्ति के उपासना करे लगलन। 8येही से यहोवा के कोप इस्राएली पर भड़कल, आउर ऊ ओखनी के अरम्नहरैम के राजा कूशन रिशातैम के हाथ में कर देलन। इस्राएल के संतान आठ साल तक कूशन रिशातैम में सेवा करते रहलन। 9तब इस्राएली यहोवा के दोहाई देलन, आउर यहोवा इस्राएली लोग लागी एगो छुड़ावे वाला खड़ा कईलन, आउर ऊ उनका छुड़ईलन, मतलब कि कनजी के बेटा ओत्निएल, जे कालेब के छोटा भाई हलन।10यहोवा के आत्मा उनका पर उतरल, आउर ऊ इस्राएल के न्याय कईलन। ऊ लड़ाई करे ला आगे बढ़लन, आउर यहोवा आराम के राजा कूशन रिशातैम के उनकर हाथ में कर देलन। ई तरह से उनकर हाथ कूशन रिशातैम पर प्रबल हो गेल।11ई तरह से इस्राएल देश में चालीस साल तक शान्ति बनल रहल। तब कनजी के बेटा ओत्निएल मर गेलन।12तब इस्राएली फिन यहोवा के नजर में ऊ बुरा काम करे लगलन। ई तरह से यहोवा मोआब के राजा एग्लोन के इस्राएल के खिलाफ मजबूत कईलन, काहेकि ओखनी यहोवा के नजर में ई गलत काम कईलन हल।13तब एग्लोन अम्मोनियन आउर अमालेकियन के अपना भीर जमा कईलन, आउर जा के इस्राएल पर चढ़ाई कईलन, आउर ऊ खजूर के पेड़ के नगर पर अपन अधिकार कर लेलन। 14ई तरह से इस्राएली अठारह साल तक मोआब के राजा एग्लोन के सेवा में रहलन।15जब इस्राएली लोग यहोवा के दोहाई देलन, तब यहोवा गेरा के बेटा एहूद नाम के एगो बिन्यामीन आदमी के उनका छुड़ावे वाला के खड़ा कईलन, जौन बमहत्था हल। इस्राएल के बेटवन उनकर हाथ से मोआब के राजा एग्लोन के भेंट भेजलन।16तब एहूद अपन लागी एगो तलवार बनईलन, आउर ओकर लम्बाई एक हाथ हल जे दूधारी तलवार हल। ऊ एकरा अपन कपड़ा के नीचे से अपन दहिना जांघ पर बाँध लेलन। 17तब ऊ मोआब के राजा एग्लोन के पास कीमती भेंट ले गेलन। एग्लोन बड़ी मोटा आदमी हल।18आउर अईसन होल कि जब एहूद भीर भेंट दे देलन, तऽ ऊ भेंट लावे वाला आदमी के विदा कईलन।19बाकि यहूद खुद गिलगाल के पास के खोदल गेल मूर्ति के पास लौट अईलन, आउर एग्लोन कहलन, हे राजा, हमरा भीर एगो तोरा ला गुप्त खबर हे। राजा कहलन, "चुप रहऽ!" आउर राजा अपन अधिकारियन के आज्ञा देलन, येहिसे जेतना लोग ओकर चारो दने खड़ा हलन, सभे उनकर चारो तरप से बाहर चल गेलन।20येहिसे एहूद ओकरा भीर अईलन। आउर ऊ राजमहल के कोठरी में अकेले ठंडा जगह में बैठ गेलन। एहूद कहलन, "हमरा भीर तोरा लागी परमेश्वर दने से एगो समाचार हे, आउर ऊ अपन राजगद्दी पर से खड़ा हो गेलन।21तब एहूद अपन बामा हाथ बढ़ा के अपन दहिना जांघ पर से तलवार खींच लेलन, आउर राजा के पेट में भोंक देलन।22आउर तलवार के पिछला मुट्ठा भी घूंस गेल, आउर मुट्ठा चर्बी में धंस गेल, काहेकि ऊ तलवार के पेट में से नऽ निकासलन। फिन ऊ ओसारा दने बढ़लन,23आउर एहूद राजमहल से निकस के ओसारा में गेलन, आउर ओकर बाद राजमहल के कोठरी के दरवाजा बंद कर के ताला लगा देलन।24एहूद के बहारसी गेला के बाद उनकर सेवक लौट अईलन। ऊ छान-बीन कर के देखलन, कि राजमहल के कोठरी के दरवाजा बंद हल। तऽ ऊ कहलन, ऊ कोठरी में हवादार जगह में लघुशंका कर रहलन होत।25ऊ तखनी तक बाट जोहते रहलन जखनी तक ई अनहोनी नऽ देख लेलन, बाकि देखऽ, ऊ छत के कोठरी के केवाड़ी नऽ खोलऽ रहलन हल। येहिसे ऊ चाभी लेलन आउर ओकर खोललन, आउर का देखलन, कि उनकर राजा एग्लोन नीचे गिर के मरल पड़ल हलन।26एही बीच में एहूद उनका आवे घड़ी तक भाग निकलल हल, आउर मूर्ति के पास से आगे निकस गेल, आउर सेइरे शहर में भाग गेलन।27आउर अईसन होल कि ऊ अईते घड़ी एप्रैम के पहाड़ी देश में तुरही फूकलन। तब इस्राएली ओकरा साथे पहाड़ी देश में पीछे-पीछे गेलन, आउर ऊ उनकर आगे-आगे हलन।28तब ऊ उनका से कहलन, हमरा पीछे होलऽ, काहेकि यहोवा तोर दुश्मन मोआब के तोर हाथ में कर देलन हे। येहिसे ऊ उनकर पीछे गेलन, आउर मोआब के सामने के यरदन के घाट पर अधिकार कर लेलन। ई तरह से कोई के भी पार जाय के अनुमति नऽ देलन।29अईसे कर के एहूद आउर उनकर सेना, ऊ घड़ी मोआबियन के, जे कोई दस हजार आदमी हल, मार डाललन। सभे मोटा ताजा हलन आउर तागतवर आदमी हलन, बाकि ओखनी में से कोई भी भाग नऽ सकलन।30ऊ दिन मोआब इस्राएल के अधीन में हो गेलन, आउर इस्राएल देश में अस्सी साल तक शान्ति बनल रहल।31ओकर बाद अनात के बेटा शमगर होल, आउर ऊ छउ सौ पलिश्ती लोग के जानवर के नुकीला लकड़ी के खम्भा से मार देलन। अईसे कर के ऊ इस्राएल के भी उद्धार कईलन।
Bridge Connectivity Solutions Pvt. Ltd.