Judges2
1यहोवा के दूत गिलगाल शहर के बोकीम नाम के जगह में जा के कहे लगलन, हम तोरा मिस्र से निकास ले आवऽ ही, आउर एक दिन ऊ देश में पहुंचायम जेकर बारे में हम तोर पुरखा से शपथ खईली हल, हम कहली हे, 'हम तोरा साथे अनंतकाल तक अपन वाचा नऽ तोड़म।2तोरा ई कनान देश में रहे वालन गैर इस्राएली के साथे वाचा नऽ तोड़े के चाही। तोरा ओखनी के वेदियन के जरुर ढाह देवे के चाही। 'बाकि तूँ हमर बतिया पर ध्यान नऽ देलऽ। तूँ अईसन काहे कईलऽ? 3आउर हम ई भी कहली, कि हम ओखनी के तोर सामने से नऽ निकालम, बाकि ऊ दुश्मन होके तोर खिलाफ होतन, आउर ओखनी के देऊता फंदा के जईसन तोर खिलाफ ठहरतन।4अईसन होल कि जब यहोवा के दूत इस्राएल के सभे बेटवन से ई सभे बात कहलन, तब लोग जोर-जोर से रोवे लगलन।5येहिसे ऊ जगह के नाम बोकीम रखलन, आउर उहाँ यहोवा लागी बलिदान चढ़ईलन। 6तब यहोशू प्रजा के विदा कईलन, आउर सभे इस्राएल के आदमी अपन हिस्सा के जमीन पर कब्जा करे ला गेलन।7यहोशू के जीवन भर आउर ऊ पुरनिया के जीवन भर भी, जौन यहोशू के बाद जिन्दे रहतन, आउर यहोवा इस्राएल लागी जौन बड़का-बड़का काम कईलन हल, उनका देख के लोग यहोवा के सेवा करते रहलन।8यहोवा के सेवक नून के बेटा यहोशू एक सौ दस साल के होके मर गेलन।9तब ऊ उनका एप्रैम के पहाड़ी देश में गाश पहाड़ के उत्तर में तिम्नथेरेस में उनकर निज भाग के सिवाना में मट्टी देवल गेल।10आउर जब यहोशू के पीढ़ी के सभे लोग मर गेलन आउर अपन-अपन पुरखावन में मिल गेलन; तऽ ओकर बाद एगो आउर पीढ़ी के जनम होल, जौन नऽ यहोवा के जानऽ हलन आउर नऽ ऊ काम के जौन ऊ इस्राएल लागी कईलन हल।11इस्राएलियन यहोवा के नजर में बुराई कईलन, आउर ऊ बाल देऊता के उपासना करे लगलन।12ई तरह से ऊ अपन पुरखा के परमेश्वर यहोवा के, जौन ओखनी के मिस्र देश से निकास लईलन हल, त्याग देलन। ऊ अपन अगल-बगल के लोग के झुण्ड के देउतवन में से पराया देऊता के पीछे चले लगलन, आउर ओखनी ओकरा दण्डवत कईलन। काहेकि ओखनी यहोवा के गोस्सा दिलईलन।13ओखनी यहोवा के त्याग देलन आउर ऊ झूठा बाल मूर्ति के देऊता आउर झूठा अश्तोरेत मूर्ति के देवी के उपासना करे लगलन।14तब यहोवा के गोस्सा इस्राएल पर भड़कल, आउर ऊ ओखनी के लुटेरा के हाथ में कर देलन, आउर ओखनी उनका लूट लेलन। ऊ ओखनी के चारो दने से दुश्मन के हाथ में सौंप देलन, जेकरा से ऊ फिन अपन दुश्मन के सामने खड़ा रहे के लायक नऽ रहल।15जब-जब ऊ निकसऽ हल तब-तब यहोवा के हाथ ओखनी पर विपत्ति डालऽ हलन, जईसे यहोवा उनका से कहलन हल, जईसे यहोवा उनका से शपथ खईलन हल। ई तरह से ऊ ओखनी पर बड़ी जादे संकट में डाल देलन।16तब यहोवा न्यायी खड़ी कईलन, आउर ऊ ओखनी के लूटेरा के हाथ से बचईलन। 17हियाँ तक कि इस्राएली लोग अपन न्यायी लोग के भी नऽ सुनऽ हलन। काहेकि ऊ सभे व्यभिचार कर के पराया देऊता के पीछे चललन, आउर ओकरा दण्डवत कईलन। जौन राह पर ओखनी के पूर्वज चलऽ हलन, ओकरा से ऊ जल्दिये अलग हो गेलन। ऊ यहोवा के आज्ञा के मोताबिक नऽ कईलन।18आउर जब यहोवा ओखनी ला न्यायी ठहरावऽ हलन, तब यहोवा न्यायी लोग के साथे रहऽ हलन, आउर न्यायी लोग के जीवन भर उनका उनकर दुश्मन के हाथ से बचावऽ हलन। काहेकि यहोवा ओखनी पर अत्याचार करे वाला के सामने उनकर कराहे के चलते पछतईलन।19अब अईसन होल कि जब न्यायी के मर जा हल, ओखनी मुड़ गेलन, आउर अपन-अपन पुरखा लोग से भी जादे खराब वर्ताव करे लगलन, आउर पराया देऊतवन के पीछे चल के ओकर उपासना करे लगलन, आउर ओकर दण्डवत करे लगलन। ऊ अपन कोई भी खराब काम चाहे अपन निर्लज्ज वर्ताव करे ला नऽ छोड़लन।20ई चलते यहोवा के गोस्सा इस्राएल पर भड़क उठल, आउर ऊ कहलन, ई जाति के जौन वाचा हम अपन पुरखा के देली हल ओकरा तोड़ देलन, बाकि ऊ हमर बात नऽ मानलन।21ई चलते जौन जाति के यहोशू मरे घड़ी छोड़ देलन हल, ओकरा में से हर कोई के ओकर सामने से नऽ निकालम।22कि जेकरा से उनकर द्वारा इस्राएल के परखियई, कि ऊ यहोवा के रहिया पर चलऽ हथन, आउर अपन पुरखा के जईसन ओकरा पर चलऽ हथन कि नऽ।"23येहिसे यहोवा ओखनी सभे जाति के ऊहें रहे देलन, आउर ओखनी के उबियाके नऽ निकासलन, आउर नऽ ओखनी के यहोशू के हाथ में कईलन।
Bridge Connectivity Solutions Pvt. Ltd.