Judges20
1तब सभे इस्राएली निकस अईलन, आउर दान से लेके बेर्शेबा तक आउर पूरब में गिलाद देश तक मिस्पा में यहोवा के सामने एगो दल होके जमा हो गेलन।2इस्राएल के सभे गोत्र के सभे लोग के प्रधान, अपन सच्चा परमेश्वर के लोग के मंडली के बीच में खड़ी हो गेलन, मतलब कि चार लाख हरेक तलवार चलावे वाला पैदल सिपाही हल।3आउर बिन्यामीन लोग सुनलन, कि इस्राएली मिस्पा पर चढ़ गेलन हे। तब इस्राएल के बेटवन कहलन, "बतावऽ कि ई गलत काम कईसे होल।"4आउर ऊ लेवी आदमी, जेकर औरत मारल गेल हल, ओकर मरदाना उत्तर देलन। ऊ कहलन, "हम अपन रखैल सहित बिन्यामीन के गिबा इलाका में रात बितावे लागी अईली हल।5गिबा इलाका के रहबईयन हमर खिलाफ उठ खड़ा होलन। हमनी के कारण ओखनी रात में घर के घेर लेलन। उनकर इरादा हमरा मारे के हल, एकर बदले ओखनी हमर रखैल पर हमला कईलन, जेकरा से ऊ मर गेल।6आउर हम अपन रखैल के लेके ओकरा टुकड़ा-टुकड़ा कईली, आउर ओकरा इस्राएल के बारहो गोत्र के एक-एक गो टुकड़ा सभे जगह में भेजवा देली, काहेकि ओखनी इस्राएल लागी घिनामन काम आउर महापाप के काम कईलन हे।7देखऽ, हे इस्राएलियन के सभे लईकमन, गिबा के लोग के बारे में एज्जा अपन विचार आउर योजना बतावऽ।"8तऽ सभे लोग एक मन होके उठलन, आउर कहे लगलन, "हम अपन-अपन डेरा में नऽ लौटम, आउर नऽ अपन-अपन घरे लौटम।9बाकि एकर बदले अब हमनी के गिबा इलाका के खिलाफ चिट्ठी डाल के चढ़ाई करे के चाही।10हम इस्राएल के सभे गोत्र में से सौगो आदमी में से दसगो आदमी, आउर हजार आदमी में से सौगो आउर दस हजार आदमी में से एक हजार आदमी के लेम, कि ओखनी सभे बिन्यामीन के गिबा में पहुँचला पर अपन लोग लागी खाना-पानी पहुँचावे। आउर ओकर ऊ पूरा बेईज्जती के बदला चुकईतन जौन ऊ इस्राएल में कईलन हल।"11येहिसे इस्राएल के हरेक आदमी एगो आदमी के जईसन झुण्ड के रूप में गिबा नगर के खिलाफ जमा होलन।12इस्राएल के गोत्र बिन्यामीन के सभे गोत्र में ई कहला भेजलन, कि ई कौन तरह के बुराई तोहनी के बीच में करल गेल हे?13येहिसे अब गिबा के देश में जौन पापी आदमी हे, ओखनी के हमर हाथ में दे दऽ, कि हम ओखनी के मार देऊँ, आउर ई तरह से हम इस्राएल में से बुराई के नाश कर देम। बाकि बिन्यामीनी लोग अपन भईवन, मतलब कि इस्राएली लोग के बात के सुने ला तईयार नऽ हलन।14तब बिन्यामीन के बेटवन अपन-अपन नगर से गिबा देश में जमा होलन, आउर इस्राएलियन से लड़े ला निकसलन।15ओही दिन बिन्यामीन नगर में से छब्बीस हजार तलवार चलावे वाला आदमी जमा कईलन। एकर अलावे, गिबा इलाका के रहबईयन में से सात सौ चुनल गेल आदमी के तईयार कईलन।16एखनी सभे लोग में से सात सौ बमहत्था चुनल गेल आदमी हल, जेकर दाहिना हाथ में बाधक हल, आउर ओखनी में से सभे के सभे अईसन हलन जौन गोफेन से पत्थर चलावे में बाल के बराबर भी नऽ चुकऽ हलन।17आउर बिन्यामीन के छोड़ इस्राएली लोग अपना लागी चार लाख तलवार चलावे वाला आदमी जमा कईलन, आउर सभे के सभे योद्धा हल।18तब ऊ सभे उठलन आउर बेतेल गेलन। आउर इस्राएल के बेटवन परमेश्वर से पूछलन आउर ऊ कहलन, बिन्यामीन के बेटवन से युद्ध करे लागी पहिले हमनी दने से कौन चढ़ाई करतन? यहोवा कहलन, शुरू में यहूदा चढ़ाई करतन।19येहिसे इस्राएलियन बिहान उठलन, आउर गिबा भीर डेरा खड़ा कईलन।20इस्राएली लोग बिन्यामीन से लड़े ला निकसलन। इस्राएलियन गिबा के रहबईयन से लड़ाई करे ला कमर कस लेलन।21बाकि ओही दिन बिन्यामीनी लोग गिबा देश से निकस के बाईस हजार इस्राएली लोग के मार देलन।22तईयो इस्राएली लोग खुद के मजबूत कईलन, ओही जगह पर, जेज्जा ओखनी पहिला दिन डँटल हलन, लड़ाई लागी डँटल रहलन।23तब इस्राएली चढ़ गेलन, आउर यहोवा के सामने रोते रहलन। आउर ओखनी यहोवा से पूछलन, का हमरा अपन भाई बिन्यामीन के बेटवन से लड़ाई करे ला आगे बढ़े के चाही? यहोवा उत्तर देलन, ओकरा पर चढ़ाई करऽ!24येहिसे दूसरा दिन इस्राएली बिन्यामीन के नगीच पहुंचलन।25दूसरा दिन बिन्यामीन गिबा देश से ओखनी के मुकाबला करे ला निकसलन, आउर इस्राएलियन के सामने अठारह हजार लोग के मार देलन। एखनी सभे तलवारधारी हलन।26तब इस्राएली आउर सऊँसे प्रजा चढ़ गेल, आउर बेतेल के अईलन। आउर ऊ रोवे लगलन, आउर ऊहें यहोवा के सामने बैठ गेलन। ओखनी सांझ तक उपवास कईलन, तब ओखनी यहोवा के सामने होमबलि आउर मेलबलि चढ़ईलन।27ऊ दिन बेतेल में परमेश्वर के वाचा के सन्दूक ऊहें हल, ई चलते इस्राएलियन यहोवा से पूछलन, "हम अपन भाई बिन्यामीन के बेटवन के खिलाफ एक बार फिन लड़ाई करे जा रहली हे, का रुक जाय के चाही?" यहोवा कहलन, ओकरा पर चढ़ाई करऽ काहेकि विहान हम ओकरा तोर हाथ में कर देम।28ऊ दिन में पीनहास जौन एलीआजर के बेटा आउर हारून के पोता हल, ऊ उनकर सामने काम कर के कहलन हल, का हम अपन भाई बिन्यामीनियन से लड़े ला आगे बढ़ीयई कि रुक जईयई? "यहोवा कहलन ओकरा पर चढ़ाई करऽ, काहेकि कल हम ओकरा तोर हाथ में कर देम।29येहिसे इस्राएल गिबा देश के चारो दने घात में सिपाही के दल लगा देलन।30तीसरा दिन इस्राएली लोग बिन्यामीनियन पर चढ़ाई कईलन, आउर समय के अनुसार गिबा देश से लड़ाई करे ला निकसलन31बिन्यामीन के बेटा ऊ लोग के सामना करे लागी आगे बढ़लन। आउर उनका शहर से दूर ले जायल गेल आउर ऊ कुछ लोग पर हमला करे ला सुरु कर देलन। इस्राएल के लमसम तीसगो आदमी पिछला बार के जईसन सड़कियन पर मारल गेलन, जेकरा में से एगो बेतेल दने गेल, आउर एगो मैदान के रास्ता से गिबा इलाका दने गेल।32तब बिन्यामीन के बेटवन एक दूसरा से कहलन, ओखनी सभे पहिले के समान हमरा से गाड़ल गेलन हे। बाकि इस्राएलियन कहलन, आवऽ, हमनी भागऽ ही, आउर ओकरा नगर से सड़किया पर खींच के ले आवऽ ही।33तब इस्राएल के हरेक आदमी अपन जगहिया से उठ के खड़ा होलन, आउर बालतामार में पांति बांधके लड़ाई कईलन। जौन इस्राएल के घात में बैठल हलन, ऊ मारेगेवा से अपन जगह से निकस गेलन।34आउर समूचे इस्राएल में से चुनलकन दस हजार आदमी गिबा देश के सामने से निकस अईलन, आउर घमासान लड़ाई होल। बाकि उनका ई मालूम नऽ हल कि ई विपत्ति उनकर नगीच आ रहल हे।35अईसे कर के यहोवा बिन्यामीन के इस्राएली से हरा देलन। ऊ दिन इस्राएली लोग बिन्यामीन के पचीस हजार एक सौ आदमी के, आउर सभे के सभे तलवार चलावे वाला लोग के नाश कईलन।36तब बिन्यामीन के बेटवन देखलन, कि हम हार गेली। इस्राएल के लोगवन बिन्यामीन के जगह देलन हल, काहेकि उनका गिबा इलाका के चारो दने घात लगा के लुकलकन झुण्ड पर भरोसा हल।37तब घात में लुकल झुण्ड फूरती कर के गिबा इलाका के चारो दने छितरा गेलन। घात में लुकलकन झुण्ड आगे बढ़लन आउर इस्राएली सिपाहियन तलवार के धार से पूरा नगर के तबाह कर देलन।38आउर इस्राएल के लोग लागी घात में लुकलकन झुण्ड दने से ई पहिले से योजना बनाबल गेल हल, कि ऊ चिन्ह ठहरावे कि धूंआँ के खम्भा नगर से बहारसी उठे;39जब इस्राएली लोग लड़ाई से पीछे हट गेलन। तब बिन्यामीन के लोग हमला करे ला सुरु कईलन, आउर इस्राएली लोग में से कोई तीसगो आदमी मारल गेलन। काहेकि ऊ कहलन बेशक ऊ पहिलका लड़ाई के जईसन हमनी से एकदम हार गेलन हे।40बाकि जब नगर में से धूंआँ के एगो खम्भा उठे लगल, तब बिन्यामीन ओखनी के सामने से हट गेलन। सच में, देखऽ, पूरा नगर स्वर्ग पर चढ़ गेल हल।41तब इस्राएली आदमी लौट गेलन। बिन्यामीन के हरेक आदमी डेरा गेल, काहेकि ऊ देखलन कि उनका पर विपत्ति आ गेल हे।42येहिसे ऊ इस्राएलियन के सामने से जंगल में भाग गेलन, बाकि लड़ाई उनका से होते रहल। एतने में दूसरा नगर से निकसे वालन के ऊ उनकर बीच में ही नाश कर रहलन हल।43आउर ऊ बिन्यामीन के घेर लेलन, आउर ओकरा भगा देलन। ऊ आराम से ओखनी के उगते सूरज दने गिबा इलाका तक रौंद देलन।44आउर बिन्यामीनी लोग में से अठारह हजार आदमी मारल गेल, ई सभे के सभे शूरवीर हल।45तब ऊ घूम के, जंगल दने रिम्मोन नाम के चट्टान दने भाग गेलन। ओखनी रहियन में से पांच हजार आदमी के चुन-चुन के मार देलन। ओखनी के गिदोम शहर तक ओखनी के पीछा कईलन, आउर उनका भीर दू हजार आउर आदमी के मार देलन। 46आउर अईसन होल कि ऊ दिन बिन्यामीन के सभे मारल गेल तलवार चलावे वाला पचीस हजार आदमी हलन। एखनी सभे योद्धा आदमी हलन।47बाकि छउ सौ बिन्यामीन सिपाही लौट अईलन, आउर जंगल दने रिम्मोन नाम के चट्टान के तरप भाग गेलन। आउर ऊ रिम्मोन के चट्टान में चार महीना तक रहलन।48तब इस्राएली आदमी बिन्यामीनियन के भीर लौट अईलन। आउर ऊ ओखनी के तलवार के धार से मार देलन, हियाँ तक कि पूरा नगर में के आदमी, जनावर के साथे, जेतना जे कुछ भी मिलल सभे के साथे जेतना नगर मिलल, ऊ सभे में आग लगा देलन।
Bridge Connectivity Solutions Pvt. Ltd.