Judges16
1तब एक दिन शिमशोन गाजा के पलिश्तिन शहर गेलन, आउर उहाँ ऊ एगो वेश्या औरत के देखलन, आउर ऊ ओकरा भीर गेलन।2जब गाजा के बासिन्दा लोग कहऽ हलन, शिमशोन हियाँ अईलन हे। येहिसे ऊ घेर लेलन, आउर सऊँसे रात नगर के फाटक पर उनकर घात में बईठल रहलन। ऊ ई कह के पूरा रात चुप रहलन, कि भोर होतही हम उनका मार डालम।3शिमशोन आधा रात तक सुतल रहलन। तब ऊ आधा रात के उठलन, आउर ऊ नगर के फाटक के दुन्नो केवाड़ी आउर दुन्नो चौखट के कस के पकड़ लेलन। आउर ऊ ओकरा बेड़ी के साथ उखाड़ लेलन, आउर अपन कंधा पर उठा लेलन, आउर हेब्रोन शहर के सामने के पहाड़ के चोटी पर ले अईलन।4एकर कुछ समय बाद अईसन होल, कि सोरेक नाम के घाटी में रहे वाली एगो औरत से प्रेम कईलन। ओकर नाम दलीला हल।5तब पलिश्तियन के सरदार ओकरा भीर आके ऊ औरत से कहे लगलन, ओकरा से फुसला के पूछऽ; आउर पता लगावऽ कि, कईसे ओकरा में एतना ताकत हे, आउर हम कईसे ओकरा पर हाबी हो सकली हे, कि हम उनका बाँध के कमजोर कर सकली हे। तब हम तोहनी में से सभे के ग्यारह सौ चाँदी के सिक्का देम।6तब दलीला शिमशोन से कहलक, हमरा बतावऽ, कि तूँ कौन रीति से बड़ी तागतवर हऽ, आउर तोरा कईसे बाँध के तोरा कमजोर कईल जा सकल हे?7शिमशोन ओकरा उत्तर देलन, जदि ऊ हमरा सातगो नया-नया ताँत के रस्सी से बाँधवऽ जौन सुखल नऽ होवे, तऽ हम कमजोर हो जायम, आउर दोसर आदमी के जईसन हो जायम।8तब पलिश्तियन के हाकिम उनका भीर सातगो ताँत के नया रस्सी जौन सुखल नऽ हल, ले अईलन, आउर ओखनी ओकरा से बाँध देलन।9जब ऊ घात करे वालन के दल कोठरी में बैठल हल, तब दलीला शिमशोन से कहलन, हे शिमशोन, पलिश्ती तोर घात में हे! "बाकि ऊ सभे रस्सी के ओईसहीं टुकड़ा-टुकड़ा तोड़ देलन, जईसे सन के सुतरी के बाती आग लगे पर टुकड़ा-टुकड़ा हो जा हे। येहिसे उनकर ताकत के भेद के पता नऽ चलल।10नतीजतन, दलीला शिमशोन से कहलन, सुनऽ, तूँ हमरा धोखा देलऽ हे, आउर हमरा से झूठ बोललऽ हे। अब दया कर के हमरा बतावऽ कि तूँ कौन चीज से बांधल जा सकलऽ हे।"11ऊ ओकरा जबाब देलन, जदि ऊ हमरा अईसन नया ताँत के रस्सी से बाँधतन, जेकरा से कोई काम नऽ लेवल गेल हे, तऽ हम कमजोर हो जायम, आउर सधारण आदमी के जईसन हो जायम।12येहिसे दलीला नया रस्सी के लेके ओकर से उनका बाँधलक। दलीला शिमशोन से कहलक, हे शिमशोन, पलिश्ती तोर घात में हे! कोठरी में घात लगा के एगो झुण्ड बईठल हल। बाकि ऊ ओकरा अपन बाँह पर से अईसे झटक देलन जईसे कोई धागा हे।13तब दलीला शिमशोन से कहलन, अखनी तक तूँ हमरा साथे छल कईलऽ हे, आउर हमरा से झूठ बोलते अईलऽ हे। हमरा बतावऽ कि तूँ कईसे बाँधल जईबऽ। एहिगुने ऊ ओकरा से कहलन, "जदि तूँ करघे से हमर माथा के केश के खाली सातो जट्टा के बुनवऽ।"14आउर ऊ उनका खूँटी से कस के बाँधलक, आउर उनका से कहलन, हे शिमशोन, पलिश्ती तोर घात में हे! जबकि ऊ नींद से जाग गेलन आउर ऊ करघे के बुनाई आउर खूँटी के ताना बाना से खूँटी के उखाड़ लेलन।15तब ऊ उनका से कहलन, तूँ कईसे कह सकऽ हऽ, कि हम तोरा से प्रेम रखऽ ही, आउर तोर मन हमरा में नऽ लगल हे? तूँ तीन बार हमरा साथे छल कईलऽ हे, आउर तूँ हमरा पर प्रकट नऽ कईलऽ कि तोरा भीर एतना जादे तागत कईसे हे।16अब अईसन होल कि दलीला दिन भर अपन बात बोल-बोलके जोड़ देते रहल। आउर ऊ उनका पर लगातार तंग करते रहऽ हल, जेकरा से उनकर नाक में दम आ गेल हल।17तब ऊ अन्त में अपन दिल के पूरा भेद दलीला से कह सुनईलन, आउर ओकरा से कहलन, हमर माथा के उपरे कहियो अस्तूरा नऽ चलल, काहेकि हम अपन माय के गर्भ से ही परमेश्वर के नाजीर ही। जदि हमरा पूरा तरह से माथा मुड़ल जायत, तऽ हमर पूरा तागत घट जायत आउर हम कमजोर हो जायम। आउर हम साधारण आदमी के जईसन बन जायम।18जब दलीला के पता चलल, कि ऊ अपन दिल के पूरा बात कह देलन हे, तब ऊ पलिश्तियन के सरदार के बुला लेलन, कि एक बार फिन आ जइतन, काहेकि ऊ अपन दिल के पूरा बात हमरा बता देलन हे। तब पलिश्तियन के हाकिम उनका भीर अईलन, आउर ऊ चाँदी के सिक्का अपन हाथ में लेले ओकरा भीर अईलन।19तब ऊ कुछ देर बाद उनका ठेहुना के बल झुका देलन, आउर ऊ आदमी के बोल के उनकर माथा पर से सातो जट्टा मुड़वा देलन। अईसे कर के दलीला शिमशोन के कमजोर करे ला सुरु कर देलक आउर शिमशोन के तागत उनका पर से खतम हो गेल हल।20तब ऊ कहलन, हे शिमशोन, पलिश्ती तोर घात में हे! आउर ऊ नींद से जाग गेलन आउर उनका से कहलन, "हम समय-समय पर भाग जायम आउर खुद के आजाद कर लेम।" बाकि ऊ नऽ जानऽ हलन कि यहोवा के आत्मा उनका पर से चल गेल हे।21पलिश्तियन शिमशोन के पकड़ लेलक, आउर उनकर आँख फोड़ देलक। ओखनी उनका गाजा में ले अईलन आउर उनका पित्तर के बेड़ी से बाँध देलक। अब अईसन होल कि कैदियन के जेलखाना में चक्की पीस रहलन हल।22बाकि उनकर माथा मुड़ला के बाद फिन से केश बढ़े लगल।23आउर पलिश्तियन के सरदार अपन देऊता दागोन के बड़का बलिदान चढ़ावे, आउर खुशी मनावे लागी सभे एक जगह जमा होलन। ऊ कहलन, "हमर परमेश्वर हमर महान दुश्मन शिमशोन के हमर हाथ में कर देलन हे।"24जब लोग उनका देखलन, तऽ अपन देऊतवन के स्तुति कईलन, आउर कहलन, हमर देउता हमर दुश्मन के, मतलब कि हमर देश के नाश करे वाला के, जे हमनी में से बड़ी के मारे वाला के ढेर लगा देलन हल, ओकरा हमर हाथ में कर देलन हे।25जब उनकर मन खुश होल, तब ऊ कहलन, शिमशोन के बुला लावऽ, कि ऊ हमर मन बहलावे। येहिसे ओकरा जेलखाना में से बुलईलन, आउर ओखनी उनकर तमाशा बनईलन। ओखनी उनका दूगो पाया के बीच में खड़ा कर देलन हल।26शिमशोन ऊ जवान से जौन उनकर हाथ पकड़ले हल, कहलन, हमरा आराम करे दऽ! हमरा ऊ सभे पाया के छूए दऽ, जेकरा पर महल टिकल हे, जेकरा से हम खुद ओकरा से टिक सकूँ।27महल जनानी आउर मरदाना से भरल हल, आउर पलिश्तियन के सभे सरदार ऊहें बैठल हलन। छत पर लगभग तीन हजार औरत-मरद हल, जौन शिमशोन के तमाशा करते देख रहलन हल।28तब शिमशोन यहोवा के पुकार के कहलन, हे हमर प्रभु यहोवा, कृपा कर के हमर लाज रखऽ! हे परमेश्वर कृपा कर के एक बार फिन हमरा तागत दऽ, कि हम अपन दुन्नो अँखवन के बदला पलिश्तियन से एक बार में ले सकम।29शिमशोन बीच के दुन्नो पाया के जेकरा पर महल टिकल हल, ओकरा पकड़ लेलन। ऊ ओकरा पर झुक गेलन, एगो पर उनकर दहिना हाथ, आउर दोसरका पर उनकर बामा हाथ हल।30तब शिमशोन कहलन, हमर जान पलिश्तियन के साथे जायत! तब ऊ अपन पूरा तागत लगा के झुकलन आउर आगे बढ़लन आउर महल सभे मौजूद सरदार आउर सभे लोग पर गिर गेल। येहिसे जौन लोग मर गेलन, जेकरा ऊ अपन मौत घड़ी मार देलन, ओखनी सभे ओखनी से बड़ी जादे हलन, जेकरा ऊ अपन जीते जी मारलन हल।31तब शिमशोन के भाई आउर उनकर बाबूजी के पूरा परिवार महल के भीतर चल गेलन। जईसही ऊ वापस उपरे गेलन, तऽ उनकर लाश के उठईलन। आउर ओखनी उनकर लाश के सोरा आउर एश्ताओल के बीच में उनकर बाबूजी मानोह के कब्र में दफनइलन। ऊ बीस साल तक इस्राएल के न्याय कईलन हल।
Bridge Connectivity Solutions Pvt. Ltd.