Judges15
1बाकि कुछ दिन के बाद अईसन होल कि, गेहूँ के कटनी के दिन में शिमशोन बकरी के एगो बच्चा लेके अपन मेहरारू भीर मिले ला गेलन। काहेकि ऊ कहलन, हम अपन मेहरारू भीर भीतरे कोठरी में जायम। बाकि उनकर ससुर उनका भीतरे जाय के आज्ञा नऽ देलन।2उनकर ससुर शिमशोन से कहलन, हम सच कहऽ ही, कि तूँ ओकरा से नफरत करऽ हऽ, येहिसे हम ओकरा तोर जिगरी दोस्त के वियाह देली हे। का ओकर छोटकी बहन ओकरा से बढ़ियां नऽ हे? कृपा कर के ओकर बदले ऊ तोर हो जाय।3शिमशोन उनका से कहलन, ई घड़ी हम पलिश्ती लोग पर विपत्ति डाल के भी उनकर बारे में बेकसूर ठहरम।4तब शिमशोन जा के तीन सौ लोमड़ी के पकड़लन, आउर ओकर पूँछ में पूँछ बाँध देलन। आउर मशाल लेलन, आउर दूगो के पूँछ के बीच में एगो मशाल बाँध देलन।5आउर ऊ मशाल में आग जला के ओखनी के पलिश्ती के खड़ा अनाज में फेंक देलन। नतीजा ई होल, कि बोझा के ढेर आउर खड़ा अनाज, हियाँ तक कि अंगूर के बगईचा आउर जैतून के बगईचा के भी जला देलन।6तऽ पलिश्ती लोग पूछलन, “अईसे कौन कईलन हे?” लोग उत्तर देलन, ऊ तिम्नी के दामाद शिमशोन, काहेकि उनकर ससुर ओकर मेहरारू के बियाह ओकर, अपन गहरा दोस्त के साथ कर देलन। नतीजा, पलिश्ती लोग भी चढ़ाई कईलन आउर औरत आउर ओकर बाबूजी के आग में जरा देलन।7शिमशोन ओखनी से कहलन, जब तूँ अईसन काम कईलऽ हे, तऽ पक्का हम तोरा से बदला लेके रहम, आउर ओकर बाद ही हम रुकम।8ऊ उनकर निचला गोड़ के साथे-साथे जाँघ पर भी मारलन, एगो बड़का मार-काट होल। तब ऊ नीचे चल गेलन, आउर एताम के चट्टान के दरार में रहे लगलन।9बाकि पलिश्तियन चढ़ाई कर के यहूदा में डेरा खड़ी कईलन, आउर लही में फैल गेलन।10यहूदा के आदमी कहे लगलन, “तूँ हमरा पर चढ़ाई करे काहेला अईलऽ हे?” ऊ उत्तर देलन, "हम शिमशोन के पकड़ के बांधे लागी अईली ही, कि जईसन ऊ हमरा साथे कईलन हे, ओईसहीं उनका साथे भी करम।11तब यहूदा के तीन हजार आदमी एताम नाम के चट्टान के दरार में जा के शिमशोन से कहे लगलन, का तूँ नऽ जानऽ हऽ, कि पलिश्ती हमरा पर राज करऽ हथन? तूँ हमनी के साथे ई का कईलऽ हे?" शिमशोन ओखनी के जबाब देलन, "जईसे ओखनी हमरा साथे कईलन हल, ओईसहीं हमहूँ ओखनी साथे कईली हे।"12यहूदा के लोग उनका जबाब देलन, हम तोरा बाँध के पलिश्तियन के वश में करे ला अईली हे। बाकि शिमशोन ओखनी से कहलन, हमरा से किरिया खा, कि तूँ हमरा पर चढ़ाई नऽ करवऽ।13ऊ उनका उत्तर देलन, नऽ, बाकि हम तोरा पक्का बाँधम, आउर उनकर हाथ में कर देम। बाकि सच में तोरा हम नऽ मारम। तब ऊ उनका दूगो नया रस्सी से बाँधलन, आउर ऊ उनका चट्टान से उपरे ले अईलन।14ऊ लही तक आ पहुँचलन, तब पलिश्तियन उनका देख के के जय जयकार कईलन। तब यहोवा के आत्मा शिमशोन पर बल से उतरल। जौन रस्सी से उनकर हाथ बाँधल गेल हल, ऊ आग में जल के सन के डंठल के जईसन हो गेल, आउर उनकर हाथ पर से बंधन खुल गेल।15तब उनका गदहा के जबड़ा के जईसन एगो ताजा हड्डी मिलल, आउर ऊ हाथ बढ़ा के ओकरा ले लेलन, आउर ओकरा से एक हजार आदमी के मार देलन।16तब शिमशोन कहलन, गदहा के जबड़ा के हड्डी से ढेर के ढेर लग गेल, आउर गदहा के जबड़ा के हड्डी से हम एक हजार आदमी के मार देली हे।17जब ऊ ई कह चुकलन, तब ओकर जबड़ा के हड्डी उनकर हाथ से छूट गेल, आउर ऊ जगह के नाम रामत-लही रखल गेल।18तब उनका बड़ी जोड़ से पियास लगल आउर यहोवा के दोहाई दे के कहे लगलन, तूँही अपन दास के बड़का जीत देलईलऽ हे। फिन अब का हमरा पियासल मरे पड़तई, कि हम खतनारहित के हाथ में पड़म?19तब परमेश्वर ले ही में ओखली जईसन जमीन के गड़हा खोद देलन, आउर ओकरा में से पानी निकसे लगल। जब ऊ पानी पिलन, तऽ मानऽ कि उनकर परान लौट गेल, जेकरा से उनकर जान में जान आयेल। येहिसे ऊ ओकर नाम एनहक्कोरे रखलन, जौन आज तक लही में हे।20ई तरह से ऊ पलिश्ती लोग के समय में बीस साल तक इस्राएल देश के न्याय करते रहलन।
Bridge Connectivity Solutions Pvt. Ltd.