Judges11
1ऊ घड़ी यिप्तह नाम के गिलादी शूरवीर तऽ हल, बाकि वैश्या औरत के बेटा हल। गिलाद यिप्तह के जनम देलन।2गिलाद के मेहरारू से उनकर बेटा जनम होल। जब उनकर बेटा बड़ा होलन, तब ऊ यिप्तह के निकास देलन, आउर ओकरा से कहलन, तूँ तऽ पराया औरत के बेटा हऽ, येहिसे तूँ हमर बाबूजी के घराना में से तोरा कुछ नऽ मिलत।3येहिसे यिप्तह अपन सौतेला भईवन के सामने से भाग गेलन, आउर तोब नाम के देश में जा बसलन। यिप्तह के चारो दने लफंगा लोग जमा हो गेल आउर ऊ ओकरा साथे घूमे लगल।4कुछ दिन के बाद अम्मोनी लोग इस्राएली लोग से लड़ाई करे लगलन।5जब अम्मोनियन इस्राएल से लड़ाई कईलन, तब गिलाद के पुरनियन तोब देश से यिप्तह के बोलावे ला गेलन।6तब ऊ यिप्तह से कहलन, आवऽ, आउर तोरा अपन सेना के सेनापति बना देम, कि हमनी अम्मोनी लोग से लड़ सकम।7बाकि यिप्तह गिलाद के पुरनियन के उत्तर देलन, का तूँ हमरा से दुश्मनी नऽ रखऽ हऽ, जौन तूँ हमरा हमर बाबूजी के घर से निकास देलन हे? अखनी जब तोरा दिक्कत हो रहल हे तऽ तूँ हमरा भीर काहे अईलऽ हे?8तब गिलाद के पुरनिया यिप्तह से कहलन, अखनी तऽ हम तोरा दने लौट अईली हे; येहिसे हमरा साथे आवऽ आउर अम्मोनी लोग से लड़ऽ, आउर तूँ गिलाद में रहे वालन सभे लोग पर हमनी के सेनापति ठहरवऽ।9यिप्तह गिलाद के पुरनिया से कहलन, जदि तूँ हमरा अम्मोनी से लड़े ला ले अईवऽ, आउर यहोवा उनका हमर सामने कर देतन, तऽ का हम तोर प्रधान बन जायम?10तब गिलाद के पुरनियन यिप्तह से कहलन, यहोवा हमर बीच में गवाह ठहरतन, हम तोर वचन के मोताबिक पक्का अईसने करम।11तब यिप्तह गिलाद के पुरनियन के साथे चल गेलन, आउर लोग उनका अपना ऊपर प्रधान ठहरईलन। यिप्तह मिस्पा में यहोवा के सामने अपन पूरा बतियन के कहलन।12तऽ यिप्तह अम्मोनी लोग के राजा भीर दूत के द्वारा खबर भेजलन, कि हमरा आउर तोरा बीच में का होल हे, कि तूँ हमर देश से आउर हमरा से लड़े ला अईलऽ हे?13अम्मोनियन के राजा यिप्तह के दूत के उत्तर देलन, इस्राएली लोग मिस्र से निकले घड़ी अर्नोन नदी से यब्बोक नदी तक, आउर यरदन नदी तक हमर देश छीन लेलन। अब ओकरा शान्ति से लौटा देतन।14तब यिप्तह फिन आगे बढ़ के अम्मोनियन के राजा भीर दूत भेजलन।15आउर ऊ उनका से कहलन, यिप्तह अईसे कहलन, इस्राएली मोआब के धरती चाहे अम्मोनियन के धरती नऽ लेलन हे।16बाकि इस्राएली मिस्र से निकस के जंगल में होके लाल समुद्र तक गेलन, आउर कादेश तक पहुँचलन। 17जब इस्राएली एदोम के राजा भीर दूत से ई समाचार भेजलन, कि हमरा अपन देश से होके गुजरे दऽ, तब एदोम के राजा नऽ मानलन। तब ऊ मोआब के राजा भीर खबर भेजलन, बाकि ओहू भी तईयार नऽ होलन। येहिसे इस्राएल कादेश में ठहर गेलन।18तब ऊ जंगल में से होके एदोम आउर मोआब के देश से मुड़ गेलन, आउर मोआब के देश में सूर्योदय के जगह पर चल गेलन। ऊ अर्नोन के दूसरा दने डेरा डाललन, बाकि ऊ मोआब के सीमा के भीतरे नऽ गेलन, काहेकि अर्नोन मोआब के सीमा हल।19इस्राएल एमोरियन के राजा सीहोन, आउर हेश्बोन के राजा भीर दूत भेजलन। इस्राएली उनका से कहलन, 'कृपा कर के, हमरा अपन देश से होके हमर जगह तक जाय दऽ।20बाकि सीहोन अपन सीमा के भीतरे से आवे वाला इस्राएली पर भरोसा नऽ कईलन। तब सीहोन अपन सऊँसे प्रजा के जमा कईलन, आउर ऊ यहस में डेरा डाललन, आउर ऊ इस्राएली से लड़े लगलन।21तब इस्राएली के परमेश्वर यहोवा सीहोन के उनकर प्रजा सहिंत इस्राएली के हाथ में कर देलन, आउर ऊ उनका हरा देलन। ई तरह से इस्राएल ऊ प्रांत में रहे वालन एमोरी लोग के समूचे धरती पर कब्जा कर लेलन।22अर्नोन से लेके यब्बोक तक, आउर जंगल से लेके यरदन तक एमोरियन के सीमा में सभे कुछ उनकर अधिकार में आ गेल।23येहिगुने इस्राएल के परमेश्वर यहोवा एमोरी के अपन प्रजा इस्राएल के सामने से निकास देलन हे, का तूँ सच्चो में उनकर अधिकारी होवऽ?24जदि तोर कमोश देऊता तोरा ओकरा पर अधिकार करे देतन, तऽ का तूँ ओकरा पर अधिकार नऽ करवऽ? ई तरह से हमर परमेश्वर यहोवा जौन कुछ हमरा सामने निकाल के अधिकार में कईलन हे, ऊ सभे के हम ओकर अधिकारी होयम। 25का तूँ मोआब के राजा सिप्पोर के बेटा बालाक से सच में बढ़िया हऽ? का ऊ इस्राएल से लड़े के हिम्मत कईलन हल। चाहे ऊ कहियो उनकर खिलाफ लड़ाई नऽ कईलन?26जबकि इस्राएल हेशबोन आउर उनकर गाँव में, आउर अरोएर आउर उनकर गाँव में, आउर अर्नोन के किनारे के सभे नगर में तीन सौ साल तक बसल रहलन, तब तूँ ऊ घड़ी एतना दिन में ओकरा वापस फिन से काहे नऽ लेलऽ?27हम तोर खिलाफ पाप नऽ कईली, बाकि तूँ हमरा से लड़ के हमरा साथे अत्याचार कर रहलऽ हे। यहोवा, न्यायी, आज इस्राएल के बेटवन आउर अम्मोनियन के बेटवन के बीच में फैसला करतन।28बाकि अम्मोनियन के राजा यिप्तह के बतियन जौन ऊ उनका भीर भेजलन हल नऽ मानलन।29तब यहोवा के आत्मा यिप्तह पर उतरल, आउर ऊ गिलाद आउर मनश्शे से होके गिलाद के मिस्पा से होके अईलन, आउर गिलाद के मिस्पा से अम्मोनियन के खिलाफ एगो सेना के अगुवाई करते गेलन।30यिप्तह यहोवा के सामने एगो मन्नत मान के कहलन, जदि तूँ सच में अम्मोनियन के हमर हाथ में कर देवऽ।31तऽ जब अम्मोनियन भीर से बढ़ियाँ से लौट आयेम, तब जौन कोई हमर घर के दुआरी से निकस के हमरा से भेंट करे ला निकले, ऊ यहोवा के हो जायत, आउर हम ओकरा होमबलि कर के चढ़ायम।32तब यिप्तह अम्मोनियन से लड़े ला उनका भीर गेलन, आउर यहोवा उनका उनकर हाथ में कर देलन।33फिन ऊ अरोएर शहर से लेके मिन्नित शहर तक बीस नगर तक उनका पर हमला कईलन, आउर आबेल-करामीम तक उनकर बड़ी बड़का गो संहार कईलन। ई तरह से अम्मोन के बेटा इस्राएली के बेटवन के मौजूदगी से वश में हो गेलन।34यिप्तह मिस्पा के इलाका में अपन घर में अईलन, आउर का देखलन, कि ओकर बेटी डफली लेले आउर नाचते उनका से भेंट करे लागी चलल आ रहल हे। जबकि, ऊ इकलौती बेटी हल; ओकर अलावे उनकर कोई बेटा चाहे बेटी नऽ हल।35आउर जब ऊ उनका देखलन, तब ऊ अपन कपड़ा फाड़लन, आउर कहलन, हाय, हे हमर बेटी! सच में, तूँ हमरा दुःख से झुकईलऽ हे, आउर तूँ हमरा दुःख देवे वाला में से हऽ! काहेकि हम यहोवा लागी अपन मुँह खोल देली हे, आउर हम पीछे नऽ हट सकली हे।36तब ऊ उनका से कहलन, हे हमर बाबूजी, तूँ यहोवा लागी अपन मुँह खोल देलऽ हे। जौन कुछ यहोवा तोरा ला कईलन हे। ओकर मोताबिक जौन कुछ तोर मुँह से निकलऽ हे ओही हमरा साथे करऽ; मतलब कि अपन दुश्मन मतलब कि अम्मोनी लोग से बदला लऽ।37ऊ अपन बाबूजी से कहलन, ई काम हमरा ला कईल जाय। हमरा दू महीना लागी छोड़ दऽ, कि हम चल जायम, आउर पहाड़ के मुँह के भरे गिर पड़ल, आउर अपन कुंवारीपन के चलते अपन सथियन के साथ रोयम। 38ऊ उत्तर देलन, जा फिन ऊ उनका दू महीना लागी दूर भेज देलन। ऊ अपन सखियन के साथ चल गेल, आउर पहाड़ पर अपन कुंवारीपन के चलते रोते रहल।39दू महीना बीते पर ऊ अपन बाबूजी भीर लौट अईलन, आउर ऊ जौन एगो मन्नत मानलन हल, ओकरा पूरा कईलन। ऊ कोई आदमी के नऽ जानऽ हलन, आउर ई इस्राएली में एगो व्यवस्था बन गेल।40समय-समय पर इस्राएली के सभे औरतियन साल में चार दिन लागी गिलादी यिप्तह के बेटी के याद करे ला जईते रहऽ हलन।
Bridge Connectivity Solutions Pvt. Ltd.