Judges12
1तब एप्रैमी आदमी के बुलावल गेल, आउर ओखनी उत्तर दने चले लगलन, आउर यिप्तह से कहे लगलन, तूँ अम्मोनियन से लड़े ला काहेला गेलऽ हे, बाकि हमरा अपना साथे चले ला काहे नऽ बुलईलऽ? हम तोर घर के आग में तोरा साथे जला देम।2यिप्तह उनका से कहलन, “हम आउर हमर प्रजा आउर अम्मोनियन में बड़ी बड़का मुकदमा हे। जखनी हम तोरा बुलईली, तऽ तूँ हमरा उनकर हाथ से नऽ बचईलऽ।3जब हम देखली, कि तूँ छुड़ावे ला नऽ अईलऽ, तऽ हम अपन जान अपन हथेली में रखली। हम अम्मोनियन भीर गेली, आउर यहोवा उनका हमर हाथ में कर देलन। अब तूँ हमर खिलाफ लड़े लागी हमरा भीर काहे अईलऽ हे?”4तब यिप्तह गिलाद के सभे लोग के जमा कईलन, आउर एप्रैम से लड़ाई कईलन। गिलाद के आदमी एप्रैम के येहिसे मारलन काहेकि ऊ कहलन हल, "हे गिलाद के लोग, तूँ एप्रैम के बीच में आउर मनश्शे के बीच में एप्रैम के भगोड़ा हऽ।"5गिलाद देश के लोग एप्रैम देश के पार यरदन नदी के पार के देश पर अधिकार कर लेलन। अईसन तखनी होल जखनी एप्रैम के बचलकन में से कोई कहलन, “का हम पार जा सकऽ ही” तब गिलाद के लोग उनका से कहऽ हलन, “का तूँ एप्रैमी हऽ?” जदि ऊ कहतन कि, “नऽ”6तऽ ओखनी ओकरा से कहऽ हलन, "कृपा कर के" शिब्बोलेत "कहऽ।" काहेकि जदि ऊ "शिब्बोलेत" कहतन, काहेकि ऊ एकर सही उच्चारण कर नऽ पावऽ हल, तऽ ऊ ओकरा पकड़ले हलन। आउर यरदन के पार के जमीन पर ओकरा मार दे हलन। ऊ घड़ी एप्रैम में से बयालीस हजार आदमी मारल गेलन।7यिप्तह छउ साल तक इस्राएल के इंसाफ कईलन। तब गिलादी यिप्तह मर गेलन, आउर उनका गिलाद के नगर में मट्टी देवल गेल।8फिन ओकर बाद बैतलहम के इबसान इस्राएल के न्याय करे लगलन।9अभी उनकर तीसगो बेटा हल। आउर ऊ तीसगो बेटी के बाहर बियाह देलन, आउर अपन बेटा लागी तीसगो पुतोह के बाहर से ले अईलन। ऊ सात साल तक इस्राएल के न्याय कईलन।10तब इबसान मर गेलन, आउर ओकरा बैतलहम में मट्टी देवल गेल।11ओकर बाद जबूलून एलोन इस्राएल के न्याय करे लगलन। ओकर दस साल तक इस्राएल के न्याय करते रहलन।12तब जबूलूनवासी एलोन मर गेलन, आउर उनका जबूलून देश के अय्यलोन शहर में मट्टी देवल गेल।13ओकर बाद पिरातोनी शहर हिल्लेल के बेटा अब्दोन इस्राएल के न्याय करे लगलन।14आउर उनकर चालीसगो बेटा आउर तीसगो पोता हल, जौन सत्तरगो जबान गदहवन पर सवारी करऽ हलन। ऊ आठ साल तक इस्राएल के न्याय कईलन।15तब पिरातोनी वासी हिल्लेल के बेटा अब्दोन मर गेलन, आउर उनका एप्रैम देश के अमालेकियन के पहाड़ी देश के पिरातोनी में मट्टी देवल गेल।
Bridge Connectivity Solutions Pvt. Ltd.