Joshua9
1जखनी यरदन नदी के पार पहाड़ी देश आउर तराई के देश में, आउर बड़ा समुद्र के किनारे से लबानोन के दने जाइ वाला सभे राजा, मतलब कि हित्ती, एमोरी, कनानी, परिज्जी, हिव्वी, आउर यबूसी लोग ई सुनलन,2तऽ ओखनी एक मन होके यहोशू आउर इस्राएली लोगवन से लड़े लागी एक जौरे जामा हो गेलन।3बाकि जखनी गिबोन के निवासी सुनलन कि यहोशू यरीहो आउर ऐ देश से का कईलन हे,4ओखनी एगो चतुराई से योजना भी बनईलन। ओखनी जा के भोजन लेलक, आउर अपन गदहा पर फटल-पुराण बोरा लेलन, आउर फटल मदिरा के थैला के ठीक कईलन,5आउर ओखनी के पाँव में फटल पुरान आउर पेऊन लगल जूता, आउर अपन देह पर फटल-पुरान कपड़ा पहिनलन, आउर ओखनी के भोजन के सभे रोटी सुखल हल, ले लेलन।6तऽ ओखनी गिलगाल शहर के छावनी में यहोशू भीर गेलन, आउर ओकरा से आउर इस्राएल के लोग से कहे लगलन, हम बड़ी दूर देश से अईलऽ हे, येहीगुने अब हमरा साथे वाचा बाँधऽ।7इस्राएल के लोग हिव्वी लोग से कहलन, हो सकऽ हे कि तोहनी हमनी के बीच रहऽ हऽ। तऽ हम तोहनी के साथे कईसे एगो वाचा के तोड़ सकली हे?8बाकि ओखनी यहोशू से कहलन, हम तोर दास ही। तऽ यहोशू ओखनी से पूछलन, तूँ कौन हऽ? तूँ कहाँ से अईलऽ हे?''9ओखनी ओकरा से कहलन, तोर दास बड़ी दूर के देश से तोर परमेश्वर यहोवा के नाम से अईली हे; काहेकि हमनी ओकरा बारे में, आउर जे कुछ ऊ मिस्र में कईलन हे ऊ सभे के बारे में समाचार सुनली हे,10आउर जे कुछ ऊ यरदन के ऊ पार एमोरियन के राजा से कईलन हे, मतलब कि हेशबोन के राजा सीहोन से, आउर बाशान के राजा ओग से, जे अश्तारोत में हलन। 11तऽ हमनी के पुरनियन आउर हमनी के देश के सभे निवासी हमरा से कहलन, यात्रा लागी भोजन हाथ में लेके ओखनी से भेट करे लागी चलऽ, आउर ओखनी से कहऽ, हम तोर दास ही एहिगुने अब हमनी जौरे वाचा बाँधऽ।12हमनी के रोटी गरम आउर ताजा हल जखनी हमनी अपन घर से अपन भोजन के ओदिनमा लेके निकलली हल, जे दिनमा हमनी ओकरा भीर आवे लागी चलली हल। बाकि अखनी, देखऽ ई सुख गेल आउर फफूंदी लग गेल हे।13ई मदिरा जे हमनी भरली हल, नया हल, आउर देखऽ, ई फट गेल हे। आउर हमनी के कपड़ा आउर हमनी के चप्पल बड़ी दूर यात्रा करे घड़ी से पहनले ही।14तब ऊ लोग अपन भोजन में से ले लेलन, बाकि यहोवा से नऽ पूछलन।15तऽ यहोशू ओखनी से मिललन, आउर ओखनी से ई वाचा बाँधलन, कि ओखनी जिन्दा रहत, आउर सभा के प्रधान ओखनी से सपथ खईलन।16अईसन होल कि तीन दिन के बाद जब ओखनी जौरे वाचा बांधलन, तऽ ओखनी सुनलन कि ओखनी हमर पड़ोसी हे आउर ओखनी हमनी के बीच रहऽ हे।17तऽ इस्राएली लौट के तिसरका दिन अपन नगर में अईलन। तऽ ओखनी के नगर गिबोन, कपीरा, बेरोत, किर्यत्यारीम हल।18बाकि इस्राएली लोग ओखनी पर हमला नऽ कईलन, काहेकि सभा के प्रधान इस्राएल के परमेश्वर यहोवा के सपथ खईलन हल। पूरा सभा प्रधान के खिलाफ बड़बड़ा रहलन हल।19बाकि सभे हाकिम भरल सभा से कहलन, हम इस्राएल के परमेश्वर यहोवा के सपथ खा के ओखनी से कहली हे, आउर अब हमनी ओखनी के छू नऽ सकली हे।20हमनी ओखनी के साथे अईसन करम कि, हमनी ओखनी के जिन्दा रहे देवऽ, काहेकि ऊ किरिया के खातिर जे हमनी ओखनी से खईली हल, हमनी पर गोस्सा नऽ होतन।21प्रधान लोग ओखनी से कहलन, ओखनी के जिन्दा रहे दऽ। तऽ ओखनी सभे सभा लागी लकड़ी काटे वाला आउर पानी भरे वाला बन गेल हे, जैसे प्रधान लोग ओखनी से कहलन हल।22तऽ यहोशू ओखनी के बोला के ओखनी से कहलन, तोहनी हमनी के ई कह के काहे धोखा देलऽ हे, कि हमनी तोहनी से बड़ी दूर ही, जबकि तोहनी हमनी के बीच में रहऽ हऽ?23येहीगुने अब तोहनी शापित हऽ, आउर दास आउर लकड़ी काटे वाला आउर हमर परमेश्वर के भवन लागी पानी भरे वाला नऽ रहबऽ। 24ओखनी यहोशू के जबाब देलन, कि तोर दास से ई साफ कह देवल गेल हल, कि तोर परमेश्वर यहोवा अपन दास मूसा के आज्ञा देलन हल, कि ऊ देश तोहनी के देतन आउर ऊ देश के सभे निवासी के तोर सामने से नाश कर देतन, ई चलते हम तोर कारण अपन प्राण बचावे लागी बहुत डर गेली हल, आउर ई काम करली हे।25अब देखऽ, हमनी तोर हाथ में ही। हमनी के जौरे ओईसहीं करऽ जईसन हमनी के साथ करे ला सही लगऽ हे।26तऽ ऊ ओखनी से ओईसहीं कईलन, आउर इस्राएली लोग के हाथ से ओखनी के बचावल गेल कि ओखनी के घात नऽ कईलन।27तऽ ओही दिन यहोशू मण्डली लागी आउर यहोवा के चुनल जगहा पर उनकर वेदी लागी, लकड़हारा आउर पानी भरे वाला ठहरा देलन, आउर ऊ अखनी दिन लागी ओही काम करऽ हथन।
Bridge Connectivity Solutions Pvt. Ltd.