Joshua8
1यहोवा यहोशू से कहलन, मत डरऽ, आउर नऽ निराश होवऽ। इस्राएल के सभे सैनिक के साथ लेके उठऽ आउर ऐ देश पर चढ़ाई करऽ। देखऽ, हम ऐ राजा आउर ओकर प्रजा के, आउर ओकर नगर आउर ओकर देश तोर हाथ में कर देली हे।2जईसन तूँ यरिहो आउर ओकर राजा के जौरे करे ला हे, वईसे ही तूँ आई राजा के जौरे करिहऽ, जखनी ला तूँ ओकर माल आउर जानवर अपन लागी लुट नऽ ला। अपन लागी शहर लागी एगो घात सेट करऽ।3तऽ यहोशू आउर सभे सैनिक ऐ पर चढ़ाई करे लागी उठिहऽ। तऽ यहोशू तीस हजार पराक्रमी योद्धावन के चुन कर रात के ओखनी के बाहर भेजलन।4ऊ ओखनी के ई आज्ञा देल, कि देखा, तूँ नगर के पीछे, नगर पर घात में बईठल रहऽ। शहर से ढेर दूर नऽ जईहऽ, बाकी तोहनी सभे तैयार रहऽ।5हम आउर हमर संग के सभे लोगवन नगर में अईतन, आउर अईसन होत कि जखनी ओखनी पहिला तरह से हमनी पर हमला करतन, तऽ हमनी ओखनी के सामने से भाग जायेम।6ओखनी हमनी के पीछे बाहर आ जायेत, ईहा ला कि हमनी ओखनी के नगर से निकाल नऽ ली। काहेंकी ओखनी कहतन, ओखनी पाहिले के तरह हमनी के भीर से भाग रहल हे। बकी हमनी ओखनी से पाहिले ही भाग निकलम।7तऽ तूँ घात पर से चढ़ के निकल के नगर के ले लिआ, काहेंकी तोर परमेश्वर यहोवा ओकरा तोर हाथ में कर देतन।8अईसन होत कि जखनी तोहनी नगर ले लेबा, तऽ तोहनी नगर में आग लगा दिहऽ। तोहनी ई यहोवा के आज्ञा के अनुसार करिहऽ। देखऽ हम तोहनी के आज्ञा देले ही।9तऽ यहोशू ओखनी के विदा कईलन, आउर ओखनी घात के जगह पर गेल, आउर ओखनी ऐ पश्छिम बेतेल आउर ऐ बिच्चा इंतेजार करे लगलन। बाकि यहोशू ऊ रात बचल सभे सेना के बिच बितईलन।10यहोशू भोर में तड़के उठ के लोगवन के बुलईलन। तऽ ऊ इस्राएल के पुरनियन आउर आदमियन आई लोगवन के भीर चढ़ गेलन।11तऽ सभे योद्धा जे ओकर संग हल, चढ़ के नगर के सामने अईलन, आउर आई उत्तर दने डेरा खड़ा कईलन। अब ओखनी के आउर आई बिच एगो घाटी हल।12ऊ लगभग पाँच हजार सैनिक सब के लेलन आउर ओखनी के बेतेल आउर ऐ के बीच शहर के पश्छिम दने घात लगा के खड़ा कईलन।13ओखनी लोग के तईनात कईलन-सभे सेना जे शहर के उत्तर के दने हल, आउर ओकर पीछे के गाद शहर के पच्छिम के दने हल। तऽ यहोशू ऊ रात तराई के बीच में गेल।14जखनी ऐ राजा ई देखलन, तऽ नगर के लोग जल्दी से उठ के अपन सभे प्रजा के साथे अराबा के सामने एगो नियत स्थान पर इस्राएल के सैनिक से युद्ध करे लागी निकलल। बाकी ओखनी नऽ जानऽ हल कि शहर के पीछे ओकर खिलाफ घात लगावल गेल हल।15यहोशू आउर सभे एस्राएली हार गेलन, आउर ऐ के सेना के सामने से भाग गेलन।16ता जेतना लोग नगर में हल, ऊ सभे के ओखनी के पीछा करे लागी बुलावल गेल, ता ओखनी यहोशू के पीछा कर के नगर से दूर चल गेलन।17आई या बेतेल में अईसन कोई आदमी न बचलन हल जे एस्राएली के पीछा न कईलन होत। ई खातिर ओखनी ईस्राएल के पीछा करते नगर के दरवाजा खुला छोड़ देलन।18ता यहोवा यहोशू से कहलन, जे भाला तोर हाथ में हे ओकरा आई के दने बढ़ा, काहेंकी हम ओकरा तोर हाथ में कर देबो। ता यहोशू अपन हाथ के भाला नगर के तरफ बढ़इलन।19तऽ घात में छिपल लोग जल्दी से उठलन आउर हाथ बढ़ा के अपन जगह से बाहर निकल गेलन। ओखनी नगर में प्रवेस कईलन आउर ओकरा ले, लेलन, आउर नगर में आग लगावे लागी फुर्ती कईलन।20तऽ आई के आदमियन मुड़ के द्रष्टि कईलन, आउर का देखलन, कि नगर के धुंआ आकाश में उड़ रहल हे, आउर नऽ एने-ओने भागे लागी ओखनी के हाथ में हल। जे लोगवन जंगल में भाग गेलन हल, ओखनी पीछा करे वाला के खिलाफ आ गेलन।21जखनी यहोशू आउर दोसर सभे एस्राएली देखलन, कि घात लगा के नगर पर चढ़ाई कर लेली हे, आउर नगर के धुंआ उठ गेल हे, ता ओखनी पीछे मुड़ के आई के आदमियन के मार डाललन।22जे लोग नगर से ओखनी के खिलाफ अईलन ता ओखनी इस्राएल के बीच में हल, केतना ई तरफ आउर केतना ऊ तरफ। आउर ओखनी ऊ सब के मार देलन, जब ला कि ओखनी में से कोई जिन्दा या शरणार्थी न बच गेल हल।23ओखनी आई के राजा के जिन्दा पकड़ लेलन, आउर यहोशू के भीर ले अईलन।24जखनी ईस्राएली ऐ शहर के सभे निवासी के जंगल भीर के मैदान में जेजा ओखनी ऊ सब के पीछा कईलन हल, मार देलन, आउर जब ओखनी सभ तलवार से तब ला मारते रहल जब ला ओखनी नाश न हो गेल, ता सब ईस्राएली आई के लौट अईलन आउर ओखनी के तलवार से मारलन।25ई तरह से ई होल कि ऊ दीन जेतना आदमी गिरल, मतलब स्त्रीयन से लेकर आदमी ला मारल गेल हल बारह हजार ऐ के आदमियन हल।26काहेंकी यहोशू अपन भाला जे हाथ से बढ़यलन हल, तब ला पीछे न हटलन, जब ला कि ओखनी आई के सभे निवासियन के सत्यानाश न कर देलन।27यहोवा के ऊ वचन के आनुसार जेकर आज्ञा यहोशू देल हल, ईस्राएली केवल जानवर आउर ऊ नगर के चिजवन के लुट लेलन।28ता यहोशू आई के जला देलन, आउर ओकरा अमेसा लागी उजाड़ कर देलन, आउर ऊ आज ला उजाड़ पड़ल हे।29तऽ ऊ ऐ के राजा के सांझ ला एगो वृक्ष पर लटका देलथिन। जखनी सूर्य अस्त होवे लगलन हल, तऽ यहोशू आज्ञा देलन कि ओकर लहाश के पेड़ पर से उतार के नगर के फाटक के दुआरी पर फेक दऽ, आउर ओकरा पर पत्थरवन के एगो बड़ा ढेर खड़ा कर दऽ, जे आज ला बनल हे।30तऽ यहोशू एबाल पर्वत पर इस्राएल के परमेश्वर यहोवा लागी एगो बेदी बनईलन। 31जईसन यहोवा के दास मूसा एस्राएलीयन के आज्ञा देलन हल, जईसन मूसा के व्यवस्था के किताब में लिखल हे, बिन तरासल पत्थर के बेदी, जेकरा पर कोई भी लोहा के औजार ना चलावल गेल हे। ओकरा में ऊ यहोवा लागी होमबलि चढ़इतन।32जब इस्राएलियन देखलन, तब यहोशू जौन व्यवस्था यहोवा मूसा के देलन हल ओकर नकल पत्थरवन पर लिख देलन। 33सभे इस्राएली, आउर ओखनी के पुरनियन, आउर हाकिम, आउर उनके न्यायी याजकवन आउर लेवियन वाचा संदूक के दुन्नो अलंग के सामने खड़ा होल, जे परदेशी आउर देशी हल, ओखनी में आधा गिरिज्जीम पर्वत के सामने आउर आधा एबाल पर्वत के सामने खड़ा होल। जईसन यहोवा के दास मूसा पाहिले आज्ञा देलन हल, कि इस्राएली सब के आशीष देतन।34एकर बाद, मूसा व्यवस्था के सभे वचन, आशीष आउर शाप के पढ़लन, जईसन कि ऊ व्यवस्था के किताब में लिखल गेल हल।35जेतना बात के आज्ञा मूसा देल हल ओकरा में से एक-एक बात यहोशू इस्राएल के सभे सभा के, बल्कि औरत सब के, आउर बाल बच्चा सब के, आउर ओकर बीच रहे वाला परदेशी सब के भी पढ़ के सुनईलन।
Bridge Connectivity Solutions Pvt. Ltd.