Joshua10
1आउर अईसन होल कि यरूशलेम के राजा अदोनीसेदेक सुनलन कि यहोशू ऐ देश के कईसे जीत लेलन आउर ओकरा पूरा तरह से तहस-नहस कर देलन जईसन ऊ यरीहो आउर ओकर राजा के साथ कईलन हल, ओईसहीं ऊ ऐ देश आउर ओकर राजा के जौरे कईलन हल, आउर कईसे गिबोन के बासिन्दा इस्राएल साथे मेल कईले हल आउर ओकर बीच में रहे लगलन हल।2ऊ बड़ी डरऽ हलन, काहेकि गिबोन एगो बड़ी बड़का गो नगर हल, आउर ऊ ऐ देश से भी बड़गो हल, आउर ओकर सभे लोग लड़ाकू योद्धा हलन।3तऽ यरूशलेम के राजा अदोनीसेदेक हेब्रोन के राजा होहाम, यर्मूत के राजा पिराम, आउर लाकीश के राजा यापी, आउर एग्लोन के राजा दबीर के पास कहला भेजलन कि,4हमरा भीर आवऽ आउर हमर मदत करऽ। आवऽ हमनी गिबोन के मारम, काहेकि ऊ यहोशू आउर इस्राएली लोग के जौरे मेल मिलाप कईलन हे।5तऽ एमोरियन के पांचगो राजा एकजूट होके यरूशलेम के राजा, हेब्रोन के राजा, यर्मूत के राजा, लाकीश के राजा, एग्लोन के राजा पर चढ़ाई करे लगलन, आउर ओखनी के सभे सेना गिबोन के नाला भीर डेरा खड़ा कईलन आउर ओखनी से लड़लन।6गिबोन के लोग गिलगाल के छावनी में यहोशू के पास ई कहला भेजलन, कि अपन दास पर से अपन हाथ नऽ हटावऽ। जल्दी से हमनी के पास आवऽ आउर हमनी के उद्धार करऽ आउर हमनी के सहायता करऽ, काहेकि पहाड़ी देश में रहे वाला एमोरियन के सब राजा हमनी के खिलाफ जमा होलन हे।7तऽ यहोशू आउर ऊ सभे योद्धा आउर शूरवीर समेत गिलगाल से निकल गेलन8यहोवा यहोशू से कहलन, ओखनी से मत डरऽ, काहेकि हम ओखनी के तोर हाथ में कर देली हे। ओखनी में से एगो भी तोरा आगे खड़ा नऽ होतन।9यहोशू गिलगाल से रातो-रात कुछ कर के अचानक ओखनी पर टूट पड़लन।10यहोवा इस्राएली लोग भीर ओखनी के भयभीत कईलन, आउर गिबोन में बड़का हमला कर के मार देलन, बेथोरोन के जाय वाला रास्ता पर ओखनी के पीछा कईलन, आउर अजेका ला आउर मक्केदा ला ओखनी के मार डालल।11अईसन होल कि जखनी ओखनी बेथोरोन वंश में इस्राएलियन के सामने से भाग गेलन, तऽ यहोवा आकाश से अजेका शहर ला ओखनी पर बड़का-बड़का ओला बरसइलन, आउर ओखनी मर गेल। इस्राएलीयन के तलवार से मारल गेल लोग के ओला से मरे वाला के संख्या जादे हल।12तऽ यहोशू यहोवा से जहिया कहलन, जहिया से यहोवा एमोरियन के इस्राएलियन के हाथ में सौंप देलन हे, आउर ऊ इस्राएलियन के आगे कहलन, हे सूरज, गिबोन आउर चंद्रमा पर अय्यलोन के तराई के ऊपर ठहरल रहऽ। 13ता सूरज स्थिर रहल, आउर चंद्रमा जब तक खड़ा रहल जब ला देश अपन दुश्मन से बदला नऽ ले लेलक। का ई याशार के किताब में नऽ लिखल हे? सूरज आकाश के बीच में ठहरल रहल; पूरा दिन ऊ नीचे नऽ ढलल। 14अईसन दिन नऽ कहियो पहिले हल आउर नऽ ओकर बाद अईसन कहियो होल, जखनी यहोवा मनुष्य के प्रार्थना मानलन। काहेकि यहोवा इस्राएल के तरप से लड़लन।15तब यहोशू आउर ओकर सभे इस्राएली सेना गिलगाल के छावनी में वापस लौट गेलन।16अखनी ऊ पाँचगो राजा भाग गेलन आउर मक्केदा शहर के गुफा में छिप गेलन।17यहोशू के ई खबर मिलल कि ओखनी पाँचो राजा मक्केदा के गुफा में छिपल रहलन।18तऽ यहोशू कहलन, गुफा के मुँह पर बड़का पत्थर ढुलका दऽ आउर ओखनी भीर कुछ लोग के ओखनी के निगरानी में रखलन।19बाकि खुद उहाँ मत रहऽ। अपन दुश्मन के पीछा करऽ आउर ओखनी के सिपाही पर हमला करऽ। ओखनी के अपन नगर में प्रवेश करे के अनुमति नऽ दिहऽ, काहेकि तोर परमेश्वर यहोवा ओखनी के तोर हाथ में कर देलन हे।20अब अईसन होल कि यहोशू आउर इस्राएल के पुत्र ओखनी के एगो बड़ी बड़का नर-संहार के साथ युद्ध के खतम कर देलन, जब ला कि ऊ ओखनी खतम नऽ हो गेल, आउर जे भाग गेलन हल ओखनी गढ़ वाला नगर में घूंस गेलन हल,21तब सभ लोग शान्ति से मक्केदा में यहोशू के छावनी में घूर अईलन। कोई भी इस्राएली के खिलाफ अपन मुँह से कुछ नऽ बोललन।22तऽ यहोशू कहलन, गुफा के मुँह खोल के ई पाँचो राजा के गुफा से निकाल के हमरा भीर ले आवऽ।23ओखनी ओईसहीं कईलन, आउर ई पांचो राजा के गुफा से मतलब कि यरूशलेम के राजा, हेब्रोन के राजा, यर्मूत के राजा, लाकीश के राजा, आउर एग्लोन के राजा के, हमर पास बाहर ले अईलन।24जखनी ओखनी ऊ सभे राजा के बाहर यहोशू के पास ले अईलन, तऽ यहोशू सभे इस्राएली लोग के बोल के ऊ योद्धा के प्रधान से जे ओकरा साथ गेलन हल, कहलन कि हमरा भीर आवऽ। एखनी सब राजा के गर्दन पर अपन गोड़ रखऽ। तऽ ऊ ओखनी भीर अईलन आउर ओखनी के गर्दन पर अपन गोड़ रखलन।25तऽ यहोशू ओखनी से कहलन, मत डेरा, आउर निराश मत होवऽ। हिम्मत बाँधऽ, काहेकि यहोवा तोर ऊ सब दुश्मन से जेकरा से तूँ लड़बऽ, अईसहीं करतन।26एकर बाद यहोशू ओखनी पांचो राजा के मार देलन आउर जान से मारला के बाद ओखनी पांचो के पेड़ पर टांग देलन, आउर ओखनी साँझ ला पेड़ पर टंगल रहल।27जखनी सूरज डूब रहल हल, तब यहोशू आज्ञा देलन, आउर ओखनी ऊ सब के पेड़ से उतार के ऊ गुफा में फेंक देलन जौन गुफा में ओखनी छिपल हल। ओखनी गुफा के मुँह पर बड़का-बड़का पत्थर रखलन, जे आज ला बनल हे।28तऽ यहोशू ऊ दिन मक्केदा के पकड़ के ओकर राजा समेत तलवार से मारलन। ऊ ओखनी के, आउर ऊ सभे लोग के जे ओकरा में हल, पूरा तरह से तहस-नहस कर देलन। ऊ केकरो भी जिन्दा नऽ छोड़लन, आउर ऊ मक्केदा के राजा के साथे ओईसहीं कईलन जईसन ऊ यरीहो के राजा के साथे कईलन हल।29तऽ यहोशू आउर ओकर साथे सब इस्राएली मक्केदा से लिब्ना गेलन, आउर लिब्ना से लड़लन।30आउर यहोवा ओखनी के ओकर राजा समेत इस्राएलियन के हाथ में कर देलन, आउर ऊ ओखनी के तलवार के धार से सब लोग के जे ओकरा में हल, मार देलन। ऊ ओखनी में से केकरो भी जिन्दा नऽ छोड़लन, बाकि ओकर राजा के साथे ओईसन कईलन जईसन ऊ यरीहो के राजा के साथे कईलन हल।31तऽ यहोशू सभे इस्राएलियन समेत लिब्ना शहर से लाकीश गेलन, आउर ओकर पास डेरा डाल के ओकर साथे लड़लन।32यहोवा लाकीश के इस्राएल के हाथ में कर देलन, आउर दूसरका दिन ओखनी ओकरा ले लेलन, आउर जेतना आदमी ओकरा में हल, ऊ सभे के जईसे ऊ लिब्ना के साथे कईलन हल, ओईसहीं ओखनी के भी तलवार से मार देलन।33तऽ गेजेर के राजा होराम लाकीश के मदत करेलागी अईलन। यहोशू ओकरा आउर ओकरा लोगवन के तब ला मारते रहलन जब ला ओखनी में से कोई जिन्दा नऽ बच रहल।34तऽ यहोशू आउर ओकरा साथे सब इस्राएली लाकीश से एग्लोन गेलन। ओखनी एकरा दोबारा डेरा डाललन आउर ओकर खिलाफ लड़ाई लड़लन।35ओखनी ओकरा ऊ दिन पकड़ लेलन आउर तलवार के धार से जेतना लोग ओकरा में हल, ओखनी सभे के मार देलन। ऊ दिन, ऊ ओखनी के पूरा रीति से तहस-नहस कर देलन, जइसे ओखनी लाकीश के साथ कईलन हल।36तऽ यहोशू आउर ओकरा साथे सब इस्राएली लोग एग्लोन शहर से हेब्रोन गेलन, आउर ऊ ओखनी से लड़लन।37ओखनी ओकरा पर अधिकार कर लेलन, आउर ओकरा तलवार से मार देलन, आउर ओकर राजा आउर ओकर सभे नगर, आउर ओखनी सभे लोग के जे ओकरा में हल। ओखनी एग्लोन के जौरे जे कुछ भी कईलन हल, ओकर जईसन ओखनी केकरो जिन्दा नऽ छोड़लन, बाकि एकरा आउर एकरा में रहे वाला के पूरा तरह से तहस-नहस कर देलन।38तऽ यहोशू आउर सभे इस्राएलियन दबीर शहर के ओर मुड़ के ओकरा से युद्ध कईलन।39ओखनी ओकरा, ओकर राजा के, आउर ओकर सब नगरवन के घेर लेलन, आउर तलवार से ओखनी के मार देलक, आउर ओकरा में रहे बालन ओखनी सभे के नाश कर देलन। ओखनी केकरो भी जिन्दा नऽ छोड़लन। जईसन ओखनी हेब्रोन से कईलन हल, आउर जईसन ही ऊ दबीर आउर ओकर राजा से कईलन, आउर जईसन ओखनी लिब्ना आउर ओकर राजा से कईलन हल।40तब यहोशू सभे देश, आउर पहाड़ी देश, आउर दक्खिन देश, तराई देश, आउर घाटी देश के तहस-नहस कर देलन। ओखनी के सभे राजा में से ओखनी कोई के भी जिन्दा नऽ छोड़लन, बाकि जे कोई जिन्दा हल ओकरा एकदम से तहस-नहस कर देलन, जईसन कि इस्राएल के परमेश्वर यहोवा आज्ञा देलन हल।41यहोशू ओखनी के कादेशबर्ने से लेके गाजा ला, आउर गिबोन ला गोशेन के सभे देश के लोग के मार देलन।42तऽ यहोशू ओखनी सभे राजा के ओखनी के देश के साथे एक्के समय में ले लेलन, काहेकि इस्राएल के परमेश्वर यहोवा के तरफ से लड़ऽ हलन।43तऽ यहोशू, सभे इस्राएलियन के जौरे गिलगाल के छावनी में लौट गेलन।
Bridge Connectivity Solutions Pvt. Ltd.