Joshua7
1बाकि इस्राएली लोग विनाश लागी रखल गेल चीज लेके पाप कईलन। यहूदा के गोत्र में से कर्मी के बेटा आकान, जब्दी के पोता, जेरह के पोता, विनाश ला अलग रखल गेल चीज में से कुछ ले लेलन, आउर यहोवा के गोस्सा सभे इस्राएली पर भड़क उठल। 2यहोशू यरीहो से ऐ नामक जगह पर, जे बेतेल के पूर्व में बतावेन के पास हे आदमी के भेजलन। ऊ ओखनी से कहलन, जा आउर ऊ देश के भेद लऽ। एहिगुने ओखनी ऊपर गेल आउर आके पता लगा लेलक।3जब ओखनी यहोशू के पास लौट अईलन तऽ ओखनी कहलन, सभे लोग के ऊपर नऽ भेजऽ। ऐ देश पर हमला करे लागी दू हजार चाहे तीन हजार आदमी के भेजऽ। ऊहाँ सभे लोग से मेहनत मत करवावऽ, काहेकि ओखनी थोड़े सा हथन।4तऽ परजा में से लगभग तीन हजार मरद ऊहाँ गेलन, बाकि ओखनी ऐ के लोग के सामने से भाग गेलन।5तऽ ऐ के सैनिक फाटक के सामने से शबारीम ला ओखनी के पीछा कईलन, आउर ओखनी में से कोई छत्तीसगो इस्राएली सैनिक के मार देलन आउर ढलान पर ओखनी के अईसन मारलन, कि लोग के मन पिघल के पानी के जईसन हो गेल।6तऽ यहोशू अपन कपड़ा फाड़लन, आउर यहोवा के संदूक भीर मुंह के भरे गिर के साँझ ला जमीन पर पड़ल रहलन, आउर इस्राएली लोग के पुरनियन के साथ ओखनी अपन माथा पर धूरी डाललन।7तऽ यहोशू कहलन, हाय! हे प्रभु यहोवा, तूँ ई प्रजा के यरदन नदी के पार काहेला ले अईलऽ? का हमनी के एमोरियन के हाथ में कर देलऽ, कि ऊ हमनी के नाश कर देवे? काश! हमनी यरदन नदी के ओही पट्टी रह के खुश रहती हल!8हे यहोवा, हम का कहूँ, कि अब इस्राएल तोर दुश्मन के सामने से अपन मुंह फेर लेलक हे?9काहेकि कनानी आउर ऊ देश के सभे बासिन्दा ई सुन के हमनी के घेर लेत, आउर हमनी के नाम निशान धरती पर से मिटा देत। तऽ तूँ अपन महान नाम लागी कौची करबऽ?10तऽ यहोवा यहोशू से कहलन, उठऽ! अईसन काहे हे कि तूँ मुंह के भरे पड़ल हऽ?11इस्राएल के लोग पाप कईलन हे, आउर हमर वाचा के भी तोड़ देलन हे जेकरा हम उनका से बाँधली हल, आउर विनाश होवे ला रखल सामान में से भी छीन लेलन हे, चोरा लेलन हे आउर धोखा भी देलन हे, आउर ओकरा अपन संपति बना के रख भी लेलन हे।12येहिगुने इस्राएली लोग अपन दुश्मन के भीर खड़ा नऽ रह सकतन। ओखनी अपन दुश्मन के सामने से पीठ फेर लेलन हे काहेकि ओखनी खुद विनाश लागी खुद ही अलग कईल गेलन हे। जदि तोहनी अपन बीच में से विनाश के सामान के नाश नऽ करबऽ, तऽ हम तोहनी के साथ नऽ रहम।13उठऽ! लोगवन के पवित्र करऽ आउर ओखनी से कहऽ, अपने आप के विहान लागी पवित्र करऽ, काहेकि इस्राएल के परमेश्वर यहोवा ई कहऽ हथन, "हे इस्राएल, तोहनी के पास में विनाश लागी कुछ सामान अलग कर के रखल गेल हे। जब ला विनाश लागी रखल गेल चीज के अपन पास में से हटा नऽ देबऽ, तब ला तोहनी में अपन दुश्मन के सामने टिकल रहे के शक्ति नऽ रहत।"14विहान होके तोहनी अपन अपन गोत्रवन के साथे मौजूद रहिहऽ। अईसन होवत कि जौन गोत्र के यहोवा ले लेतन, ऊ गोत्र के अनुसार भीर अईतन। जे गोत्र के यहोवा ले लेतन ऊ पूरा परिवार के साथ पास अईतन। जौन घर के यहोवा चुन लेतन ऊ पुरुष ही पास अईतन।15जे कोई विनाश के चीज के साथे पकड़ल जायेत, ऊ आउर ओकर सभे कुछ आग में जला देवल जायेत, काहेकि ओखनी यहोवा के वाचा के तोड़ कईलन हे, आउर इस्राएल में लज्जा के काम कईलन हे।16तऽ यहोशू विहान होके जल्दी उठलन, आउर इस्राएल के ओखनी के गोत्र के पास ले अईलन, आउर यहूदा के गोत्र के ले गेलन।17तऽ यहोशू यहूदा के कुल के पास में ले अईलन, आउर जेरह वंशी के कुल के ले लेलन। आउर ऊ जेरह वंशी के कुल अपन परिवार के साथ नगीच ले अईलन, आउर जब्दी के ले लेलन।18तऽ ऊ अपन घराना के एगो आदमी के पास ले गेलन, आउर यहूदा के कुल में से कर्मी के बेटा, आकान के, जे जब्दी के पोता आउर जेरह के परपोता हल, बुलवा लेलन।19तऽ यहोशू आकान से कहलन, "हे हमर बेटा, इस्राएल के परमेश्वर के बड़ाई करऽ, आउर उनका सामने अपन पाप के मान लऽ। अखनी हमरा बतावऽ कि तूँ का कईलऽ हे? एकरा हमरा से नऽ छिपावऽ।"20आकान यहोशू के जबाब दे के कहलन, "सचमुच में हम इस्राएल के परमेश्वर यहोवा के खिलाफ पाप कईली हे। हम अईसहीं कईली हे:21जखनी हम ऊ लूट में शिनार के एगो बड़ी बढ़ियाँ अंगरखा, आउर चाँदी के दू सौ शेकेल, आउर पचास शेकेल सोना के एगो ईंट देखली, तऽ हम ओकर लालच कर के ले लेली। अखनी देखऽ! ऊ हमर तंबू के बीच में जमीन में गाड़ल हे, आउर चाँदी ओकर नीचे हे। 22तऽ यहोशू दूत भेजलन, आउर ओखनी तम्बू के तरप दौड़लन, त कौची देखलन, कि सोना ओकर तम्बू में छिपल हे आउर ओकर तरे चाँदी भी छिपल हे जइसन आकान कहलन हल।23तऽ ओखनी ओकरा तम्बू के बीच में से निकाल के यहोशू आउर सभे इस्राएलियन भीर ले जा के यहोवा के सामने उझल देलन।24तऽ यहोशू आउर सभे इस्राएलियन जेरह के बेटा आकान के, आउर चाँदी, अंगरखा, सोना के ईंट आउर ओकर बेटा बेटी, आउर ओकर बैल, गदहा, आउर भेड़-बकरी के ले लेलन, आउर ओकर तम्बू, आउर जे कुछ ओकर हल, सब के लेके आकोर नामके घाटी में ले अईलन।25तऽ यहोशू कहलन, "तूँ हमनी के काहे दुःख देलऽ हे? यहोवा आज तोरा दुःख देतन।" तऽ सभे इस्राएलियन ओकरा पत्थर से पत्थराव कईलन। ओखनी ओकरा पत्थर से मार-मार कर के आग से जला देलन।26आउर ओखनी ओकर ऊपर पत्थरवन के एगो बड़का गो टिल्हा खड़ा कर देलन, जे आज ला बनल हे। तऽ यहोवा के अपन गुस्सा शान्त हो गेल। येहिगुने ऊ जगह के नाम आज ला आकोर के घाटी कहल जा हे।
Bridge Connectivity Solutions Pvt. Ltd.