Joshua4
1जखनी सभे इस्राएली लोग पूरा तरह से यरदन नदी पार हो गेलन, तऽ यहोवा यहोशू से कहलन,2लोगवन में से अपना लागी बारहगो लोग के चुन लऽ, मतलब कि सब गोत्र में से एक एक गो के।3आउर ओखनी के ई आज्ञा दिहऽ कि: 'ईहाँ से यरदन के बीच में जेज्जा याजक मजबूती से खड़ा हे, उहाँ से बारहगो पत्थर उठा लेतन, आउर ओकरा अपना साथे ले अईतन, आउर ऊ जगह पर रख देतन जेज्जा तूँ आज रात रुकवऽ।4तऽ यहोशू ऊ बारह लोग के जेकरा ऊ इस्राएल में से चुनलन हल, एगो-एगो गोत्र में से एगो पुरुष के बुलईलन।5यहोशू ओखनी से कहलन, अपन परमेश्वर यहोवा के संदूक के आगे यरदन नदी के बीच में जा, आउर इस्राएल के गोत्र के मुताबिक तोहनी में से हर एगो के गिनती के मुताबिक तोहनी में से सब कोई अपन कन्धा पर सब एक-एक गो पत्थर उठावऽ।6ई तोहनी के बीच एगो चिन्ह होत कि भविष्य में तोर बेटा एकर बारे में पूछतन कि ई पत्थर तोरा लागी का मतलब रखऽ हे?7तऽ तूँ ओकरा कहिहऽ, यहोवा के वाचा संदूक के आगे से यरदन नदी के पानी दू भाग हो गेल हल, जखनी ओखनी यरदन नदी पार हो गेलन, तऽ यरदन नदी के पानी बंट गेल। अईसे कर के ई पत्थर इस्राएलियन लागी हमेसा लागी यादगार बनल रहत।8इस्राएली यहोशू के आज्ञा के मुताबिक ही कईलन, जईसे यहोशू कहलन हल, आउर जईसन यहोवा यहोशू से कहलन, ओईसहीं ओखनी यरदन नदी के बीच से बारहगो पत्थर उठा लेलन। आउर इस्राएलियन के सब गोत्र के गिनती के मुताबिक ओखनी अपन-अपन घर में ले गेलन, आउर उहाँ ओकरा खड़ा कईलन।9तऽ यहोशू यरदन नदी के बीच में बारहगो पत्थर खड़ा कईलन, जे वाचा के संदूक उठावे वाला याजकवन के गोड़ के जगह के तरे। यरदन के बीचे में बारहगो पत्थर के खड़ा कईलन। आउर ऊ अखनी लागी हुये हे।10तऽ संदूक उठावे वाला याजक यरदन नदी के बीच में तब ला खड़ा रहलन, जब ला कि जे कुछ यहोवा यहोशू के लोग के बतावे के आज्ञा देलन हल, ऊ सभे जब ला मूसा के आज्ञा के मुताबिक पूरा नऽ हो गेल। येहिगुने लोग जल्दीबाजी कईलन आउर ओखनी पार हो गेलन।11जखनी सभे लोग पूरा तरह से पार हो गेलन, तऽ यहोवा के संदूक आउर याजक लोग के सामने से पार होलन।12तऽ ओईसहीं रुबेन आउर गाद के बंसज आउर मनश्शे के आधा गोत्र के लोग इस्राएलियन के साम्हने से पार हो गेल, जईसे मूसा ओखनी से कहलन हल।13युद्ध लागी हथियार बांधले रूबेन, गाद आउर पूर्वी मनश्शे के गोत्रों से लगभग चालीस हजार फौज यहोवा के सामने से युद्ध लागी यरीहो के मैदान में पार हो गेलन।14जहिया यहोवा यहोशू के सब इस्राएली के नजर में महान ठहरईलन। ओखनी ओकर जीवन भर मान मरयादा कईलन-जईसे ओखनी मूसा के भय मानऽ हल।15तऽ यहोवा यहोशू से कहलन,16वाचा के संदूक उठावे वाला याजक के यरदन से निकले के आज्ञा दऽ।17तऽ यहोशू याजक के आज्ञा देलन, कि यरदन में से निकल जईतन।18जखनी यहोवा के वाचा के संदूक उठ के याजक यरदन के बीच से निकल गेलन, आउर याजक के गोड़ के तलवा सुखल जमीन पर पड़ल, ओकर बाद यरदन के जल अपन जगह पर लौट अईलन आयेल, आउर पहिले के जईसन अपन दूनो किनारे पर बहे लगल।19साल के पहिला महीना के दसवाँ दिन में यरदन नदी से लोग निकललन आउर ओखनी यरीहो के पूरबारी छोर पर गिलगाल शहर में डेरा खड़ा कईलन।20आउर ऊ बारहो पत्थल जे ओखनी यरदन से ले गेलन हल, ओकरा यहोशू गिलगाल में खड़ा कईलन।21आउर ओखनी इस्राएलियन से कहलन, भविष्य तोहनी के बेटा अपन-अपन खानदान से पूछतन, कि ई पत्थर का हे?22तऽ तूँ अपन बेटवन के बात बतईहऽ, कि इस्राएली लोग सुखल जमीन पर चल के ई यरदन नदी पार कईलन हल।23काहेकि तोर परमेश्वर यहोवा यरदन नदी के पानी के तोहनी के आगे से सुखा देलन हल, आउर जब ला तोहनी पार नऽ हो गेलन, ओईसहीं तोर परमेश्वर यहोवा लाल सागर के पानी हमनी के पार होवे घड़ी तक हमनी के सामने सुखा देलन हल।24जेकरा से संसार के सब देश के लोग जान लेतन कि यहोवा के हाथ बलवन्त हे, जेकरा से तूँ हमेशा अपन परमेश्वर यहोवा के डर-भय मानते रहतन।
Bridge Connectivity Solutions Pvt. Ltd.