Joshua3
1विहान होके यहोशू जल्दी उठलन, आउर ऊ शित्तिम से निकसलन आउर ऊ इस्राएल के सभे बेटा यरदन नदी के पास अईलन, आउर ऊ पार उतरे से पहिले उहाँ छावनी खड़ा कईलन।2आउर अईसन होल कि तीन दिन के बाद इस्राएली अगुवा छावनी के बीच से होके गुजरलन;3आउर ओखनी परजा के लोग के ई आज्ञा देलन, कि जखनी तोहनी अपन परमेश्वर यहोवा के वाचा के संदूक के लेवी आउर याजक के उठईले देखिहऽ, तऽ अपन जगह के छोड़ के ओकर पीछे-पीछे हो लिहऽ।4बाकि तोहनी के आउर उनकर बीच के दूरी में करीब दू हजार हाथ के फासला रहत। उनकर करीब नऽ जईहऽ, ताकि तूँ जान लेवऽ कि तूँ कौन राह से जा रहल हे, काहेकि तूँ पहिले ई राह से नऽ गुजरल हल।5तऽ यहोशू लोग से कहलन, कल लागी अपने आप के पवित्र करऽ, यहोवा तोहनी के बीच में चमत्कार करतन।6तऽ यहोशू याजक लोग से कहलन, वाचा के संदूक उठा के लोगवन के आगे आगे चलऽ। येहिगुने ओखनी वाचा के संदूक उठईलन आउर लोगवन के आगे आगे चले लगलन।7तऽ यहोवा यहोशू से कहलन, आज के दिन से हम तोरा सभे इस्राएलियन के नजर में महान बनावे ला शुरू कर देम, जेकरा से ओखनी जान लेतन कि जईसे हम मूसा के साथे रहऽ हली, ओईसहीं हम तोरा साथे भी रहम।8तूँ वाचा के संदूक उठावे वाला याजक के ई आज्ञा दिहऽ, कि जखनी तूँ यरदन नदी के पानी के किनारे पहुँचवऽ, तऽ यरदन नदी में खड़ा रहिहऽ।9तऽ यहोशू इस्राएलियन से कहलन, आउर करीब में आवऽ आउर अपन परमेश्वर के वचन सुनऽ।10तऽ यहोशू कहलन, "एकरा से जानऽ तोहनी लेवऽ कि जीवित परमेश्वर तोहनी के बीच में हथन, आउर जरुर तोहनी के सामने से कनानी, हित्ती, हिव्वी, परिज्जी, गिर्गाशी, एमोरी, आउर यबूसी लोग के तोरा सामने से निकाल देतन।11देखऽ! समूचे धरती के यहोवा के वाचा के संदूक तोर आगे आगे यरदन में पार हो जायेत।12अखनी इस्राएल के गोत्र से बारहगो आदमी के चुन लऽ, आउर सभे गोत्र में से एक एक गो आदमी।13आउर अईसन होत कि पूरा दुनियाँ के प्रभु यहोवा के सन्दूक उठावे वाला याजक लोग के गोड़ यरदन के पानी में पड़त, आउर यरदन के पानी दू भाग में बंट जायेत, आउर उपर से नीचे के तरफ बहते एगो ढेर बन के खड़ा हो जायेत।14येहिगुने इस्राएली लोग अपन-अपन डेरा में से यरदन नदी के पार जाइ लागी निकसलन, आउर याजक वाचा के संदूक उठईले लोगवन के आगे आगे चललन।15जखनी संदूक उठावे वाला यरदन भीर अईलन, आउर संदूक उठावे वाला याजकवन के गोड़ पानी के धारा में डूब गेल, कटनी के दिन यरदन अपन सब किन्छारा के ऊपर से बहते रहऽ हल,16जे पानी ऊपर से बह रहल हल, ऊ एगो ढेर के जइसन खड़ा हो गेल, आदाम नगर में, जे सारतान भीर हे, आउर जे पानी अराबा के सागर के तरफ मतलब खारा समुद्र के तरफ बह रहल हल, ऊ पूरा तरह से रुक गेल, आउर लोग यरीहो शहर के सामने से ऊ पार हो गेल। 17आउर याजक यहोवा के वाचा के पूरा तरह से संदूक उठईले यरदन के बीचो बीच में सुखल जमीन पर स्थिर से खड़ा रहलन, आउर सब इस्राएली सुखले सुखल पार होते गेलन, तब अन्त में सभे इस्राएली समाज के लोग यरदन के पार हो गेलन।
Bridge Connectivity Solutions Pvt. Ltd.