Joshua21
1तऽ लेवी लोग के पुरखन के खास-खास आदमी एलीआजर याजक, आउर नून के बेटा यहोशू, आउर इस्राएली लोग के गोत्र के पुरखन के खास-खास आदमी भीर अईलन।2ओखनी कनान देश के शीलो शहर में ओकरा से कहलन, "यहोवा मूसा के द्वारा हमनी के रहे लागी नगर आउर हमनी के जनावर लागी चारागाह के जमीन देवे के आज्ञा देल हे। 3अईसे कर के यहोवा के वचन के अनुसार इस्राएली लोग अपन निज भाग में से ई नगर के अपन चारागाह समेत लेवी लोग के दे देलन।4कहाती लोग के कुल के लोग चिट्ठी निकाललन। आउर हारून याजक के सभे बेटा के लेवी लोग में से यहूदा के गोत्र, आउर शिमोन के गोत्र, आउर बिन्यामीन के गोत्र में से तेरह नगर देवल गेल।5कहाती लोग के बाकी सभे बेटा लागी एप्रैम के गोत्र, आउर दान के गोत्र में से, आउर मनश्शे के आधा गोत्र में से दसगो नगर हल।6तऽ गेर्शोनी लोग के सभे बेटा भीर इस्साकार के गोत्र के कुल में से, आउर आशेर के गोत्र से, आउर नप्ताली के गोत्र से आउर बाशान में मनश्शे के आधा गोत्र में से तेरहगो नगर देवल गेल हल।7मरारी के सभे बेटा भीर ओकर कुल के अनुसार रुबेन, गाद के गोत्र आउर जबूलून के गोत्र में से बारहगो नगर हल।8तऽ इस्राएलियन लेवियन के चिट्ठी डाल के ई नगरवन ओखनी के चराई लागी दे देलन, जईसन यहोवा मूसा के आज्ञा देलन हल। यहूदा आउर शिमोन के गोत्र में से उन्खानी ई नगर देलन, जे नाम से ठहरावल गेल हे।9यहूदा के गोत्र आउर शिमोन के गोत्र के सन्तान के गोत्र में से ओखनी ई नगर के जे नाम लिखल गेल हे, देलन;10ओखनी हारून के वंश के हलन, जे लेवी के वंश कहाती लोग के कुल में से हल। काहेकि पहिला दल ओखनी के हल।11आउर ओखनी ओकरा यहूदा के पहाड़ी प्रदेश में अनाक के पिता किर्यतर्बा के, मतलब कि हेब्रोन, आउर ओकर चारो तरफ के चारागाह के दे देलन।12बाकी सभे नगर आउर खेत आउर ओकर गाँव के ओखनी यपुन्ने के बेटा कालेब के ओकर निज भाग में दे देलन हल।13ओखनी हारून याजक के सभे बेटा के अपन चराई समेत हेब्रोन, जे केकरो मार डाले हल ओकरा लागी शरणनगर, आउर लिब्ना के ओकर चराई समेत देलन।14आउर यत्तीर आउर ओकर चराई के जमीन, आउर एशतमो के आउर जे ओकर चारागाह हे,15आउर होलोन के अपन चराई जमीन के साथे, आउर दबीर के अपन चराई जमीन के साथे16आउर ऐन आउर ओकर चराई के जमीन, आउर युत्ता आउर ओकर चराई के जमीन आउर बेतशेमेश आउर ओकर चराई के जमीन; नौ गो नगर ई दूनो गोत्र के लोग के मिलल।17बिन्यामीन के गोत्र में से गिबोन के ओकर चराई के जमीन सहित, आउर गेबा के ओकर चराई जमीन साथे देवल गेल,18अनातोत आउर ओकर चराई जमीन, आलमोन के ओकर चराई के जमीन के साथ; चारगो शहर।19हारून याजक के सभे बेटा के कुल तेरहगो नगर हल, आउर ओकर चराई के जमीन भी हल।20कहात के वंश के कुल लागी, आउर कहात के बेटवन में से लेवी लोग के बाकी के पास एप्रैम के गोत्र से ओखनी लागी ठहराव ला देवल गेल नगर हल।21आउर ओखनी उनकर एप्रैम के पहाड़ी देश में अपन अपन चराई समेत शकेम मतलब कि जे केकरो खून करे वाला लागी शरणनगर हल देलन, आउर बेथोरोन आउर गजेर,22आउर किबसैम, आउर बेथोरोन, ई चारगो नगर देलन,23दान के गोत्र में से अपन अपन चराई समेत एलतके, गिब्बतोन,24आउर अय्यलोन, आउर अपन अपन चराई, आउर गत्रिम्मोन, अर्थात चार नगर।25मनश्शे के आधा गोत्र में अपन अपन चराई समेत तानाक, आउर गत्रिम्मोन, अपन अपन चराई में दुगो नगर देवल गेल।26ऊ दसगो नगर आउर ओकर चराई के जमीन कहात के बेटवन के बाकी कुल लागी हल।27लेवी के कुल में से गेर्शोनी लोग के मनश्शे के आधा गोत्र में से अपन अपन चराई समेत बाशान के गोलान में गेलन जे केकरो मार डाले हल, ओकरा लागी शरणनगर आउर बेशतरा के अपन चराई समेत देवल गेल शहर हल।28इस्साकार के गोत्र में से अपन अपन चराई समेत किश्योन, दाबरत,29यर्मूत, आउर अपन चराई समेत एनगन्नीम, ई चारगो नगर हल।30आशेर के गोत्र में से अपन अपन चराई समेत मिशाल, अब्दोन,31हेल्कात, आउर अपन चराई समेत, आउर रहोब आउर ओकर चराई समेत चारगो नगर,32नप्ताली के गोत्र में से गलील के कादेस नगर में, जे दूसरा के घात करऽ हल ओकर लागी शरना नगर हल, अपन अपन चराई समेत, हम्मोत दोर, आउर कर्तान, अपन अपन चराई समेत तीन गो नगर देवल गेल।33गेर्शोनी लोग के कुल के सब नगर अपन अपन चराई समेत तेरहगो नगर ठहरल।34बाकि लेवी के कुल लागी मरारी के वंश लागी जबूलून के गोत्र में से योकनाम आउर ओकर चराई समेत, कर्ता आउर ओकर चारागाह,35दिम्ना आउर ओकर चराई समेत, आउर नहलाल आउर ओकर चरागाह के चारगो नगर देवल गेल।36रुबेन के गोत्र में से अपन अपन चराई समेत, बेसेर, आउर यहस।37कदेमोत आउर ओकर चराई समेत मेपात, आउर अपन अपन चराई समेत चारगो नगर।38गाद के गोत्र में से अपन अपन चराई समेत गिलाद के रामोत, जे केकरो घात करऽ हल ओकरा लागी सरना नगर हल आउर महनैम।39हेशबोन आउर ओकर चराई समेत, आउर याजेर आउर सब मिला के चारगो नगर देवल गेल।40आउर मरारी कुल आउर ओकर कुल के अनुसार सभे नगर लेवी लोग के कुल लागी चिट्ठी डाल के बारहगो नगर ठहरल।41आउर लेवी लोग के सभे नगर इस्राएली लोग के निज जमीन में अपन अपन चराई समेत अड़तालीस गो नगर ठहरल।42ई सभे नगर के अपन-अपन चारो तरफ चारागाह के साथ हल। ई सभे नगर के येही हालत हल।43तऽ यहोवा इस्राएली लोग के ऊ पूरा देश दे देलन, जेकरा देवे ला ओखनी के पूरखन से किरिया खईलन हल, आउर ओखनी ओकर अधिकारी होके, ओकरा में रहे लगलन।44तऽ यहोवा ऊ सब किरिया के अनुसार जे ओखनी के पूरखन से खईलन हल, ओखनी के चारो तरफ के दुश्मन से विश्राम देलथिन यहोवा ओखनी के सभे दुश्मन के इस्राएली के हाथ में कर देलन।45जेतना भलाई के बात यहोवा इस्राएली लोग के घराना से कईलन हल, ओकरा में से कोई अईसन बात नऽ हे जे पूरा होके नऽ रहल, ई सभे के सभे पूरा हो गेल।
Bridge Connectivity Solutions Pvt. Ltd.