Joshua22
1ऊ समय यहोशू रुबेनी लोग, आउर गादी लोग आउर मनश्शे के आधा गोत्र के लोग के बोला के कहलन,2आउर ओखनी से कहलन, जे कुछ आज्ञा यहोवा के दास मूसा तोहनी के देलन हे ऊ सभे तोहनी पूरा कईलऽ हे, आउर जे कुछ हम तोहनी के आज्ञा देली हे ऊ सभे हमर आज्ञा मान लऽ हे। 3तोहनी एतना दिन ला अपन भाई बन्धु के नऽ छोड़लऽ हे, बलुक आज के दिन ला तोहनी अपन परमेश्वर के आज्ञा के पालन कईलऽ हे।4अब परमेश्वर यहोवा तोर भाई लोग के विश्राम देलन हे, जईसन कि ऊ ओखनी से कहलन हल। येहिगुने अब लौट जा आउर अपन निज देश में अपन घर के तरफ जा, जेकरा यहोवा के दास मूसा तोहनी के यरदन के ऊ पार आज्ञा देलन हल। 5बाकि ऊ आज्ञा आउर व्यवस्था के माने में बड़ी होशियारी करिहऽ जेकर आज्ञा यहोवा के दास मूसा तोहनी के देलन हे; आउर अपन परमेश्वर से प्रेम रखिहऽ, आउर उनकर देवल सभे राह में चलिहऽ, उनकर आज्ञा के मानिहऽ, आउर ओकरा से लिपटल रहिहऽ, आउर अपन पूरा मन से आउर पूरा जी-जान से उनखर सेवा करिहऽ। 6तऽ यहोशू ओखनी के आशीर्वाद दे के ओखनी के विदा कईलन, आउर ओखनी अपन घरे यरदन नदी के पुरुब चल गेलन।7अखनी मनश्शे के आधा गोत्र के तऽ मूसा बाशान देश में अधिकार देलन, बाकि दूसरा आधा गोत्र के यहोशू पश्चिम के तरफ यरदन नदी के पार ओखनी के सब भाई के बीच में अधिकार देलन। आउर सच में जब यहोशू उनका अपन डेरवा में विदा कईलन, तऽ ऊ उनका आशीर्वाद देलन।8आउर ओखनी से कहलन, बड़ी-मनी धन-दौलत आउर बड़ी सा धूर-जानवर, आउर चाँदी, सोना, पीतल, लोहा, आउर बड़ी सा कपड़ा लेके अपन घर लौट जा। अपन दुश्मन से लूटल गेल सम्पति अपन रिश्तेदार लोग के बीच में बाँट लिहऽ। 9तऽ रुबेन के वंश, गाद, के वंश आउर मनश्शे के आधा गोत्र के लोग मुड़ के कनान देश के शीलो में इस्राएली लोग भीर गिलाद देश में जाय लागी निकसलन। ओखनी अपन जमीन के यहोवा के वचन के अनुसार मूसा से अधिकार में ले लेलन हल।10जखनी ओखनी यरदन के ऊ इलाका में, जे कनान देश में हे, पहुंचलन, तऽ रुबेन आउर गाद के सब बेटा आउर मनश्शे के आधा गोत्र के लोग यरदन नदी के किनारे एगो वेदी बनईलन, जे एगो बड़का आउर बड़ी खास वेदी हल।11इस्राएली लोग ई सुन के कहलन, देखऽ! रुबेन के सभे बेटा, गाद के बेटा, आउर मनश्शे के आधा गोत्र कनान देश के सामने गेलिलोत में, यरदन के पार, इस्राएली लोग भीरी एगो वेदी बनईलन हे।12जखनी इस्राएली लोग ई सुनलन, तऽ इस्राएली लोग के सभे मंडली ओखनी के खिलाफ युद्ध करे लागी शीलो में जमा होलन।13तऽ इस्राएली लोग के सभे बेटा रुबेन के गोत्र, गाद के गोत्र, मनश्शे के आधा गोत्र भीर एलीआजर याजक के बेटा गिलाद के पीनहास के देश में भेज देलन।14आउर उनकर जौरे दसगो प्रधान हल, मतलब कि इस्राएली लोग के सब गोत्र के पुरखन के घराना में से एक एक गो प्रधान, आउर ओखनी इस्राएल के कुल में से अपन-अपन पुरखन के घराना में से खास-खास आदमी हलन।15तऽ रुबेन के वंश आउर गाद के वंश आउर गिलाद देश के मनश्शे के आधा गोत्र भीर अईलन, आउर ओकरा कहे लगलन,16तऽ यहोवा के सभे मंडली ई कहे लगल, कि तूँ इस्राएल के परमेश्वर के विरोध में कौन पाप कईलऽ हे कि आज के दिन ला यहोवा के पीछे चले से मुड़ के आज यहोवा से बगावत करे लागी एगो वेदी बना लेलऽ हे?17का पोर पर्वत पर पाप हमनी लागी कम हल, जेकरा से हमनी आज ला शुद्ध नऽ हो पईली हे? एकरा से यहोवा के सभा पर विपत्ति आ पड़ल हे। 18तोहनी आजकल यहोवा के पीछे चले लागी छोड़ देलऽ हे, अब अईसन होत कि जदि तूँ आज यहोवा से बगावत करवऽ, तऽ विहान ऊ इस्राएल के सभे मंडली पर गोस्सा जईतन।19अखनी तोर अपन जमीन असुद्ध हो गेल हे, तऽ हमनी भीर यहोवा के अपन जमीन में, जहाँ यहोवा के तम्बू खड़ा हे, ढूक जा, आउर हमनी के बीच में ओकरा पर अधिकार कर लऽ। बाकि यहोवा से बगावत नऽ करऽ, आउर नऽ हमनी से बगावत कर के हमनी के परमेश्वर यहोवा के वेदी के छोड़ के अपना लागी कोई दोसर वेदी बनावऽ।20का जेरह के बेटा आकान ऊ काम में बड़ी विश्वासघात नऽ कईलन हल, जे विनाश लागी अलग कईल गेलन हल? तऽ इस्राएल के लोग पर यहोवा के क्रोध भड़क उठल? आउर ऊ अपन अधर्म के कारण एगो आदमी के तरह नाश नऽ होलन? 21तऽ रुबेन के वंश, गाद के वंश आउर मनश्शे के आधा गोत्र के लोग-इस्राएल के कुल के खास-खास आदमी से कहलन,22यहोवा जे सर्वशक्तिमान परमेश्वर हथन! ऊ परमेश्वर यहोवा! ऊ जानऽ हथन, जे हमनी कईली हे, आउर इस्राएली भी एकरा खुद जान लेतन! कि जदि यहोवा से बगावत कर के यहोवा से विश्वासघात कईली हे, तऽ तोहनी आज के दिन ला हमनी के जिन्दा नऽ छोड़िहऽ!23जदि हमनी अपन लागी वेदी ई ला बनईली हे, कि यहोवा के पीछे चले से मुड़ जाऊँ, चाहे होमबलि चढ़ाऊँ, चाहे अन्नबलि चढ़ाऊँ, चाहे ओकरा पर मेलबलि चढ़ाऊँ, तऽ यहोवा खुद ही एकर हिसाब लेतन।24नऽ! हमनी ई वेदी येहिगुने बनईली हे कि आवे वाला समय में तोहनी के बाल-बच्चा हमनी के बाल-बच्चा से ई नऽ कहतन, कि इस्राएल के परमेश्वर यहोवा से तोर का काम?25काहेकि यहोवा हमनी के रुबेनी लोग आउर गाद लोग के बीच यरदन नदी के सीमा ठहरईलन हे। यहोवा में तोहनी के कोई भाग नऽ हे। अईसन कह के ई तोहनी के बाल-बच्चा हमनी के बाल-बच्चा के यहोवा के भय माने लागी छोड़ा देतन।26तऽ हमनी कहली, आवऽ, हमनी अपना लागी एगो वेदी बनावे के तईयार करम, होमबलि आउर मेलबलि ला नऽ।27बाकि हमनी के बीच में, आउर हमनी के बाद हमनी के पीढ़ी-पीढ़ी के बीच में ई गवाही होत, कि हमनी होमबलि, आउर मेलबलि, आउर मेलबलि के द्वारा यहोवा के सेवा उनखर सामने पूरा करम, अईसन नऽ होवे कि तोहनी के बाल-बच्चा भविष्य में हमनी के बाल-बच्चा से कहतन, कि यहोवा में तोहनी के कोई हिस्सा नऽ हे।28तऽ हमनी कहली, जदि अईसन होवऽ हे कि ओखनी अपन भविष्य में हमनी से आउर हमनी के वंश से अईसन कहे लगतन, ता हमनी उनका से कहम कि, देखऽ, यहोवा के वेदी के, जेकरा हमनी के पुरखावन होमबलि लागी नऽ बनईलन हल, बाकि हमनी आउर तोहनी लागी गोवाह रहे।29ई बात हमनी से दूर रहे, कि हमनी यहोवा से बगावत करम, आउर आज यहोवा के पीछे-पीछे चले से मुड़ जाऊँ, आउर होमबलि, अन्नबलि आउर मेलबलि लागी वेदी दूसरा वेदी बनाऊँ, आउर हमनी के परमेश्वर यहोवा के वेदी के अलावे जे ओकर तम्बू के सामने हे, आउर बलिदान करूँ।30जखनी पीनहास याजक आउर सभा के प्रधान आउर इस्राएल के खास आदमी रुबेन आउर गाद के वंश आउर मनश्शे के वंश के बात सुनलन, तऽ ओखनी के नजर में बढ़ियाँ लगल।31तऽ एलीआजर याजक के बेटा पीनहास रुबेन के वंश, गाद के वंश आउर मनश्शे के वंश से कहलन, आज हम जान गेली हे कि यहोवा हमनी के बीच में हथन, काहेकि तोहनी यहोवा के साथ अईसन विश्वासघात नऽ कईलऽ। येहिगुने तोहनी इस्राएली लोग के यहोवा के हाथ से छुड़इलऽ हे।32तऽ एलीआजर याजक के बेटा पीनहास अगुवन के साथ रुबेन आउर गाद के बेटवन में से गिलाद देश से कनान देश आउर इस्राएलियन के भीर लौट अईलन, आउर ओखनी के सन्देश देलन।33आउर ई बात इस्राएली लोग के अच्छा लगल। तऽ इस्राएली लोग परमेश्वर के धन्य कहलन, आउर रुबेनी लोग आउर गादी लोग के रहे वाला देश के नाश करे लागी ओखनी के खिलाफ युद्ध करे के दोबारा कहियो चर्चा नऽ कईलन।34तऽ रुबेन के बेटा आउर गाद के बेटा वेदी के एद कह के पुकारलन, काहेकि ई हमनी के बीच में गवाह हे, कि यहोवा ही परमेश्वर हथिन।
Bridge Connectivity Solutions Pvt. Ltd.