Joshua20
1तऽ यहोवा यहोशू से कहलन,2इस्राएली लोग से कहऽ, जे शरणनगर के बारे में हम मूसा के द्वारा तोहनी से कहली हल, ऊ तोहनी अपना लागी ठहरा लऽ। 3जे कोई, बिना जाने कोई आदमी के गलती से जान से मार दे हे, जे बिन जाने गलती से केकरो जान से मार दे हे, ऊ उहाँ भाग सकल हे, आउर ऊ अपना लागी खून के बदला लेवे वाला से शरण लेतन।4ओखनी, ऊ नगरवन में से कोई एगो में भाग जईतन, आउर नगर के फाटक के द्वार पर खड़ा हो जइतन, आउर ऊ नगर के पुरनियन के सामने अपन मुकदमा सुनईतन। तऽ ओखनी ओकरा नगर में अपना भीर ले जईतन आउर ओकरा रहे लागी अपना बीच में जगह देतन।5आउर जदि खून के बदला लेवे वाला ओकर पीछा करऽ हे, तऽ ओखनी ई जान के कि ऊ हत्यारा के ओखनी के हाथ में नऽ देवे के चाही, काहेकि ऊ गलती से अपन पड़ोसी के मारलन हल। बाकि पहिले से ऊ ओकरा से नफरत नऽ करऽ हलन।6ओकरा ऊ नगर में तब ला रहे के चाही जब ला ऊ न्याय लागी कचहरी में खड़ा नऽ हो जइतन, जब ला ऊ दिन में महायाजक के मौत नऽ हो जायेत। तऽ हत्यारा लौट के जा सकल हे, अपन शहर आउर अपन घर में आ सकल हे, जे शहर से ऊ भाग गेल हल। 7तऽ ओखनी कादेश शहर के गलील के नप्ताली पहाड़ी के देश में, शकेम शहर के एप्रैम के पहाड़ी के देश में आउर किर्य्यतर्बा अरबा शहर के यहूदा के पहाड़ी देश में अलग कईलन हे।8यरीहो शहर के पूरब के तरफ यरदन नदी के पार ओखनी रुबेन के गोत्र के भाग में बेसेर शहर, जंगल में जे पठार पर हे आउर गाद के गोत्र से गिलाद के रमोत शहर आउर मनश्शे के गोत्र के भाग में बाशान के गोलान शहर देलन।9ईहे नगर ठहरावल गेल इस्राएल के सब बेटा आउर ओकर बीच में रहे वाला परदेशी भी, अईसे कर के जे कोई केकरो अनजाने में मार डालतन ऊ उहाँ भाग जइतन, आउर जब ला ऊ खून के बदला लेवे वाला नऽ मर जाइ तब ला उहें रहतन।
Bridge Connectivity Solutions Pvt. Ltd.