Joshua19
1दूसरका दल शिमौन के भीर अईलन, काहेकि शिमौन वंश के ओखनी के कुल के अनुसार गोत्र में हल। ओखनी के भाग यहूदा के बेटा के अपन भाग के बीच में हल।2ओखनी के निज भाग लागी बेर्शेबा, शेबा, आउर मोलादा,3आउर हसर्शूआल, आउर बाला एसेम,4आउर एलतोलद, आउर बतूएल, आउर होर्मा,5सिक्लग, आउर बेथ बेत्मर्काबोत, आउर हसर्शूसा,6आउर बेतलबाओत, आउर शारुहेन; ई तेरह शहर आउर ओकर गाँव।7ऐन, रिम्मोन, एतेर, आउर आशान; चार शहर आउर ओकर गाँव,8आउर ओखनी सभे गाँव जे ई नगर के आस पास हल, बालत्बेर नेवेग के रामा ला। ई ओखनी के कुल के अनुसार शिमौन के बेटवन के गोत्र के भाग हल। 9शिमोन के बेटवन के भाग यहूदा के बेटवन के भाग में हल, काहेकि यहूदा के बेटवन के भाग ओखनी लागी ढेर बड़ी जादे हल, ई खातिर शिमोन के बेटा के अपन निज भाग के बीच में ही भाग मिलल।10तीसरा चिट्ठी जबुलून के वंश के कुल के अनुसार ओखनी के नाम पर निकलल। ओखनी के भाग के सीमा सारीद शहर ला पसरल हल।11ओकर सीमा पच्छिम के तरफ मरला के तरफ जा हल आउर दब्बेशेत ला फैलल हल, योकनाम के भीर के नाला ला फैलल हल।12फिनो ई सारीद से पूरब आउर किसलोत्ताबोर के सीमा पर सूरज उगे के दने मुड़ गेल। आउर ऊ दाबरत शहर से निकल के यापी शहर ला गेल।13उहाँ से ऊ पूर्व के तरफ गथेपेर आउर इत्कासीन के पार कर के रिम्मोन में गेल, आउर नेआ के दने मुड़ गेल।14फिनो ऊ सीमा उत्तर के तरफ हन्नातोन के तरफ मुड़ गेलन, आउर ओकर अन्त यिप्तहेल के तराई में ला गेल।15आउर कत्तात, आउर नहलाल, आउर शिभ्रोन, आउर यिदला, आउर बैतलहम शामिल हल; आउर बारह नगर आउर ओकर गाँव।16जबुलून के बेटा के ई भाग ओखनी के कुल के अनुसार हल, मतलब कि ई नगर आउर ओकर गाँव।17चौथा चिट्ठी इस्साकार के बेटवन के पास ओखनी के कुल के अनुसार निकलल।18ओखनी के क्षेत्र यिज्रेल, कसुल्लोत, आउर शूनेम हल,19आउर हपारैम, आउर शियोन, आउर अनाहरत,20आउर रब्बीत, आउर किश्योत, आउर एबेस,21आउर रेमेत, आउर एनगन्नीम, आउर एनहद्दा, आउर बेत्पस्सेस।22आउर ऊ सीमा ताबोर पर्वत शहसूमा, आउर बेतशेमेश ला फैलल, आउर ओकर सीमा यरदन पार समाप्त होल; सोलह नगर आउर उनकर गाँव।23इस्साकार के बेटवन के गोत्र के भाग उनकर कुल, उनकर नगर आउर ओखनी के गाँव के अनुसार येही हल।24पांचवाँ चिट्ठी आशेर के गोत्र के कुल के अनुसार ओखनी के नाम पर निकलल।25ई नगर ओकर सीमा हेल्कात आउर हली, बेतेन, अक्षाप,26आउर अल्लामेलेक, अमाद, आउर मिशाल, आउर ई पच्छिम कार्मेल पर्वत आउर शिहोर्लिबनात नदी ला फैलल हल।27फिनो ऊ सूरज उगे के तरफ बेतदागोन शहर ला गेल, आउर जुबलून जनजाति के भाग तक, यिप्तहेल के तराई ला, उत्तर के तरफ बेतेमेक आउर नीएल फैल गेल फिनो ई उत्तर के तरफ काबूल ला जारी रहल।28आउर अब्दोन, आउर रहोब, हम्मोन आउर काना, बड़का सीदोन ला बढ़ते गेल29सीमा रामा के तरफ मुड़ गेल, आउर फिनो सोर के गढ़ वाला शहर के तरफ। फिर सीमा होसा के तरफ मुड़ गेल, आउर ओकर छोर समुद्र में हल, जे अकजीब के देश में,30आउर उम्मा, अपेक, आउर रहोब; बाईस गो नगर आउर ओखनी के गाँव,31आशेर के बेटा के ई भाग ओखनी के कुल के अनुसार ई शहर आउर गाँव हल।32छठा चिट्ठी नप्ताली के बेटा के कुल के अनुसार ओखनी के नाम पर निकलल।33ओखनी के सीमा हेलेप के शहर से लेके सानन्नीम के बांजवृक्ष से लेके अदामीनेकेब आउर यब्रिल ला, आउर लक्कूम ला पहुंचल, आउर ओकर अन्त यरदन नदी पर निकलल।34आउर ऊ सिवाना पच्छिम के तरफ मुड़ के अजनोत्ताबोर ला पहुंचल, आउर हुक्कोक ला गेल, ऊ दक्षिण के तरफ जबुलून ला बढ़ गेल, आउर पच्छिम के तरफ आशेर ला आउर सूरज उगे के समय यरदन के पार यहूदा ला पहुंचल।35गढ़ वाला नगर ई हल; सिद्दीम, सेर हम्मत, रक्कत, आउर किन्नेरेत,36आउर आदामा, आउर रामा, आउर हासोर,37कादेश, आउर एद्रेई, आउर एन्हासेर,38आउर यिरोन, आउर मिगदलेल, होरेम, बेतनात, बेतशेमेश: उन्नीस नगर आउर ओखनी के गाँव।39ई नप्ताली के बेटा के गोत्र के भाग हल, ओखनी के कुल के अनुसार ओखनी के नगर आउर ओखनी के गाँव।40सातवाँ चिट्ठी दान के गोत्र के कुल के अनुसार ओखनी के नाम पर निकलल।41ओखनी के निज भाग के सीमा सोरा, एश्ताओल, आउर ईरशेमेश हल।42आउर शालब्बीन, अय्यलोन, यितला43एलोन, तिम्ना, एक्रोन,44एलतके, गिब्बतोन, आउर बालात,45आउर यहूद, बनेबराक, गत्रिम्मोन,46आउर हम मेयर्कोन, आउर रक्कोन, आउर यापो के पार के इलाका।47जखनी दान के बेटवन के इलाका ओखनी के हाथ से निकस गेल, तऽ दान के बेटवन लेशेम ओखनी से लड़े लागी चढ़ाई कईलन, आउर ओखनी के तलवार से मारलन, आउर ओकरा पर अधिकार कर लेलन, आउर ओकरा पर कब्जा कर लेलन आउर ओकरा में बस गेलन आउर अपन पिता दान के नाम पर लेशेम के नाम दान रखलन। 48दान के गोत्र में से बेटवन के भाग ओखनी के कुल के अनुसार मतलब कि ई नगर आउर ओखनी के गाँव हल।49जखनी ओखनी देश के अपन अपन सीमा के अनुसार बाँट चुकलन, तऽ इस्राएली लोग नून के बेटा यहोशू के अपन बीच में एगो भाग देलन।50यहोवा के आज्ञा के अनुसार ऊ ओखनी के ऊ नगर दे देलन, जेकरा लागी ओखनी एप्रैम के पहाड़ी देश में तिम्नतसेरह माँगलन। अईसे कर के ओखनी शहर बनईलन आउर ओकरा में बसे लगलन।51जे भाग एलीआजर याजक, नून के बेटा यहोशू, आउर इस्राएली लोग के घराना के पूरखन के मुख्य-मुख्य पुरुष मिलापवाला तम्बू के द्वार पर यहोवा के भीर शीलो शहर में चिट्ठी डाल के बाँट देलन हल, ऊ ईहे हे। अईसे कर के ओखनी देश के बंटवारा कईलन।
Bridge Connectivity Solutions Pvt. Ltd.