Joshua18
1तऽ इस्राएली लोग के सभे मंडली शीलो शहर में जमा होल, आउर उहाँ मिलापवाला तम्बू खड़ा कईलन, आउर देश ओखनी के आगे दब गेल। 2बाकि इस्राएली लोग में सात गोत्र अईसन रह गेल जेकरा उनकर भाग नऽ मिलल हल।3यहोशू इस्राएली लोग से कहलन, जे देश तोर पूरखा के परमेश्वर यहोवा तोहनी के देलन हे ओकर अधिकारी होवे लागी तोहनी कखनी ला आना कानी करत रहबऽ?4हर एगो गोत्र में से तीन आदमी के लेलऽ, आउर हम ओखनी के बाहर भेजम, आउर ओखनी उठ के देश में होके निकल के अपन निज भाग के अनुसार ओकर बखान करतन, आउर हमर भीर लौट अईतन।5ओखनी बचल देश के सात खण्ड में बाँट देतन। यहूदा दक्खिन में ओखनी के देश में रहतन, आउर युसूफ के घराना उत्तर में ओखनी के देश रहतन।6तोहनी सात भाग में जमीन के बखान करिहऽ आउर ई लेखा जोखा हमरा भीर अईतन। हम इहाँ अपन परमेश्वर यहोवा भीर तोहनी के आगे चिट्ठी डालम।7बाकि तोहनी में लेवी लोग के कोई भाग नऽ हे, काहेकि यहोवा के याजक पद ओखनी के भाग हे। गाद, रुबेन, आउर मनश्शे के आधा गोत्र पूरब में यरदन पार अपन भाग पा लेलन हे, जे यहोवा के दास मूसा ओखनी के देलन हल।8तखनी ऊ पुरुष उठ के निकल गेल, आउर यहोशू देश के बखान करे वालन के ई आज्ञा देलन, जा के ई देश में होके ओकर बखान कर के हमरा भीर लौट आवऽ। हम इहाँ शीलो में यहोवा के आगे तोहनी लागी चिट्ठी डालम।9तऽ ओखनी जा के ऊ देश में से होके गुजरलन, आउर ओखनी के नगर के पास सात खंड में ओखनी के नगर के अनुसार जे किताब में ओकर बखान कईल गेल हे। तऽ ओखनी शीलो के छावनी में यहोशू के भीर लौट अईलन।10तऽ यहोशू शीलो में यहोवा के आगे चिट्ठी डाललन, आउर उहाँ यहोशू इस्राएली लोग के ओखनी के भाग के अनुसार देश बाँट देलन।11बिन्यामीन के बेटा के गोत्र के चिट्ठी ओखनी भाग के अनुसार आयेल, आउर ओखनी के ठहरे के यहूदा के गोत्र आउर युसूफ के बेटवन के बीच निकल गेलन।12उत्तर के तरफ ओकर सीमा यरदन नदी से शुरू होल आउर फिनो सीमा यरीहो के उत्तर ढलान ला गेल, आउर फिनो पहाड़ी देश के बाकी पच्छिम के तरफ। एकर अन्त बेतावेन के जंगल में हल।13उहाँ से सीमा लूज के तरफ पार हो गेलन। लूज के ढलान के दक्षिण में, जे बेतेल भी हे, तक फिनो सीमा अत्रोतदार तक निचे चल गेल, जे निचला बेथोरोन दक्षिण के पहाड़ हे।14ओकर सीमा तऽ पच्छिम तरफ फैलल हल, आउर बेथोरोन के सामने वाला पहाड़ से दक्षिण के तरफ मुड़ गेल हल। एकर अन्त किर्यतबाल मतलब कि किर्यत्यारीम में हल, जे यहूदा के संतान के नगर हल। ई पच्छिम के तरप हल।15दक्खिन के तरफ किर्यत्यारीम के किनारे से शुरू होके, ओकर सीमा पच्छिम ला फैलल हल, आउर नेप्तोह के पानी सोता ला पहुँच गेल।16ओकर सीमा तऽ पहाड़ के अन्त तक चल गेल जे हिन्नोम के बेटा के घाटी के सामने हे, जे रपाईम के घाटी के उत्तर में हे, आउर ई यबूसी लोग के दक्खिन के घाटी पर एनरोगेल के घाटी तक चल जा हे।17फिनो ऊ उत्तर के तरफ मुड़ल, आउर एनशेमेश के तरप निकलल, आउर गलीलोत के तरप गेल, जे अदुम्मीम के चढ़ाई के सामने हे। तऽ ऊ रुबेन के बेटा बोहन के पत्थर के भीर ला चल गेल। 18ई उत्तर के तरफ अराबा के सामने के पहाड़ से पार कर गेल, आउर अराबा ला चल गेल। 19फिनो सीमा बेथोग्ला के उत्तर पहाड़ पर से पार हो गेलन। सीमा के अन्त दक्खिनी छोर पर नमक सागर के उत्तर खाड़ी में हल। यरदन के दक्षिणी किनारा में हल। ई दक्षिण सीमा हल। 20यरदन के पूरब तरफ एकर सीमा हल। ई बिन्यामीन के बेटवन के भाग हल, जे ओकर चारो तरफ के सीमा के अनुसार, आउर ओखनी के कुल के अनुसार हल।21बिन्यामीन के बेटवन के गोत्र के नगर ओखनी के कुल के अनुसार हल; यरीहो, बेथोग्ला, एमेक्कसीस,22आउर बेतराबा, समारैम, बेतेल,23आउर अब्बीम, पारा, आउर ओप्रा,24आउर कपर, अम्मोनी, ओपनि, आउर गेबा; ई बारहगो नगर आउर ओखनी के गाँव,25गिबोन, रामा, बेरोत,26आउर मिस्पा, कापीरा, मोसा आउर,27आउर रेकेम, यिर्पेल, आउर तरला,28आउर सेला, एलेप, यबूस, मतलब कि येरुशलेम गीबा आउर किर्यत; चौदह नगर आउर ओकर गाँव। बिन्यामीन के बेटवन के ओखनी के कुल के अनुसार ईहे भाग हल।
Bridge Connectivity Solutions Pvt. Ltd.