Joshua17
1मनश्शे के गोत्र लागी ई वचन देलन हल काहेकि ऊ युसूफ के पहलौठा हल मतलब कि गिलाद के पिता मनश्शे के पहिलौठा माकीर के लागी ई पद हल। गिलाद आउर बाशान आउर यरदन नदी ओखनी के देवल गेल, काहेकि ऊ एगो योद्धा हल।2मनश्शे के बाकी बचल संतान के उनका कुल के अनुसार अबीएजेर के संतान आउर हेलेक के सन्तान, आउर अस्रीएल के संतान, आउर शकेम के संतान आउर हेपेर के संतान, आउर शमिदा के संतान के ठहरावल गेल। ओखनी के कुल के अनुसार युसूफ के बेटा मनश्शे वंश ही हल।3हेपेर के बेटा सलोफाद, गिलाद के बेटा, माकीर के पोता, मनश्शे के कोई बेटा नऽ हल, खाली बेटिये हल। ओकर बेटियन के नाम हल; महला, नोआ, होग्ला, मिल्का, आउर तिर्सा।4त ओखनी एलीआजर याजक, नून के बेटा यहोशू, आउर प्रधान के रिश्तेदार ई कहे लगलन, कि यहोवा मूसा के आज्ञा देल हल, कि ओखनी हमनी के भाई में से एगो भाग देतन। तऽ यहोवा के आज्ञा के अनुसार ऊ ओखनी के पिता के भईवन के बीच भाग देलन। 5गिलाद आउर बाशान के देश के अलावे मनश्शे के दस भाग गिर गेल, जे यरदन नदी के ऊ पार हल,6काहेकि मनश्शे के बेटी के ओकर बेटा में भाग मिलल। गिलाद मनश्शे के बाकी बचल बेटा के नाम हल।7मनश्शे के सिवाना आशेर से मिकमतात शहर ला हल, जे शकेम शहर के पूर्व में हे। त सीमा दक्षिण में एनतप्पूह झरना के अगल-बगल के रहे वाला निवासी भीर गेल।8तप्पूह के देश मनश्शे के हल, बाकी मनश्शे के सीमा पर स्थित तप्पूह एप्रैम के संतान के हल।9फिन सीमा काना के नाला के दक्षिण के ऊ नगर एप्रैम के वंसज के हल। मनश्शे के सिवाना नाला के उत्तर के तरफ हल, आउर ऊ समुद्र पर खतम होल हल।10दक्खिन भाग एप्रैम के हल, आउर आशेर में उत्तर में मनश्शे के हल, आउर समुद्र ओकर सीमा हल। आशेर उत्तर के तरफ आउर इस्साकार पूर्व के तरफ हल।11इस्साकार आउर आशेर में मनश्शे के बेतशान गाँव आउर यिबलाम आउर ओकर गाँव, आउर ओकर गाँव के निवासी, आउर एनदोर आउर ओकर गाँव के निवासी, आउर तानाक आउर ओकर गाँव के निवासी, आउर मगिद्दो आउर ओकर गाँव के निवासी ई तीनो एक साथ मिललन।12तौभी मनश्शे के बेटा ऊ नगर के अधिकारी नऽ हो सकलन हे, काहेकि कनानी ई देश में रहे लागी मजबूत हल।13अखनी अईसन होल कि जब इस्राएल के बेटा मजबूत हो गेलन, तऽ ओखनी कनानियन के जबरन बेगारी करे लागी रखलन, बाकि ओखनी के पूरा तरह से बाहर नऽ निकललन।14तऽ युसूफ के बेटा यहोशू से कहलन, “तूँ हमनी के एगो भाग देलऽ आउर एगो भाग काहे देलऽ हे, काहेकि हमनी बड़ा प्रजा के ही, आउर यहोवा अखनी ला हमनी के एतना ही आशीष देलन हे?”15यहोशू ओखनी से कहलन, जदि तोहनी बड़ा प्रजा हऽ तऽ जंगल में जा, आउर परिज्जियन आउर रपाईम के देस में अपना लागी एगो जगह साफ करऽ, काहेकि एप्रैम के पहाड़ी देश तोहनी लागी बड़ी छोटा हे। तऽ जंगल में जा, 16बाकि युसूफ के बेटवन कहलन, पहाड़ी देस हमनी लागी जादे नऽ हे, आउर जेतना कनानी तराई के देस में रहऽ हलन, ऊ सभे के पास लोहा के रथ हल, जे बेतशान आउर ओकर गाँव में रहऽ हे, आउर जे यिज्रेल के तराई में रहऽ हे।17तऽ यहोशू युसूफ के गोत्र से मतलब कि एप्रैम आउर मनश्शे से कहलन, तूँ बड़का जाति हऽ, आउर बड़ी तागतवर हऽ। एगो जंगल हे ओकरा तोहनी साफ करबऽ, आउर ओकर दूर तक ला भाग तोहनी के हो जायेत, काहेकि तोहनी कनानियन के निकालवऽ चाहे ओखनी पास लोहा के रथ होवे चाहे ओखनी बलवान होवे।18पहाड़ी देश भी तोर होत। जबकि ऊ जंगल हे, तईयो तूँ ओकरा साफ कर देव, आउर दूर-दूर तक ऊ तोरा जायत. काहेकि तूँ कनानियन के निकास देव, चाहे ओकरा भीर लोहा के रथ हे, चाहे ऊ तागतवर हे।
Bridge Connectivity Solutions Pvt. Ltd.