Joshua16
1युसूफ के बेटा के हिस्सा यरीहो के यरदन से लेके पूर्व में यरीहो के जल ला, आउर जंगल में, यरीहो से बेतेल के पहाड़ी देश से होके फैलल हल।2फिनो ऊ बेतेल से लूज ला गेल आउर अतारोत में एरेकियन के सीमा ला गेल।3ई पच्छिम के दने येपलेतियन के सीमा ला चल गेल हे, जहां ला लोर बेथोरोन के सीमा ला आउर फिनो गेजेर शहर ला, आउर एकर सीमा समुद्र तक हल।4ई तरह से युसूफ के बेटा मनश्शे आउर एप्रैम के ओखनी भाग मिलल।5एप्रैम के वंश के सीमा ओखनी के कुल के अनुसार ई हल, ओखनी के निज भाग के सीमा पूर्व दने अत्रोतदार से उपर बेथोरोन ला हल,6आउर सीमा समुद्र ला फैलल हल, उत्तर में मिकमतात शहर के साथे, आउर फिनो सीमा पूर्व के तरफ तानतशीलो शहर के तरफ मुड़ गेल आउर ओकर से पूर्व के तरफ यानोह शहर के पार कर गेल।7तब ऊ यानोह से उतर के अतारोत आउर नारा शहर के गेल, आउर यरीहो पहुँच के यरदन पार निकलल।8तप्पूह से सीमा पच्छिम के तरफ काना तक गेल आउर समुद्र में समाप्त हो गेलन। एप्रैम के बेटवन के गोत्र के भाग ओखनी के कुलवन के अनुसार ई हल।9ऊ नगर के साथ जे मनश्शे के बेटा के निज भाग में एप्रैम के सन्तान लागी सभे नगर के ओखनी के गाँव अलग करल गेल हल।10ओखनी गेजेर शहर में रहे वाला कुछ कनानी के बाहर नऽ कईलन, ई चलते कनानी आज के दिन ला एप्रैम के बीच में रह रहलन हे, आउर ओखनी सेवा करे वाला बन गेलन हे।
Bridge Connectivity Solutions Pvt. Ltd.