Joshua15
1यहूदा के गोत्र लागी भाग के अनुसार चिट्ठी एदोम के सीमा ला, दक्खिन के तरफ, बड़ी दूर दक्खिन में सीन के जंगल ला हल।2ओकर दक्खिन के सीमा नमक के सागर के छोर से लेके, ऊ खाड़ी तक हल, जे दक्खिन के तरप हे। 3फिन ऊ दक्खिन के तरफ अक्रब्बीम नामके पहाड़ी के तरप बढ़ गेल, आउर सीन के पार कर के कादेशबर्ने तक चढ़ गेल, आउर हेस्रोन के पार कर के अद्दार के तरप चढ़ गेल, आउर कर्का के तरप मुड़ गेल।4ऊ अस्मोन के पार कर के मिस्र के नाला से निकलल, आउर ओकर सीमा के अन्त समुद्र भीर होल। जे दक्षिण के सीमा हे।5पूर्वी सीमा यरदन नदी के छोर पर नमक सागर तक हल। ओकर सीमा यरदन नदी के मुहाने पर समुद्र के खाड़ी के उत्तरी मुहाने से लगल हल।6ई सीमा बेथोग्ला ला गेल आउर बेतराबा के उत्तर के पार कर गेल। फिन ऊ सिवाना रुबेन के बेटा बोहन के पत्थर तक गेलन। 7फिन ऊ सीमा आकोर के घाटी से दबीर ला गेल, आउर उत्तर के तरफ मुड़ के, गिलगाल के तरफ मुड़ गेलन, जे अदुम्मीम नामके के पहाड़ के सामने हे, जे घाटी के दक्षिण के तरफ हे। फिनो सीमा एनशेमेश के पानी के पार कर के एनरोगेल पर खतम हो गेल।8फिनो ऊ सीमा बेनहिन्नोम के घाटी से यबूसी शहर मतलब कि यरूशलेम के दक्खिन के तरफ चल गेल। फिन ऊ सीमा पहाड़ी के चोटी तक गेल, जे पच्छिम में हिन्नोम के घाटी के सामने हे, जे रपाई के घाटी के उत्तरी छोर पर हे।9फिन ऊ सीमा चोटी से नाप्तोह के पानी के सोता तक फैल गेल, आउर एप्रोन पर्वत के शहर ला गेल। फिन ऊ सीमा बाला मतलब कि, किर्यत्यरीम के चारो तरप झुक जा हे।10फिन ऊ बाला से पच्छिम के तरप से मुड़ के सईर पर्वत तक गेल, आउर उत्तर के तरफ यारीम पर्वत, मतलब कि कसालोन के किनारा से होके बेतशेमेश तक चल गेल, आउर तिम्ना के पार कर गेल।11ऊ सीमा उत्तर दने एक्रोन के तरफ चल गेल। फिन ऊ सिवाना शिक्करोन के तरफ मुड़ के बाला पर्वत के पार कर के याब्नील ला फैल गेल। सीमा समुद्र के पास खतम हो गेल।12पश्चिमी सीमा महासागर आउर ओकर तटरेखा हल। यहूदा के बेटवन के कुल वंश के अनुसार ओकर चारो तरप के सीमा येही हे।13यहोशू के यहोवा के आज्ञा के मुताबिक ऊ यापुन्ने के बेटा कालेब के यहुदियन भाग देलन, किर्यतअबा, अर्थ हेब्रोन भी कहलावे हथ अरबा अनाक के पिता हल14कालेब उहाँ से अनाक के तीनो बेटवन शेशै, अहीमन, तल्मै के, जे अनाक के वंश से हलन निकाल देलन।15ऊ उहाँ से दबीर शहर के निवासियन पर चढ़ाई करे ला गेलन दबीर के नाम पहले किर्यत्सेपेर हल।16कालेब कहलन, जे कोई किर्यत्सेपेर के मार के ओकरा पर अधिकार कर लेतन, उनका हम अपन बेटी अक्सा के साथ बियाह कर देम।17जखनी कालेब के भाई कनजी के बेटा ओत्नीएल ओकरा पर अधिकार कर लेलक, तऽ ऊ अपन बेटी अक्सा के पत्नी के रूप में ओकरा बियाह देलन।18आउर अईसन होल कि जखनी ऊ ओकरा पास अईलन, तऽ ऊ ओकरा से निवेदन कईलन कि ऊ अपन पिता से कुछ जमीन मांग लेतन। जखनी ऊ अपन गदहा पर से उतरलन, तऽ कालेब ओकरा से कहलन, तूँ कौची चाहऽ हऽ?19तऽ ऊ कहलन, हमरा आशीर्वाद दऽ, कि तूँ हमरा नेगेव के देश हमरा देलऽ हे; हमरा जल के सोता भी दऽ। फिनो ऊ ओकरा ऊपर जल के सोता आउर नीचे के सोता देलन। 20यहूदा के गोत्र के भाग ओखनी के कुलवन के अनुसार ई सब हल;21ई नगर यहूदा के बेटा के गोत्र दक्खिन छोर पर एदोम के सीमा के तरफ, कबसेल आउर एदेर, यागूर में हल। 22आउर कीना, दीमोन, आउर अदादा,23आउर केदेश, हासोर आउर यित्नान,24जीप, आउर तेलेम, आउर बालोत।25आउर हासोर्हदत्ता, आउर करिय्यो थेस्रोन अर्थात, हासोर,26अमाम, शेमा, मोलादा,27आउर हसर्गद्दा, हेशमोन, बेत्पेलेत,28आउर हसर्शूआल, बेर्शेबा, आउर बिज्योत्या।29बाला, लिम, एसेम,30आउर एलतोलद, कसील, होर्मा,31आउर सिकलग, मदमन्ना, आउर सनसन्ना,32आउर लबाओत, शिल्हीम, ऐन, रिम्मोन; कुल मिला के उनतीस नगर आउर ओकर गाँव।33तराई प्रदेश में ई सब हे: मतलब कि, एश्ताओल, सोरा, आउर अश्ना, 34आउर जानोह, एनगात्रिम, तप्पूह, एनाम,35यमूर्त, अदुल्लाम, सोको, अजेका,36आउर शारैम, अदीतैम, गदेरा, चाहे गदेरोतैम; चौदहगो नगर आउर ओकर गाँव।37सनान, हदाशा, आउर मिगदलगाद, 38आउर दिलान, मिस्पा, आउर योक्तेल,39लाकीश, आउर बोस्कत, आउर एग्लोन।40आउर कब्बोन, आउर लहमास, आउर कितलीश,41आउर गदेरोत, बेतदागोन, नामाह, आउर मक्केदा सोलह गो नगर आउर ओकर गाँव,42लिब्ना, एतेर, आशान, 43इफ्ताह, अश्ना, नसीब,44कीला, अकजीब, मारेशा; ई सब नौ गो शहर आउर ओकर गाँव।45एक्रोन आउर ओकर नगर आउर गाँव; 46एक्रोन से लेके समुद्र ला अश्दोद के पास के सब देश, आउर ओकर गाँव भी।47अश्दोद आउर ओकर नगर आउर गाँव; गाजा आउर ओकर नगर आउर ओकर गाँव, मिस्र के नाला ला, आउर ओकर समुद्रतट समेत ला जेतना नगर हे।48पहाड़ी देश में ई सब हे: शमीर, यातीर, सोको, 49दन्ना, किर्यत्सन्ना, मतलब कि दबीर50अनाब, एश्तमो, आनीम51गोशेन, होलोन, आउर एशान आउर समुद्र गीलो; ई सब ग्यारह नगर आउर ओकर गाँव।52अरब, आउर दूमा, आउर एशान, 53आउर यानिम, आउर बेतप्पूह, आउर अपेका,54आउर हुमता, आउर किर्यतअर्बा, मतलब कि हेब्रोन आउर सीओर; ई नौ गो शहर आउर ओकर गाँव।55माओन, कर्मेल, जीप, युत्ता, 56यिज्रेल, योकदाम, जानोह,57कैन, गीबा, तिम्नाह, आउर ई दसगो नगर आउर ओकर गाँव।58हलहूल, बेतसूर, आउर गदोर, 59आउर मरात, आउर बेतनोत, आउर एलतकोन, ई सब छ: गो शहर आउर ओकर गाँव60किर्यतबाल मतलब कि किर्यत्यारीम, आउर रब्बा; ई सब दूगो शहर आउर ओकर गाँव, 61जंगल में: बेतराबा, मिद्दीन, आउर सकाका, 62आउर निबशान, आउर नमक के शहर, आउर एनगदी; ई सब छ: गो शहर आउर ओकर गाँव।63बाकि यबूसी यरूशलेम के निवासी हल, यहूदा के बेटा ओखनी के नऽ निकाल सकलन हल एही वजह से यबूसी आज के दिन तक यहूदा के बेटवन के बीच यरूशलेम में रहऽ हथन।
Bridge Connectivity Solutions Pvt. Ltd.