Joshua1
1यहोवा के दास मूसा के मरला के बाद यहोवा नून के बेटा यहोशू से जे मूसा के मुख्य सहायक हलन, कहलन,2मूसा, हमर सेवक, मर गेलन हे। येहिगुने अखनी उठऽ, तूँ आउर एखनी सभे लोग यरदन नदी पार होके ऊ देश में चल जा जेकरा हम उनका, मतलब कि इस्राएलियन के दे ही।3जौन-जौन जगह पर तोर पैर पड़त, ऊ सभे हम तोरा दे देली हे, जईसे हम मूसा से कहली हल। 4जंगल से लेके ई लबानोन पर्वत तक, परात नाम के महानद तक, हित्तियन के सभे देश, आउर बड़का समुद्र ला, जहाँ सूरज डूबऽ हे, तोर भाग होत।5तोर जिनगी भर कोई तोरा साम्हने खड़ा नऽ रह सकत। हम तोरा साथे ओईसहीं रहम जईसे हम मूसा के साथे रहली हल। हम नऽ तऽ तोरा छोड़म आउर नऽ तोरा त्यागम। 6येहिसे हिम्मत बाँधऽ आउर मजबूत बन जा, काहेकि तूँ ई लोगन के ऊ देश के अधिकारी बनईबऽ जेकरा हम ओखनी के पूरखन के देवे के वचन देली हे।7खाली पहलवान आउर ढेर हिम्मतगर बनऽ। जौन व्यवस्था हमर दास मूसा तोरा देलन हे ओकर पालन करे में सावधानी बरतिहऽ। ओकरा से नऽ तऽ दहिना दने मुड़िहऽ आउर नऽ बामाँ दने, ताकि जहाँ-जहाँ तूँ जईबऽ, ओकरा में तूँ सफल होते रहबऽ। 8व्यवस्था के ई किताब तोर दिल से कहियो नऽ उतर सके। तूँ दिन-रात ओकरा पर ध्यान मगन रहिहऽ, जेकरा से जे कुछ ओकरा में लिखल हे, ओकरा करे में तूँ होशियारी करबऽ, तऽ तोर राह सफल हो जायेत आउर तूँ बुद्धिमान बन जईवऽ। 9का हम तोरा आज्ञा नऽ देली हे, मजबूत आउर हिम्मतगर बनऽ? मत डरऽ। निराश मत होवऽ, काहेकि जौन-जौन जगह पर तूँ जईवऽ ओकरा में तोर परमेश्वर यहोवा तोरा साथे रहतन।10तऽ यहोशू प्रजा के प्रधान के ई आज्ञा देलन,11डेरा के इधर उधर घूम आउर लोगवन के ई आज्ञा दऽ, कि अपना लागी भोजन तईयार करऽ। तीन दिन के भीतर तोहनी ई यरदन के पार कर के ऊ देश के अधिकारी हो जईबऽ जेकरा तोर परमेश्वर यहोवा तोहनी के अधिकार में दे हथिन।12यहोशू रुबेनियन, गादियन, आउर मनश्शे के आधा गोत्र से कहलन,13जे वचन यहोवा के दास मूसा तोहनी से कहलन हल, कि तोर परमेश्वर यहोवा तोरा विश्राम दे हथन, आउर ई देश तोहनी के देलन हे, उनका याद करऽ।14तोहनी के औरतियन, तोहनी के बाल-बच्चा, आउर तोहनी के जानवर ऊ देश में रहत जेकरा मूसा तोरा यरदन नदी के पार देलन हे। बाकि तूँ अपन संगी इस्राएली के आगे आगे युद्ध लागी हथियार बाँध के पार उतरिहऽ, आउर तूँ ओखनी के मदत करिहऽ।15जब ला यहोवा तोर इस्राएली संगी के ओईसहीं विश्राम नऽ देतन, जईसे तोरा देलन हे। तऽ ओखनी ऊ देश के अधिकार में कर लेतन जे तोर परमेश्वर यहोवा उनका देलन हे। तखनी तूँ अपन निज भाग के देश में लौट जईबऽ, आउर जे कुछ यहोवा के दास मूसा तोरा यरदन नदी के ऊ पार, जहां सूरज उगऽ हे, देलन हे ओकरा पर तूँ अधिकारी बन जईबऽ।16तऽ ओखनी यहोशू के जबाब देलन, "जे कुछ तूँ हमरा आज्ञा देलऽ हे ओही हमनी करम, आउर जहाँ-जहाँ तूँ हमनी के भेजवऽ हुआँ हमनी जायेम।17जईसे हमनी मूसा के आज्ञा के मानली हे, ओईसहीं हमनी तोर आज्ञा के भी पालन करम। तोर परमेश्वर यहोवा तोहनी के साथे रहतन, जईसे ऊ मूसा के साथे हलन।18जे कोई तोर आज्ञा के खिलाफ बगावत करतन, आउर जे कुछ तूँ ओकरा कहवऽ ओकरा नऽ मानत, ऊ मार देवल जायत। खाली तागतवर आउर हिम्मतगर बनऽ।
Bridge Connectivity Solutions Pvt. Ltd.