Deuteronomy34
1ओकर बाध मूसा मोआब के अराबा से नबो पहाड़ तक, आउर पिसगा के चोटी तक, जे यरीहो के सामने हे चढ़ गेलन। उहाँ यहोवा उनका दान तक गिलाद के पूरा देश,2आउर पूरा नप्ताली, आउर एप्रैम आउर मनश्शे के देश, आउर पच्छिम समुद्र तक यहूदा के पूरा देश,3आउर दक्खिन देश, आउर सोअर तक यरीहो नाम के खजूर वाला नगर के तराई, ई सब देखइलन।4यहोवा उनका से कहलन जौन देश के बारे में अब्राहम, इसहाक, आउर याकूब से शपथ खा के कहली हल, कि हम ई तोर वंशज के देम। हम तोरा एकरा तोर आँख से देखे के अनुमति देली हे, बाकि तूँ उहाँ नऽ जईवऽ।5ई तरह यहोवा के दास मूसा यहोवा के वचन के मोताबिक ऊहें मोआब देश में मर गेलन।6यहोवा उनका मोआब देश में बेतपोर शहर के सामने के तराई में मट्टी देलन, बाकि आज तक कोई नऽ जानऽ हे कि उनकर कब्र कहाँ हे।7जब मूसा मरलन तब ऊ एक सौ बीस साल के हलन; उनकर आँख धुंधला नऽ होल हल, नऽ उनकर स्वाभाविक शक्ति कम होल हल।8इस्राएली मोआब के अराबा में मूसा लागी तीस दिन तक विलाप करते रहलन, आउर तब मूसा लागी विलाप के दिन पूरा होल।9नून के बेटा यहोशू बुद्धि के आत्मा से भरपूर होलन, काहेकि मूसा उनका पर हाथ रखलन हल। इस्राएल के लोग उनकर बात के सुनलन आउर ओही कईलन जेकर यहोवा मूसा के आज्ञा देलन हल।10तब इस्राएल में मूसा के बराबर कोई भविष्यद्वक्ता नऽ होलन, जेकरा से यहोवा आमने सामने बात कईलन होत।11आउर जेतना चिन्ह आउर चमत्कार यहोवा उनका मिस्र देश में फिरौन आउर ओकर सभे अधिकारी आउर ओकर पूरा देश में दिखावे ला भेजलन हल, ओखनी में उनकर बराबर कोई भविष्यद्वक्ता कहियो नऽ होलन।12जेतना बड़का आउर भयानक काम मूसा समूचे इस्राएल के सामने कईलन ओकरा में उनकर बराबर कोई भविष्यद्वक्ता कहियो नऽ होलन।
Bridge Connectivity Solutions Pvt. Ltd.