John7
1ऊ सभे बात के बीतला के बाद, यीशु गलील राज के अगल बगल येहिगुने घूमते रहलन काहेकि ऊ यहूदिया इलाका के अगल बगल भी नऽ जायला चाहऽ हलन। ऊ यहूदिया से दूर येहिगुने रहलन काहेकि ऊहाँ यहूदी अगुवन उनका जानऽ से मारे ला कोई उपाय खोजे के कोशिश कर रहलन हल।2अखनी ऊ घड़ी यहूदियन के झोपड़ियन के परव आवे वाला हल। 3यीशु के भाई उनका से बोललन, “ईहाँ से निकस के यहूदिया इलाका में चल जा जेकरा से तोर चेलवन भी तोरा चमत्कार के काम के देख सकतन।4अपन चमत्कार भरल काम के यहूदिया में करिहऽ काहेकि जे कोई नाम कमाय ला चाहऽ हथन ऊ कुछो भी लुक छिप के नऽ करऽ हथन। जबकि तूँ ई सभे चमत्कार के कर रहलऽ हे तऽ चमत्कार काम के कर के सभे दुनियाँ पर ओकरा परकट करऽ जे तूँ होवे के दावा ठोकऽ हऽ!”5यीशु के भईवन अईसन येहिगुने कहलन काहेकि ओखनी भी विश्वास नऽ करलन हल कि ऊ मसीह हथन।6काहेकि ओखनी उनका पर विश्वास नऽ करलन हल येहिगुने, यीशु उनका से बोललन, “ई हमरा लागी यरूशलेम जाय के ठीक समय नऽ हे, बाकि तूँ जखनी चाहवऽ ऊहाँ जा सकलऽ हे।7दुनियाँ में अईसन कोई नऽ हे जे तोरा से घिन मान सकल हे। जबकि सबकोय हमरा से येहिगुने घिन मानऽ हथन काहेकि हम उनकर खिलाफ में गवाही दे ही कि ओखनी गलत काम कर हथन।8तूँ परव मनावेला यरूशलेम जा। हम अखनी परव मनावे लागी नऽ जा रहली हे, काहेकि अखनी हमरा जाय के सही समय पूरा नऽ होल हे।”9अपन भईवन से अईसन कहला के बाद, यीशु गलील इलाका में थोड़ा समय आउर रहलन।10जबकि कुछ दिन के बाद यीशु के भाई परव मनावे लागी चल गेलन, ओहू गेलन, बाकि ऊ चुपचाप अईसन करलन।11काहेकि यहूदी अगुवन परव में यीशु के रहे के उम्मीद करलन हल, ओखनी उनका खोजे के कोशिश भी करलन। ओखनी सभे लोगवन से पूछलन, “ऊ अादमी कहाँ हे?”12भीड़ के लोगवन लुक-छिप के यीशु के बारे में बड़ी बात कर रहलन हल। कुछ लोग कहलन, “ऊ एगो बढ़ियाँ आदमी हथन!” बाकि दोसरकन कहलन, “नऽ! ऊ भीड़ के बहकावऽ हथन!”13तईयो, ऊ सभे यहूदी अगुवन से डेरा हलन, येहिगुने ओखनी यीशु के बारे में सभे के सामने बात नऽ करलन14झोपड़ियन के परव मनावे के करीब आधा समय बीतला के बाद, यीशु मन्दिर के अँगना में ढूकलन आउर ऊहाँ लोगवन के उपदेश देवे ला शुरु कर देलन।15यहूदी अगुवन उनकर शिक्षा से हैरान हो गेलन हल। ओखनी कहलन, “ई आदमी तऽ कोई धार्मिक शिक्षा नऽ लेलन। ऊ हो सकऽ हे पवित्रशास्त्र के एतना बढ़ियाँ से नऽ जानऽ सकतन!”16यीशु उनका जबाब देलन, “जे हम सिखावऽ ही ऊ हमर भीतरे से नऽ आवऽ हे। एकर उल्टा, ई परमेश्वर दने से आवऽ हे, जे हमरा भेजलन हे।17जदि कोई अादमी ऊ करे ला चाहऽ हथन जे परमेश्वर चाहऽ हथन, तऽ ऊ अादमी ई जानऽ जईतन कि जे हम सिखा रहली हे ऊ परमेश्वर दने से आयेल हे आउर ऊ हमर खुद के अधिकार में नऽ हे।18जे कोई भी अपन खुद के अधिकार से बोलऽ हथन ऊ खाली अपन गुणगान करे ला चाहऽ हथन। जबकि, जे कोई भी ऊ आदमी के गुणगान करे ला चाहऽ हथन। जे उनका भेजलन हे तऽ ऊ सच बोलऽ हथन आउर अधर्म से भरल काम नऽ करऽ हथन।19मूसा सचमुच में तोहनी के परमेश्वर तरफ से व्यवस्था देलन हल। तोहनी में से कोई भी ऊ व्यवस्था के पूरा तरह नऽ मान हथन जखनी ई सच हे, तऽ तूँ हमरा जानऽ से मारे के कोशिश काहे कर रहलऽ हे काहेकि जेकरा तूँ नऽ मान रहलऽ हे ई ऊ व्यवस्था के आज्ञा के उठल्लू करे ला ही मानल जा हे?”20भीड़ में से कुछ लोग जबाब देलन, “कोई दुष्टात्मा तोरा काबू में कर रहल हे! कोई भी तोरा जानऽ मारे के कोशिश नऽ कर रहलक हे!”21यीशु भीड़ के जबाब देलन, “काहेकि हम विश्रामदिन में एगो चमत्कारी चंगाई करली, येहिगुने तोहनी हैरान हो गेलऽ।22काहेकि चंगाई जईसन कुछ काम सब्त के दिन में होत, येहिगुने मूसा तोरा खतना के बारे में व्यवस्था देलन। ऊ व्यवस्था बतावऽ हे कि तोरा अपन बेटा के जनम लेवे के ठीक सात दिन के बाद खतना करे के चाही। खतना सचमुच में मूसा से शुरु नऽ होल हल, बाकि ई संस्कार तोर कुल वंश अब्राहम, इसहाक, आउर याकूब से शुरु होल हल। ई व्यवस्था के चलते, कहियो-कहियो तोरा सब्त के दिन में अपन लईका के खतना कर के काम करे पड़ऽ हे। 23जबकि कहियो-कहियो तूँ मूसा के व्यवस्था के उल्लंघन करे से बचे लागी सब्त के दिन में कोई अादमी के खतना कर दे हऽ, तऽ ऊ दिन में कोई अादमी के चंगा करे के जईसन बढ़ियाँ काम करे के चलते तोरा हमरा पर गोस्सा नऽ होवे के चाही!24जे तूँ देख लऽ ओकर मुताबिक हमर न्याय करे ला बंद करऽ! बजाय एकर, हमर न्याय ओकर मुताबिक करऽ जेकर लागी परमेश्वर कहऽ हथन कि सही हे।” 25तऽ भीड़ में से कुछ लोग जे यरूशलेम में बसल हलन कहलन, “ई तऽ ऊ अादमी हथन जिनका जानऽ मारे के कोशिश हमनी के अगुवन कर रहलन हे!26देखऽ, ई तऽ ई सभे बात के सभे के सामने कह रहलन हे, बाकि हमनी के अगुवन उनकर खिलाफ में कुछो नऽ कह रहलन हे, का अईसन हो सकलऽ हे कि हमनी के अगुवन सचमुच में जानऽ हथन कि एही मसीह हथन?27बाकि ई अादमी मसीह नऽ हो सकलन हे! हम जानऽ ही कि ई अादमी कहाँ से अईलन हे, बाकि जखनी मसीह अईतन, तऽ कोई भी नऽ जानऽ पईतन कि ऊ कहाँ से अईलन हे।”28जौन बखत ऊ मन्दिर के अँगना में उपदेश दे रहलन हल तऽ यीशु जोड़गर आवाज में बोल उठलन। ऊ कहलन, “हाँ, तूँ हमरा जानऽ हऽ, अाउर तूँ ई भी जानऽ हऽ कि हम कहाँ से अईली हे। बाकि हम ईहाँ खुद के अधिकार से नऽ अईली हे। बजाय एकर, जे हमरा भेजलन हे ऊ सच्चा परमेश्वर हथन, आउर तूँ उनका नऽ जानऽ हऽ।29हम उनका येहिगुने जानऽ ही काहेकि हम उनका भीर से अईली हे। ऊहें हथन जे हमरा भेजलन हे।”30काहेकि यीशु ई बात के कहलन येहिगुने, यहूदी अगुवन उनकर कैदी बनावे ला चाहऽ हलन, बाकि कोई भी उनका येहिगुने पकड़ नऽ पईलन, काहेकि मरे लागी ई अखनी इनका सही समय नऽ हल।31यहूदी अगुवन के अलावे, भीड़ में से बड़ी सा लोग यीशु पर विश्वास करलन। ओखनी लगातार कहते रहलन, “जहिया मसीह अईतन, तऽ ऊ जरुर ई आदमी के बराबरी में जादे चमत्कार चिन्ह प्रकट करे में सक्षम नऽ होतन!”32कुछ फरीसियन ओखनी के यीशु के बारे में ई बात सल्ले बल्ले होके कहते सुनलन। तऽ ओखनी आउर शासकीय याजकवन उनका कैद करे ला मन्दिर के पहरदार के भेजलन।33काहेकि ओखनी अईसन करलन येहिगुने यीशु कहलन, “हम तोहनी साथ थोड़ा समय आउर रहम। जल्दीये हम परमेश्वर के बिजुन वापस लौटके चल जायेम जे हमरा भेजलन हे।34तोहनी हमरा खोजवऽ, बाकि खोज नऽ पईवऽ। जहाँ हम रहम ऊ जगह पर तूँ नऽ आ पईवऽ।”35येहिगुने ऊ यहूदी अगुवन एक दोसर से कहलन, “ई आदमी कहाँ जा सकलन हे जहाँ हमनी उनका खोज नऽ पायेम? का ई सचमुच में ऊ यूनानियन बिजुन जईतन जे इस्राएल के बाहरे पूरा दुनियाँ भर में पसर गेलन हे? का ई ऊहाँ के ऊ अादमी के भी उपदेश देतन जे यहूदी नऽ हथन?36जखनी ऊ कहलन कि हमनी उनका खोजम, बाकि खोज नऽ पायेम, आउर जहाँ ऊ होतन ऊ स्थान पर हमनी नऽ आ पायेम तऽ उनकर कहे के माने कि कौची हल?”37अखनी झोपड़ियन के परव के अंतिम आउर सभे से जादे खास दिन में, यीशु मन्दिर के अँगना में खड़ा होलन आउर जोड़गर आवाज में बोललन। ऊ कहलन, “जे कोई भी पियासल हथन हमरा भीर अईतन आउर जे हम ओखनी के देम ऊ पियतन! 38ईहें हथन जे भविष्यद्वक्तावन पवित्रशास्त्र में ऊ आदमी के बारे में लिखलन हे जे हमरा पर विश्वास करऽ हथन: ऊ पानी जे अनन्त जिनगी प्रदान करऽ हे ऊ आदमी के भीतरे से सोई नियर बहत।”39अखनी यीशु ई पवित्रात्मा के बारे में बोललन हल, जेकरा परमेश्वर ओखनी के देवे जा रहलन हल जे सभे यीशु पर विश्वास करलन हल। ऊ अईसन येहिगुने कहलन हल काहेकि ऊ समय ला परमेश्वर पवित्र आत्मा नऽ भेजलन हल कि ओखनी में वास करे जे सभे उनका पर विश्वास करलन हल, काहेकि यीशु के अखनियो ला उनकर मौत, आउर पुनरुत्थान, अाउर स्वर्ग में वापस आवे के दूबारा इज्जत नऽ मिलल हल।40जे यीशु कहलन हल जखनी भीड़ में से कुछ लोग ई सुनलन तऽ ओखनी कहलन, “सचमुच ई ऊहें भविष्यद्वक्ता हथन जेकरा बारे में परमेश्वर कहलन हल कि ऊ अईतन!”41भीड़ में से कुछ दोसर लोग कहलन, “ई तऽ मसीह हथन!” जबकि, दोसर जे सभे गलती से सोचलन हल कि यीशु गलील में जनम लेलन हल, कहलन, “बाकि लगऽ हे मसीह गलील प्रान्त से नऽ आ सकलन हे।42भविष्यद्वक्ता पवित्रशास्त्र में लिखल हे कि मसीह दाऊद के कुल वंश से अईतन अाउर उनका बैतलहम गाँव से आवेला हे जहाँ से दाऊद अईलन हल!” 43अईसे कर के भीड़ के आदमी यीशु के चलते विरोध करे वाला झुण्ड में बँट गेलन।44भीड़ में से कुछ लोग उनका कैद करे ला चाहऽ हलन। जबकि, उनका कोई नऽ पकड़लन।45तऽ मन्दिर के पहरदार शासकीय याजकवन आउर फरीसियन भीर घूर अईलन, जे उनका पूछलन, “तोहनी उनका कैद काहे नऽ करलऽ अाउर उनका ईहाँ ले काहे नऽ अईलऽ?”46मन्दिर के पहरदार जबाब देलन, “कोई भी कहियो अईसन बात नऽ करलन हे जईसन ई आदमी करलन हे!”47काहेकि चौकीदरवन अईसन कहलन येहिगुने फरीसियन पूछे से जबाब देलन, “का अईसन हो सकल हे कि ऊ तोहनियो के भी बहका देलन हे?48जरुर, हमनी के सभे से ऊपरका शासकीय सभा के सदस्यवन चाहे फिनो हमनी फरीसियन में से कोई भी उनका पर विश्वास नऽ करलन!49जबकि, अादमी के ई भीड़ परमेश्वर के व्यवस्था के नऽ जानऽ हे, आउर परमेश्वर ओखनी के श्राप देलन हे!”50तखनी नीकुदेमुस बोललन। ऊ ओही अादमी हलन जे पहिले यीशु भीर उनका से बात करेलागी रात में अईलन हल। ऊ अईसन करलन हल भलहीं ऊ एगो फरीसी हलन, जे कि ऊ झुण्ड हल जे आमतौर पर यीशु के विरोध करलक हल। ऊ ओखनी यहूदी धार्मिक अगुवन से बोललन,51“हमनी के यहूदी व्यवस्था में जरुर हमनी के कोई भी अादमी के बात के सुनले बेगर आउर उनकर करल गेल काम के जानले बेगर कि ऊ कौची करलन हे दोष लगावे के इजाजत नऽ दे हे।”52ओखनी बेईज्जती भरल तरीका से उनका जबाब देलन, “जरुर तोहूँ भी गलील प्रान्त से तऽ नऽ हऽ! का तूँ हऽ? पवित्रशास्त्र के गौर से पढ़लऽ! जदि तूँ अईसन करवऽ, तऽ तूँ देखवऽ कि गलील से कोई भविष्यद्वक्ता नऽ आवऽ हथन।”53फिनो ओखनी सभे चल देलन आउर अपन-अपन घरे चल गेलन।
Bridge Connectivity Solutions Pvt. Ltd.