John21
1ई बात के घटित होला के बाद, एक दिन यीशु फिन से अपन चेलवन पर तिबिरियास झील के किनारा पर देखाई देलन, जेकरा गलील के झील के नाम से भी जानल जा हे। ऊ उनका पर अईसे देखाई देलन:2शमौन पतरस, थोमा जिनका ओखनी “जुड़वा” कह हलन, नतनएल जे काना के रहवईया हलन, जे गलील के प्रान्त में एगो शहर हे, जब्दी के बेटा याकूब आउर यूहन्ना, आउर यीशु के दूगो चेला एक साथे हलन।3शमौन पतरस अपना जौरे रहे वाला दोसर चेला से कहलन, “हम मछली पकड़े ला जा रहली हे।” ऊ उनका से कहलन, “हमहूँ तोरा जौरे जायेम।” ऊ जा के नाव पर चढ़ गेलन आउर मछली पकड़े लगलन, बाकि ऊ रात ऊ एक्कोगो मछली नऽ पकड़ पईलन।4दोसरका दिन के भोर में यीशु झील के किनारा पर खड़ा हो गेलन, बाकि चेलवन जे मछली पकड़ रहलन हल नऽ जानऽ हलन कि ऊ यीशु हथन।5तऽ यीशु उनका पुकारलन, “हे प्यारे दोस्त, का तोहनी भीर कोई मछली नऽ हे, का तोहनी भीर हे?” ओखनी जबाब देलन, “हमनी भीर नऽ हे।”6ऊ ओखनी से बोललन, “नाव के दहिना तरफ अपन जाल डालऽ तऽ तोरा मछली मिलत।” येहिगुने ओखनी ओईसहीं करलन, आउर ओखनी ढेरमनी मछली पकड़लन कि ऊ जाल के नाव पर खींच में सक्षम नऽ पईलन।7हम, शमौन पतरस चेला जेकरा से प्रभु यीशु प्रेम करऽ हलन, तऽ ऊ अपन गमछा पेहेन लेलन जे ऊ काम करे ला ओकरा उतार देलन हल आउर तैर के किनारा पर जाय ला पानी में कूदक गेलन।8बाकि चेलवन जौन मछली पकड़ रहलन हल ऊ नाव से झील के किनारा पर अईलन, बाकि ऊ मछलियन से भरल जाल के नाव के पीछे-पीछे खिंच रहलन हल। ऊ जमीन से दूर नऽ हलन, खाली, 90 मीटर के दूरी पर हलन।9जखनी ऊ जमीन पर पहुँचलन, तऽ ओखनी आग देखलन जे यीशु सुलगईलन हल आउर ओकरा पर एगो मछली पक रहल हल। ऊहाँ एगो रोटियो हल।10यीशु ओखनी से कहलन, “ईहाँ ऊ मछलियन में कुछ ले आवऽ जे तोहनी अखनी पकड़लऽ हे!”11येहिगुने शमौन पतरस नाव भीर गेलन आउर जाल के जमीन पर खींच लईलन। ऊ 153 बड़गो मछलियन से भरल हल। भलहीं ऊहाँ ढेरमनी मछली हल, तईयो जाल नऽ फटल।12यीशु उनका से कहलन, “ईहाँ आवऽ आउर नस्ता कर लऽ!” चेलवन में से कोई एतना हिम्मतगर नऽ हलन कि उनका से पूछतन कि ऊ कौन हथन। ऊ जानऽ हलन कि ऊ प्रभु यीशु हथन।13यीशु आके रोटी लेलन आउर ऊ उनका देलन। ओईसहीं ऊ मछली के जौरे भी करलन।14ई तिसरका बेरा हलक कि परमेश्वर द्वारा उनका फिन से जिन्दा कर देला के बाद यीशु चेलवन के देखाई देलन हल।15जखनी ओखनी नस्ता करे ला खतम कर देलन, तऽ यीशु शमौन पतरस से पूछलन, “हे शमौन, यूहन्ना के बेटा, का तूँ हमरा से इनकर तुलना में जादे प्रेम करऽ हऽ दोसरा लोग जे हमरा से प्रेम करऽ हथन?” पतरस जबाब देलन, “हाँ, हे प्रभु, तूँ जानऽ हऽ कि हम तोरा से प्रेम करऽ ही।” यीशु उनका से कहलन, “हमर मेम्ना के देख भाल करऽ जे हमरा पर विश्वास करऽ हथन।” 16यीशु दोसरका बेरा पूछलन, “हे शमौन, यूहन्ना के बेटा, का तूँ हमरा से प्रेम करऽ हऽ?” ऊ उनका जबाब देलन, “हाँ, हे प्रभु, तूँ जानऽ हऽ कि हम तोरा से प्रेम करऽ ही।” यीशु उनका से कहलन, “हमर भेड़ के देख भाल करऽ जे हमरा पर विश्वास करऽ हथन।”17यीशु उनका से तिसरका बेरा पूछलन, “हे शमौन, यूहन्ना के बेटा, का तूँ हमरा से सनेह करऽ हऽ?” पतरस उदास हो गेलन काहेकि यीशु उनका से तिसरका बेरा पूछलन हल कि जदि ऊ उनका से प्रेम करऽ हथन। पतरस जबाब देलन, “हे प्रभु, तूँ तऽ सभे कुछ जानऽ हऽ। तूँ जानऽ हऽ कि हम तोरा से सनेह करऽ ही।” यीशु उनका से कहलन, “हमर भेड़ के देख भाल करऽ जे हमरा पर विश्वास करऽ हथन।18हम तोरा से सच कह रहली हे: जहिया तूँ जवान हल, तऽ तूँ अपन कपड़ा अपने से पेहेनले हल आउर जहाँ कहीं तूँ जायला चाहऽ हल ऊहाँ चल जा हल। बाकि, जहिया तूँ बूढ़ा हो जईवऽ, तऽ तूँ अपन हाथ के अपन देह से दूर बढ़ईवऽ, आउर कोई दोसरा तोरा कपड़ा पेहेनईतन आउर तोरा ऊहाँ ले जईतन, जहाँ तूँ जाय लागी नऽ चाहवऽ।”19यीशु ई इशारा करे लागी कहलन कि पतरस कईसे मरतन जेकरा से कि लोगवन पर उजागर होत कि परमेश्वर केतना महान हथन। फिन यीशु से कहलन, “आके हमर चेला बनऽ!”20जखनी पतरस पीछे घूमलन तऽ ऊ यूहन्ना के देखलन, ओही चेला जेकरा से यीशु प्रेम करऽ हलन, ऊ उनकर पीछे-पीछे आ रहलन हल। ऊ यूहन्ना ही हलन जे यीशु के मरे से पहिले रात में खाय घड़ी यीशु दने झुकल हलन आउर पूछलन हल, “हे प्रभु, कौन तोरा धोखा देवे जा रहलन हे?”21येहिगुने जखनी पतरस यूहन्ना के देखलन, तऽ ऊ यीशु से पूछलन, “हे प्रभु, ई अादमी के जौरे कौची होवे जा रहल हे?”22यीशु उनका से कहलन, “जदि हम चाहम कि ऊ हमरा लौटे बखत ला हमेशा जिन्दे रहतन, तऽ ई तोर चिंता वाला बात नऽ हे! जहाँ ला हमर बात हे, हमेशा हमर चेला बनल रहऽ!”23काहेकि यीशु अईसन कहलन हल, येहिगुने ई अफवाह विश्वासी भईवन के बीच में दोहरावल गेल हल कि चेला यूहन्ना नऽ मरतन। जबकि यीशु पतरस से ई नऽ बोललन हल कि यूहन्ना नऽ मरतन। एकर जगह पर, ऊ कहलन हल, “जदि हम चाहम कि ऊ हमरा लौटे बखत ला हमेशा जिन्दे रहतन, तऽ ई तोर चिंता वाला बात नऽ हे!”24हम, यूहन्ना, ही ऊ चेला ही जे ई सभे बात के बारे में गवाही दे रहली हे, आउर ऊ सभे के हम ई किताब में लिख देली हे। हम जानऽ ही कि जौन गवाही हम देली हे ऊ सच हे।25यीशु आउर भी बड़ी सा काम करलन कि जदि लोग ओकरा में से सभे के लिख देतन, तऽ हमरा लगऽ हे कि पूरा दुनियाँ में भी एतना बड़गो जगह नऽ होत कि ऊ किताब के अँटा सकल हे जे ओखनी सभे उनका बारे में लिखतन।
Bridge Connectivity Solutions Pvt. Ltd.