John2
1दू दिन के बाद, काना में, जे गलील प्रान्त के एगो नगर हे ऊहाँ पर एगो वियाह हल आउर यीशु के माय ऊहें पर हलन। 2आउर कोई अादमी यीशु आउर उनकर चेलवन के भी ऊ वियाह में नेऊता देले हलन।3प्रबंध करे वाला वियाह में आयेल लोगवन के दाखरस परसलन आउर ओखनी ओकर सभे दाखरस पी गेलन। येहिगुने यीशु के माय उनका से कहलन, “ओखनी विजुन दाखरस खतम हो गेल हे। कृपा कर के एकरा ला कुछो करऽ।” 4तऽ यीशु ओकरा से कहलन, “हे महोदया, एकरा हमरा से चाहे तोरा से कौची लेवे देवे के हे? हमर ऊ चुनल गेल समय कि अपन सेवा के शुरुआत करम अखनी नऽ अईलक हे।”5यीशु के माय सेवकवन से बोललन, “जे कुछ भी ऊ तोहनी से करे ला कहतन ओही करिहऽ।”6ऊहाँ पत्थर के छौगो खाली गगरी रखल गेल हल। ओकरा में पानी रखल जा हल जेकरा से लोग यहूदियन के धरम से शुद्धिकरण के विधि के मुताबिक खुद के शुद्ध कर सकतन। सभे गगरी में 80 से लेके 120 लीटर ला पानी अँट जा हल।7यीशु सेवकवन से बोललन, “गगरियन के पानी से भर दऽ।” येहिगुने ओखनी गगरियन के ऊपलाके पूरा भर देलन।8फिनो ऊ ओखनी से कहलन, “अखनी, कोई गगरी में से तनिसा पानी निकासऽ आउर ओकरा वियाह के घर के मुखिया भीर ले जा।” येहिगुने बाकि सेवकवन ओईसहीं करलन।9तऽ वियाह भोज के मुखिया ऊ पानी के चिखलन, जे कि अखनी दाखरस बन गेल हल। ऊ नऽ जानऽ हलन कि ऊ दाखरस कहाँ से आयेल हल, जबकि ऊ सेवकवन जानऽ हलन जौन पानी निकासलन हल। आउर ऊ दूल्हा के अपन बिजुन बोलईलन।10फिनो ऊ दूल्हा से बोललन, “सभे कोई पहिले बढ़ियाँ दाखरस परसऽ हे अाउर बाद में खराब दाखरस परसऽ हे, जखनी मेहमान नशा में बड़ी डूब जा हथन अाउर फरक नऽ बता पावऽ हथन। जबकि, तोहनी अखनी ला बड़ी बढ़ियाँ दाखरस के बचईले हऽ।”11ऊ उनकर सभे चिन्ह में से सभे से पहिलका चिन्ह हल जे यीशु करलन हल। ई ऊ काना नगर में करलन हल, जे गलील प्रान्त में बसल हल। ऊहाँ ऊ देखईलन कि ऊ केतना बड़गो महिमा प्रकट करऽ हथन। येहिगुने उनकर चेलवन उनका पर विश्वास करलन।12ई चमत्कार के करलऽ के कुछ समय बाद, यीशु अाउर उनकर माय अाउर उनकर भाई, उनकर चेलवन के साथ, कफरनहूम नगर में नीचे गेलन। अाउर ओखनी कुछ दिन लागी ऊहाँ रुकल रहलन।13अखनी ई यहूदी फसह के परव मनावे के घड़ी आ गेल हल, येहिगुने यीशु यरूशलेम नगर के गेलन। 14ऊहाँ मन्दिर के अँगना में ऊ ऊहाँ बलि चढ़ावे वालन बैल, भेड़, अाउर कबूतर बेचेवाला अादमी के देखलन। ऊ मन्दिर के पईसा से पईसा बदले वालन आदमियन के चौंकी लगा के बईठल भी देखलन।15येहिगुने यीशु रस्सी के जईसन बाँटल कुछ चमड़ा के पट्टी के एगो कोड़ा बनईलन, ऊ ऊ सभे लोगवन के जानवरवन अाउर भेड़वन के साथे मन्दिर से बाहरे निकासे लागी ओकरा इस्तेमाल करलन। ऊ पईसा बदले वालन के सिक्का के भी जमीन पर छिंट देलन अाउर ओकर चौंकियन के उलट देलन।16जे कबूतर बेच रहलन हल ओखनी से ऊ बोललन, “ई कबूतरवन के एज्जा से बाहरे ले जा! हमर पिता के घर के बजार मत बनावऽ!”17ई घटना उनकर चेलवन के ऊ बारे में याद दिलईलन जे कोई बड़ी समय पहिले पवित्रशास्त्र में लिखल हल, “हे परमेश्वर, हम तोर मन्दिर से अत्यंत प्रेम कर ही, कि हम एकरा लागी मर भी जायेम।” 18तऽ यहूदी अगुवन यीशु से सवाल कर के जबाब देलन, “तूँ हमनी लागी कौन चिन्ह कर सकल हे कि साबित होवे कि तोरा भीर ई सभे काम के करे ला परमेश्वर के तरफ से अधिकार हे जेकरा तूँ कर रहलऽ हे?”19यीशु ओखनी के जबाब देलन, “जदि तोहनी ई मन्दिर के ढाह दऽ, तऽ हम तीन दिन में एकरा फिनो से बना देम।”20तऽ यहूदी अगुवन कहलन, “ई मन्दिर के बनावे में 46 साल लगल। का तूँ ई कह रहलऽ हे कि तूँ ई समूचे मन्दिर के खाली तीन दिन में बनावे जा रहल हे?”21जबकि, जौन मन्दिर के बारे में यीशु कह रहलन हल ऊ उनकर अपन देह हल, नऽ कि मन्दिर के भवन।22ई कहनाम के फलस्वरूप, उनकर चेलवन ई बात के याद करलन जे ओखनी परमेश्वर के द्वारा यीशु के मरलकन में से जिन्दा करला के बाद कहलन हल। तऽ ओखनी जे पवित्रशास्त्र कहऽ हल आउर जे खुद यीशु कहलन हल दूनो पर विश्वास करलन।23बाद में, जखनी फसह के परव मनावे के समय यीशु यरूशलेम में हलन, तऽ परव के दिन के दौरान, बड़ी सा लोग उनका पर विश्वास करलन काहेकि ओखनी ऊ चिन्ह के देखलन हल जे ऊ लगातार कर रहलन हल।24तईयो, काहेकि यीशु जानऽ हल कि सभे लोग केकरा जईसन हलन, येहिगुने ई लागी यीशु ऊ ओखनी पर विश्वास नऽ करलन।25यीशु एहु से ओखनी पर भरोसा नऽ करलन काहेकि उनका केकरो जरुरत नऽ हल कि ऊ आदमियन के बारे में गवाही देतन। अईसन येहिगुने हे काहेकि ऊ जानऽ हलन कि लोग कौची सोच हथन आउर कौची चाहऽ हथन।
Bridge Connectivity Solutions Pvt. Ltd.