John3
1अखनी ऊहाँ यहूदी नीकुदेमुस नाम के एगो आदमी हलन। ऊ फरीसी नामक एगो निठूर यहूदी धार्मिक झुण्ड के अगुवा हलन। ऊ सभे से ऊपरे यहूदी शासकीय सभा के सदस्य भी हलन।2ऊ रात में यीशु भीर अईलन। ऊ यीशु से कहलन, “हे गुरु जी, हम जानऽ ही कि तूँ अईसन गुरु हऽ जे परमेश्वर के तरफ से अईलऽ हे। हम ई येहिगुने जानऽ ही काहेकि कोई भी आदमी ई चिन्ह के जेकरा तूँ करऽ हऽ तखनी ला नऽ कर सकऽ हे जब ला कि परमेश्वर ओकर मदत नऽ कर रहलन हे।”3यीशु नीकुदेमुस के जबाब देलन आउर कहलन, “हम तोरा से सच कह रहली हे: नया तरीका से जनम लेले बेगर कोई भी अादमी ढूक नऽ सकलन हे जहाँ परमेश्वर राज करऽ हथन।”4तऽ नीकुदेमुस उनका से कहलन, “जखनी कोई अादमी बूढ़ा हो जा हथन तऽ कईसे फिनो से जनम ले सकलन हे? आउर कोई आदमी अपन माय के पेट में जा के दूबारा जनम नऽ ले सकलन हे!”5यीशु जवाब देलन, हम तोरा से सच कह रहली हे: कोई भी आदमी ऊ जगह में नऽ ढूक सकतन जहाँ, परमेश्वर राज कर रहलन हे जबले कि ऊ पानी आउर आत्मा से फिनो से नऽ जनमतन।6जदि कोई देह कोई देह के जनम दे हे, तऽ ऊ आदमी भी एगो आदमी होवऽ हे बाकि जे परमेश्वर के पवित्र आत्मा के काम के द्वारा फिनो से जनम ले हथन ऊ एगो नया आत्मिक स्वभाव के पावऽ हथन जेकर निर्माण परमेश्वर ओखनी के भीतरहीं करऽ हथन।7येहिगुने चौंकऽ नऽ काहेकि हम तोरा बोलली कि तोरा फिनो से जनम लेवे ला जरुरी हे।8पवित्रात्मा हवा के जईसन हथन जे जहाँ कहीं भी चले ला चाहऽ हे ओन्ने चलऽ हे। जबकि तूँ हवा के आवाज सुन तऽ सकलऽ हे, बाकि तूँ जानऽ हऽ नऽ कि हवा कन्ने से आवऽ हे आउर ऊ कन्ने जा रहल हे। जईसे तूँ ई बात नऽ समझलऽ, ओईसहीं तूँ सभे अादमी के भी नऽ समझवऽ जे परमेश्वर के आत्मा के काम के द्वारा फिनो से जनम ले हथन। 9नीकुदेमुस उनका जबाब देलन, “ई कईसे हो सकल हे?”10यीशु ओकरा जबाब देलन, “तूँ इस्राएलियन के बीच में एगो बड़ी खास धार्मिक गुरु हऽ, येहिगुने जे हम कह रहली हे ऊ तोरा समझ लेवे के चाही!11हम तोरा से सच कह रहली हे: हमर चेलवन आउर हम ओही बात के ही कहऽ ही जेकरा हम जानऽ ही कि ऊ सच्चा हे, आउर हम तोरा से ऊ बात कह रहली हे जेकरा हम देखली हे ओकरे गवाही दे ही। तबहियो तोहनी सभे जेकरा से हम ई बात के कहऽ ही ओकरा नऽ मानऽ हऽ जे हम कह रहली हे।12येहिगुने जखनी हम तोरा ऊ बात के बारे हम बतावऽ ही जे ई धरती पर घट रहल हे तऽ जे हम कह ही तोहनी सभे ओकरा पर विश्वास नऽ करऽ हऽ तऽ जखनी हम तोरा ऊ बात के बारे बतायेम जे स्वर्ग में घटित होवऽ हे तऽ हम कहऽ ही तोहनी जरुर ओकरा पर विश्वास नऽ करवऽ! 13हम आदमी के बेटा, ही एगो ऊ आदमी ही जे स्वर्ग ला गेली हे, आउर हम ही एगो ऊ अादमी ही जे स्वर्ग से नीचे धरती पर अईली हे।14ढेर समय पहिले, जखनी इस्राएली लोग जंगल में भटक रहलन हल मूसा एगो खम्भा पर जहरीला साँप के पीतल के आकार के ऊँचगर पर चढ़ईलन हल, आउर जेतना ओकरा पर नजर डाललन ऊ सभे साँपवन से बच गेलन। ओही तरीका से, लोगवन हमरा, आदमी के बेटा के भी क्रूस पर ऊँचगर पर चढ़ावल जाय ला जरुरी हे। 15ओखनी सभे हमरा ऊँचा पर चढ़ा देतन येहिगुने जे कोई भी ऊपरे ताकतन आउर हमरा पर विश्वास करतन ऊ स्वर्ग में हमरा साथ हमेशा जिन्दा रहतन।16अईसन येहिगुने हे काहेकि परमेश्वर संसार के लोगवन से अईसने रीति से प्रेम करलन, येहिगुने ऊ अपन एकलौता बेटा के दे देलन ताकि जे कोई आदमी उनकर बेटा पर विश्वास करऽ हथन ऊ मरतन नऽ बाकि हमेशा जिन्दा रहतन।17ई येहिगुने सच हे काहेकि परमेश्वर हमरा, माने कि अपन बेटा के, संसार में ई लागी नऽ भेजलन कि संसार के लोगवन के दोषी ठहरईतन। बजाय एकर, परमेश्वर हमरा ई लागी भेजलन ताकि संसार के लोगवन के हमरा द्वारा बचा लेतन।18परमेश्वर कोई भी अईसन अादमी के दोषी नऽ ठहरईतन जे उनकर बेटा पर विश्वास करऽ हथन। बाकि परमेश्वर ऊ सभे के पहिलहीं से दोषी ठहरा देलन हे जे उनकर बेटा पर भरोसा नऽ करऽ हथन, काहेकि ओखनी परमेश्वर के एकलौता बेटा के नाम पर विश्वास नऽ करलन।19अखनी परमेश्वर के न्याय के शासन अईसे कर के हे: ऊ जे ज्योति हथन ऊ संसार में प्रवेश करलन, बाकि लोगवन ओकर बजाय बुराई से एहिगुने प्रेम करलन काहेकि ओखनी गलत काम करलन हे।20ओखनी अंधार से एहिगुने प्रेम कर हथन काहेकि सभे ऊ अादमी जे लगातार गलत काम करते रहलन हे ओखनी से घिन मानऽ हथन जे ज्योति हथन आउर कहियो भी उनका बिजुन नऽ अईतन। ओखनी ज्योति से बचऽ हथन जेकरा से कि ज्योति ऊ कामवन के उजागर नऽ कर दे जे ओखनी करऽ हथन।21बाकि ऊ आदमी जे लगातार सच्चा कामवन के करते रहऽ हथन उनका बिजुन आवऽ हथन जे ज्योति हथन जेकरा से कि ज्योति सभे के ऊ देखईतन जे ऊ करऽ हथन आउर जेकरा से कि सभे लोग जानऽ लेतन कि ऊ कामवन करे लागी परमेश्वर ओखनी के मदत कर रहलन हल।”22ऊ बात के घटला के बाद, यीशु आउर उनकर चेलवन यहूदिया देश में प्रवेश करलन। ऊ अपन चेलवन के साथ कुछ समय रुकल रहलन आउर बड़ी सा लोगवन के बपतिस्मा देलन।23यूहन्ना बपतिस्मा देवेवाला भी आदमियन के एनोन नगर भीर बपतिस्मा दे रहलन हल, जे सामरिया प्रान्त के शालेम नगर के नजदीक बसल हल। ऊ ऊहाँ लोगवन के एहिगुने बपतिस्मा दे रहलन हल काहेकि ऊहाँ ऊ जगह पर ढेर पानी हल, आउर बपतिस्मा लेवे ला लोग यूहन्ना के भीर आ रहलन हल।24यूहन्ना अईसन येहिगुने कर पईलन काहेकि यूहन्ना के दुश्मन अखनी ला उनका जेलखाना में नऽ डाललन हल।25फिनो यूहन्ना के कुछ चेलवन एगो यहूदी आदमी के साथ यहूदियन के धरम के शुद्धिकरण के नियम के बारे में बहस करे लगलन।26यूहन्ना के कुछ चेलवन जे बहस कर रहलन हल ओखनी यूहन्ना भीर अईलन आउर कहलन, “हे गुरु, ऊहाँ एगो आदमी हल जे तोरा साथ ऊ समय हलन जखनी तूँ यरदन नदी के दोसरका पट्टी बपतिस्मा दे रहलऽ हल। तूँ गवाही देलऽ हल कि ऊ के हलन। देखऽ अखनी ओहू लोगवन के बपतिस्मा दे रहलन हे, आउर बड़ी सा लोग निकस के उनका भीर जा रहलन हे!”27यूहन्ना जबाब देलन, “कोई भी तब ला कुछ भी पा नऽ सकलन हे जबले कि स्वर्ग से उनका नऽ देतन।28जरुर तूँ हमर ई कहे के गवाह हऽ कि हम मसीह नऽ ही, बाकि हम ऊ ही जेकरा परमेश्वर मसीह के आगे भेजलन हे। 29कनिया तऽ दूल्हा के ही होवऽ हे। हम दूल्हा के दोस्त के जईसन ही। हम खड़ा होके उनकर सुनऽ ही आउर हम बड़ी खुश ही काहेकि हम दुल्हा के बोली सुनऽ ही। येहिगुने काहेकि कनिया दुल्हा भीर जा रहल हे, हम बड़ी खुश ही।30यीशु के, जे दुल्हा हथन, बड़ी बरियार बने ला हे, आउर हमरा, जे दुल्हा के दोष ही, कम बरियार बने ला हे।31यीशु स्वर्ग से अईलन हे, आउर ऊ सभे अादमी आउर सभे चीज से बढ़ के हथन। हमरा जईसन जे धरती के ही ऊ खाली कोई अईसन अादमी के सिकुड़ल नजरिया के साथे बोल सकलन हे जे धरती के हथन। जे स्वर्ग से अईलन हे ऊ धरती पर के सभे अादमी आउर सभे चीज से बढ़ के हथन।32यीशु लोगवन के ऊ बात के बारे में बतावऽ हथन जे ऊ स्वर्ग में देखलन आउर सुनलन, बाकि जे ऊ गवाही दे हथन आउर कोई उनकर गवाही के थोड़ा-बड़ी लोग ही अपनावऽ हथन।33जबकि जे यीशु गवाही दे हथन ओकरा पर जे कोई भी कबूल करऽ हे ऊ ई छाप लगा दे हे कि परमेश्वर सच्चा हथन।34अईसन येहिगुने हे काहेकि ई यीशु जिनका परमेश्वर भेजलन हे परमेश्वर के वचन बोलऽ हथन। हम जानऽ ही कि ऊ परमेश्वर के बात के बोलऽ हथन काहेकि सचमुच में परमेश्वर ओकरा अपन आत्मा अथाह रूप से दे हथन।35परमेश्वर पिता बेटा से प्रेम करऽ हथन आउर उनका सभे चिजवन पर अधिकार देलन हे।36जे कोई भी परमेश्वर के बेटा पर विश्वास करऽ हथन ऊ उनका साथ स्वर्ग में हमेशा जिन्दा रहतन। जे कोई परमेश्वर के बेटा के आज्ञा के नऽ मानऽ हे ओकरा कहियो भी अनन्त जिनगी नऽ मिलतक। बजाय एकर, परमेश्वर ओकर पर हमेशा गोस्साल रहतन।”
Bridge Connectivity Solutions Pvt. Ltd.