John17
1जखनी यीशु अपन चेलवन के ई बात के बारे में बतईलन जे घटित होत, तऽ ऊ ऊपर स्वर्ग दने देखलन आउर प्रार्थना करलन, “हे पिता, अखनी ऊ घड़ी आ गेल हे कि हम दुःख उठायेम आउर मर जायेम। सभे कोई पर परकट करऽ कि हम, माने कि तोर बेटा, केतना महान ही कि हमहूँ सभे लोगवन पर परकट करम कि तूँ केतना महान हऽ।2कृपा कर के अईसन करऽ काहेकि तूँ हमरा सभे लोगवन पर अधिकार देलऽ हे ताकि हम ऊ सभे के काबिल बना सकम आउर अनन्त जिनगी दे सकम जेकरा तूँ हमरा भीर आवेला चुन लऽ हे कि सभे दिन लागी हमरा साथे स्वर्ग में हमेशा जीवित रहतन।3हमेशा जिन्दा रहे के मतलब ई हे: तोरा जाने ला हे, जे खाली एक्केगो सच्चा परमेश्वर हथन, आउर हमरा, माने कि यीशु मसीह के जाने ला, जेकरा तूँही संसार में भेजलऽ हे।4जहिया हम धरती पर हली तऽ हम सभे लोगवन के देखा देली हे कि तूँ केतना महान हऽ। हम ऊ काम के पूरा कर के अईसन करली जे तूँ हमरा करे लागी देलऽ हल।5हे पिता, ई घड़ी अपन मौजूदगी में देखावऽ कि हमर महिमा, अपन महिमा के साथे जौन तोर मौजूदगी में हमर ऊ बखत से पहिले हल जहिया हम संसार के बनईली हल।6हम तोर नाम ऊ आदमियन पर परकट करली जिनका तूँ जगत में से हमरा देलऽ। ऊ तोर हलन, आउर तूँ हमरा दे देलऽ, आउर ऊ तोर वचन के पालन करलन।7ई घड़ी ऊ जानऽ हथन कि जे कुछ तूँ हमरा देलऽ हे ऊ तोरे तरफ से अईलक हे।8काहेकि जौन वचन तूँ हमरा देलऽ हल, ऊ हम उनका देली हे, आउर ओखनी उनका स्वीकार करलन, आउर सच में जान लेलऽ, कि हम तोरा दने से अईली, आउर ओखनी विश्वास करलन कि, कि तूँ हमरा भेजलऽ हे।9हम उनका लागी विनती कर रहली हे। हम ऊ लोगवन लागी विनती नऽ कर रहली हे जे संसार में तोर विरोध करऽ हथन। एकरे चलते, हम ऊ लोगवन लागी विनती कर रहली हे जेकरा तूँ हमरा देलऽ हे, काहेकि ऊ तोरे हथन।10सभे चेला जौन हमर हथन ऊ तोर हथन, आउर सभे चेला जौन तोर हथन ऊ हमर हथन। ऊ सभे लोगवन के देखावऽ हथन कि हम केतना महान ही।11अखनी हम ई पापी संसार में आउर नऽ रहम। बाकि, हमर चेलवन एकरा में रहतन। हम जल्दिये तोरा भीर लौट जायेम। हे हमर पवित्र पिता, जौन अलग करल गेलन हे, ओखनी के अपन ओही शक्ति आउर हमर नाम से सुरक्षा से रखऽ जे तूँ हमरा देलऽ हल, ताकि ओहू ओईसहीं जुड़ल रहतन जईसे हम जुड़ल ही।12ऊ बखत के दौरान जहिया हम उनका जौरे हली, हम उनकर नाम से तोरा सुरक्षा से रखली जौन तूँ हमरा देलऽ हल। हम उनकर रखवाली करली, आउर उनका में से खाली एक्केगो गो अनन्तकाल लागी खतम हो जायेत। ओही हे जेकरा तूँ हमेशा लागी खतम होवे ला ठहरईलऽ हे ताकि पवित्रशास्त्र के बात पूरा हो जाय। 13ई घड़ी हम तोरा भीर आवे वाला ही। हम ई पापी संसार में ही तऽ हम ई बात के कहली ताकि हम उनका अपन पूरा खुशी दे सकम।14हम ओखनी के तोहर उपदेश सिखा देली हे। ओईसहीं जौन लोग संसार में तोर विरोध करऽ हथन ओखनी उनका से दुश्मनी करलन हे काहेकि हमरा जईसन, ओहू ओखनी में से नऽ हथन जे तोर विरोध करऽ हथन।15हम ई विनती नऽ कर रहली हे कि तूँ हमर चेलवन के ई पापी संसार में से निकास लऽ। एकर चलते, हम ई विनती कर रहली हे कि तूँ उनका ऊ दुष्ट, शैतान से नुकसान होवे से बचा के रखऽ। 16हमरे जईसन, ओहू ऊ लोगवन में से नऽ हथन जे संसार में तोर विरोध करऽ हथन।17जौन सच हे ओकरा जानतन आउर ओकरे जईसन जिनगी बितावे के लायक बना के तोर सेवा करे लागी हमर चेलवन के पवित्र करऽ। तोर उपदेश ओही हे जे सच हे।18हम उनका संसार के लोगवन के बीच में ओईसहीं भेज रहली हे जईसे तूँ हमरा ओखनी के बीच में भेजलऽ हल।19हम अपने आप के उनका तरफ से बलिदान के रूप में न्योछावर करऽ ही ताकि जौन सच हे ओकरा जानतन आउर ओकर मुताबिक जिनगी बिता के ओहू तोर सेवा करे लागी अपने आप के अलग करतन।”20अखनी ईहाँ हम खाली ई चेलवन लागी ही विनती नऽ कर रहली हे, बाकि हम ऊ लोगवन लागी भी विनती कर रहली हे जे हमरा पर उनकर जरिये से विश्वास करतन जे हमर चेलवन बोलऽ हथन।21हम प्रार्थना करऽ ही कि ऊ सभे ओईसहीं जुड़ जईतन जईसे तूँ, हमर पिता, आउर हम पूरा तरह जुड़ल ही। हम प्रार्थना कर रहली हे कि ओहू हमरा से जुड़ जईतन ताकि संसार के लोगवन विश्वास कर लेतन कि तूँ हमरा ईहाँ पेठईलऽ हे।22जईसे तूँ हमरा महिमा करलऽ हे ओईसहीं हमहूँ ऊ लोगवन के महिमा करली हे जे हमरा पर विश्वास करऽ हथन, जेकरा से कि ऊ ओईसहीं जुड़ जईतन जईसे हम जुड़ल ही।23एकर मतलब हे कि हम उनका से जुड़ल ही, आउर तूँ हमरा से जुड़ल हऽ। हम अईसन येहिगुने करली हे ताकि ऊ पूरा तरह एक साथे जुड़ जईतन जेकरा से कि संसार के लोगवन जानऽ लेतन कि तूँ ईहाँ हमरा पेठईलऽ हे आउर ई कि जईसे तूँ हमरा से प्रेम करऽ हऽ ओईसहीं तूँ ऊ लोगवनो से प्रेम करऽ हऽ जे हमरा पर विश्वास करऽ हे।24“हे हमर पिता, हम चाहऽ ही कि ई लोग जेकरा तूँ हमरा देलऽ हे हमरा जौरे ऊहाँ रहतन जहाँ हम स्वर्ग में रहम ताकि ऊ देख सकतन कि हम केतना महिमा से भरल ही। तूँ हमरा महिमा से भरल येहिगुने बनईलऽ हे काहेकि तूँ हमरा से ऊ घड़ी से पहिलहीं प्रेम करलऽ हल जहिया हम संसार के बनईली हल। 25हे हमर धर्मी पिता, तूँ हमेशा ओही करऽ हऽ जे अच्छा हे, ई लोग जे संसार में तोर विरोध करऽ हथन जानऽ नऽ हथन कि तूँ कौन हऽ, बाकि हम जानऽ ही कि तूँ कौन हऽ। ई लोग जे हमरा पर विश्वास करऽ हथन जानऽ हथन कि तूँ हमरा ईहाँ पेठईलऽ हे26आउर हम तोर नाम उनका बता देली हे कि तूँ कौन हऽ। हम अईसहीं करते रहम ताकि ऊ दोसरा से ओईसहीं प्रेम करतन जईसे तूँ हमरा से प्रेम करऽ हऽ आउर जेकरा से कि हम ओकरा जौरे जुड़ जायेम।”
Bridge Connectivity Solutions Pvt. Ltd.