John16
1हम तोरा से ई बात के बारे में बता देली हे जे घटित होवे वाला हे ताकि जहिया ऊ होत तऽ तूँ हमरा पर विश्वास करते रहऽ।2जे यहूदी हमर विरोध करऽ हथन ऊ दुश्मन यहूदी आराधनालय से निकास देतन। तईयो एकरो से भी बुरा कुछो घटित होत। ऊ घड़ी आ रहल हे जखनी जे तोरा जानऽ से मारतन ऊ सभे लोग सोचतन कि अईसन सेवा कर के ऊ परमेश्वर के खुश कर रहलन हे।3ऊ अईसन काम के येहिगुने करतन काहेकि ओखनी कहियो नऽ जानलन कि हम सचमुच में कौन ही, आउर नऽ ई कि हमर पिता कौन हथन।4हम तोरा ई बात के बारे में बता देली जे होवे वाला हे ताकि जहिया ऊ होत, तऽ तूँ याद करवऽ कि हम तोरा बता देली हल कि ऊ होवे वाला हे। हम तोरा एकर बारे में ऊ शुरुआती दिन में नऽ बतईली जहिया अपन काम के शुरु करली हल, काहेकि जहिया हम तोरा जौरहीं हली।5“अब हम अपन पिता भीर जा रहली हे जे हमरा भेजलन हे। तईयो अखनी तोहनी में से कोई भी हमरा से पूछ नऽ रहल हे कि हम कहाँ जा रहली हे!6तूँ अपन मन में बड़ी उदास येहिगुने हऽ काहेकि हम तोरा ई बात बता देली हे।7तईयो, अखनी हम तोरा सच्चा जानकारी बतावऽ ही: तोरा लागी ई बढ़ियाँ हे कि हम चल जायेम ओकर तुलना में कि हम रुकल रहम। ई येहिगुने सच हे काहेकि जदि हम नऽ जायेम, तऽ ऊ तोरा भीर नऽ अईतन जौन तोरा मदत करतन। बाकि, जदि हम चल जायेम, तऽ हम ओकरा तोरा भीर भेज देम।8जखनी पवित्र आत्मा अईतन जे मदत करतन, तऽ ऊ संसार में रहे वाला लोगवन के ऊ पाप के बारे में जे ओखनी करलन हे, गुनाहगार ठहरईतन। धर्मी नऽ होवे के बारे में ऊ ओखनी के गुनाहगार ठहरईतन, आउर ऊ उनका गुनाहगार ठहरईतन ताकि परमेश्वर उनकर न्याय करतन।9उनकर पापवन के बारे में सांसारिक लोगवन के येहिगुने गुनाहगार ठहरईतन, काहेकि ओखनी हमरा पर विश्वास नऽ कर के पाप करलन।10धर्मी नऽ होवे के बारे में ऊ लोगवन के येहिगुने गुनाहगार ठहरईतन, काहेकि कि हम अपन पिता भीर वापस जा रहली हे, आउर ऊ उदाहरण के रूप में कि धर्मी कईसे बने ला हे तूँ हमरा फिन देख नऽ पईवऽ।11ऊ लोगवन के दोषी ठहरईतन कि परमेश्वर उनकर न्याय करतन, काहेकि ऊ शैतान के, जे ई संसार पर शासक बनल हे, सजा देलन हे। 12हम तोरा आउर बड़ी सा बात बतावे ला चाहऽ ही। बाकि, जदि हम तोरा अखनी बतायेम, तऽ तूँ ओकरा ग्रहण नऽ कर पईवऽ।13जखनी पवित्र आत्मा अईतन, जे ऊ बात के ऐलान करऽ हथन जौन परमेश्वर के बारे में सच हे, तऽ ऊ तोरा ऊ सभे सच समझे में मदत करतन जेकरा जाने के तोरा जरुरत हे। ऊ अईसन येहिगुने कर सकलन हे काहेकि ऊ अपन हक से नऽ बोलतन। बजाय एकर, ऊ ओही बोलतन जौन ऊ परमेश्वर के तरफ से सुनतन, आउर ऊ तोरा समय से पहिलहीं ऊ बात के बारे में बता देतन जौन घटित होवे वाला हे।14पवित्रात्मा जौन हमरा से सुनलन तोरा ओही बता के ऊ देखईतन कि हम केतना महान ही।15जे कुछो हमर पिता भीर हे ऊ हमर हे। एही चलते हम कहली कि पवित्र आत्मा तोरा ऊ बतईतन जे ऊ हमरा से सुनलन हे।16थोड़ा देर के बाद तूँ हमरा नऽ देखवऽ, आउर तनिसा देर के बाद, तूँ हमरा फिनो से देखवऽ”17तऽ उनकर कुछ चेलवन एक-दोसर से पूछलन, “यीशु के कहे के का मतलब हे जखनी ऊ हमरा से कहऽ हथन कि ‘थोड़ा समय के बाद तूँ हमरा नऽ देखवऽ, आउर थोड़ा समय के बाद, तूँ हमरा फिन से देखवऽ’? आउर उनकर कहे के का मतलब हे जखनी ऊ कहऽ हथन कि, काहेकि हम अपन पिता भीर फिन से वापस जा रहली हे?”18येहिगुने ओखनी पूछतहीं रहलन कि “‘थोड़ा समय के बाद’ के का माने कि हे? हमनी के समझ में नऽ आ रहल हे कि ऊ का कह रहलन हे।”19यीशु जानऽ गेलन कि उनकर चेलवन उनका से आउर सवाल पूछेला चाहऽ हथन। येहिगुने ऊ उनका से कहलन, “तूँ एक-दोसर से पूछ रहल हे कि हमर कहे के कौची मतलब हल जखनी हम कहली कि थोड़ा समय के बाद तूँ हमरा नऽ देखवऽ, आउर थोड़ा समय के बाद, तूँ हमरा फिन से देखवऽ।”20हम तोरा से सच कह रहली हे: तूँ रोबऽ आउर कपसबऽ, बाकि जौन लोग संसार में परमेश्वर के विरोध करऽ हथन ऊ आनन्द मनईतन। तूँ बड़ी जादे फिकिर में रहवऽ, बाकि तोर फिकिर खुशी में बदल जायेत।21एगो औरत ऊ घड़ी दरद के महसूस करऽ हथन जखनी ऊ एगो बच्चा के जनम देवऽ हथन काहेकि ई उनका लागी जनम देवे के बखत हे। तईयो ऊ लईका के जनम देला के बाद भूला जा हथन कि ऊ दुःख सहलन, काहेकि ऊ ई बात के बारे में खुश हे कि ऊ एगो अादमी के दुनियाँ में ले अईलन हे। 22अईसहीं, जबकि तूँ ई घड़ी अपन मन में उदास हऽ, हम तोरा से फिनो मिलम, आउर तूँ खुशी मनईवऽ, आउर कोई भी तोरा खुशी मनावे से रोकतन नऽ।23जखनी तूँ हमरा से फिन से मिलवऽ, तऽ तूँ हमरा से कुछो नऽ पूछवऽ। हम तोरा से सच कह रहली हे: हमर प्रतिनिधियन के रूप में तूँ जे कुछो उनका से माँगवऽ हमर पिता तोरा हमर नाम से देतन।24अखनी ला तूँ हमर प्रतिनिधियन के रूप में हमर नाम से पिता से कुछो नऽ माँगलऽ हे। हमर पिता से कुछो माँगऽ आउर तूँ कुछो माँगवऽ ऊ मिलतो। परमेश्वर तोरा ऊ देतन ताकि तूँ बड़ी जादे खुशी पा जईवऽ25हम तोरा से ई बात के बुझौअल वाला भाषा के इस्तेमाल कर के कहली, बाकि जल्दिये अईसन समय आवत जखनी हम तोरा से बात करे लागी फिन से अईसन भाषा के इस्तेमाल नऽ करम। एकर चलते, हम अईसन भाषा के इस्तेमाल कर के तोरा अपन पिता के बारे में बतायेम जेकरा से तूँ असानी से समझ सकवऽ।26जखनी तूँ हमरा से फिन से मिलवऽ, तऽ तूँ हमर प्रतिनिधियन के रूप में हमर नाम से परमेश्वर से कुछो माँगवऽ, आउर हमरा हमर पिता से तोरा तरफ से माँगे नऽ पड़त।27काहेकि हमर पिता खुद हीं तोरा से प्रेम करऽ हथन काहेकि तूँ हमरा से प्रेम करऽ हऽ आउर विश्वास करऽ हऽ कि हम परमेश्वर के तरफ से अईली हे।28हम अपन पिता परमेश्वर के तरफ से अईली हे आउर ई दुनियाँ में घूँसली हे। हम तोरा फिन से बतावऽ रहली हे कि हम दुनियाँ के छोड़ देम आउर अपन पिता भीर फिन चल जायेम।29उनकर चेलवन जबाब देलन, “आखिरकार! अखनी तूँ ऊ भाषा के इस्तेमाल कर रहलऽ हे जेकरा हम असानी से समझ सकली हे आउर दृष्टान्त वाला भाषा के नऽ।30हम अखनी समझ गेली हे कि तूँ सभे कुछ जानऽ हऽ। कोई के तोरा से सवाल पूछे के जरुरत नऽ हे काहेकि तूँ पहिलहीं जानऽ हऽ कि ऊ अादमी कौची पूछतन। एही चलते हम विश्वास करऽ ही कि तूँ परमेश्वर के तरफ से ईहाँ अईलऽ हे”31यीशु उनका से उत्तर देलन, “आखिरकार अखनी तूँ हमरा पर विश्वास करऽ हऽ!32धियान दऽ! जल्दिये अईसन समय आवत, आउर ऊ समय बड़ी जल्दिये आवत, जखनी दोसरा लोग तोरा सभे जगह में छितरा देतन। बाकि हम अकेले येहिगुने नऽ रहम, काहेकि हम सच में अकेले नऽ ही हमर पिता हमेशा हमर साथे रहऽ हथन।33हम तोरा ई बात बता देली जौन होवे वाला हे ताकि तूँ येहिगुने शान्ति से भरल महसूस करवऽ काहेकि तूँ हमर साथे जुड़ल हऽ। ई संसार में तोरा दुःख देवल जायेत, बाकि हिम्मत रखऽ! हम संसार के सभे शक्ति के हरा देली हे जौन संसार में परमेश्वर के विरोध करऽ हे!”
Bridge Connectivity Solutions Pvt. Ltd.