John14
1अपन मन में “दुःखी मत होवऽ, परमेश्वर पर भरोसा रखऽ। हमरो पर विश्वास रखऽ।2जहाँ हमर पिता रहऽ हथन ऊहाँ लोग के रहे लागी बड़ी सा जगह हे। जदि ई सच नऽ रहत हल, तऽ हम तोरा बता देती हल, काहेकि हम ऊहाँ तोहनी के रहे लागी घर बनावे ला जायेम।3आउर जखनी हम ऊहाँ तोहनी के रहे लागी जगह बनावे लागी जा ही, तऽ हम फिन आके हमरा जौरे रहे लागी तोरो ले चलम, ताकि जहाँ हम ही ऊहाँ तोहूँ हमरा जौरे रहऽ।4जहाँ हम जा रहली हे तूँ जानऽ हऽ कि ऊ जगह में कईसे जायला हे।”5थोमा उनका से कहलन, “हे प्रभु, हमरा नऽ पता हे कि तूँ कहाँ जा रहल हे! हम हो सकऽ हे: कि नऽ जानऽ ही कि ऊहाँ कईसे जायला हे!”6यीशु उनका से कहलन, “हमहीं ही जेकरा से लोग ऊहाँ जा सकलन हे। ऊ हमहीं ही जे बतावऽ ही कि परमेश्वर के बारे में सच कौची हे, आउर ऊ जे लोगवन के अनन्त जिनगी दे हथन। हमरा पर भरोसा करे ला ही खाली एगो राह हे जेकरा से लोगवन हमर पिता भीर आ सकलन हे।7येहिगुने तूँ जानऽ हऽ कि हम कौन ही, येहिगुने तूँ हमर पिता के भी जानऽ हऽ। ई घड़ी के बाद से, तूँ उनका जानऽ हऽ, आउर अईसन लगऽ हे कि तूँ उनखो देखहूँ लेलऽ हे।”8फिलिप्पुस यीशु से कहलन, “प्रभु, हमरा पिता के देखा दऽ आउर उनका से हमरा संतोष मिलत!”9यीशु उनका से कहलन, “हम एतना दिन से तोहनी के जौरे ही। तऽ हे फिलिप्पुस, जरुर तूँ हमरा जानऽ हऽ! जौन हमरा देखलन हे ऊ, ऊ लोगवन के जईसन हथन जे हमर पिता के देखलन हे। येहिगुने तोरा भीर ई कहेला कोई वजह नऽ हे कि ‘हमरा पिता के देखा दऽ’!10तोरा सच में ई विश्वास कर लेवे के चाही कि हम आउर हमर पिता एकदम पूरा से जुड़ल ही! जे कुछ हम तोरा से कहली ऊ सभे हम अपन तरफ से नऽ कहली। एकर अलावे, हमर पिता जे हमरा जौरे जुटल हथन ऊ अपन चमत्कारी काम के हमरा जरिये से करऽ हथन।11जखनी हम कह ही कि हम आउर हमर पिता एकदम से जुड़ल ही तऽ हमरा पर विश्वास करऽ! नऽ तऽ, जौन हम कह ही जदि तूँ उनका पर विश्वास नऽ कर रहल हे, तऽ कम से कम ऊ सभे चमत्कारी काम के बारे में ही हमरा पर विश्वास करऽ जेकरा तोहनी हमरा करते देख लऽ हल।12हम तोरा से सच कह रहली हे: जे कोई हमरा पर विश्वास करऽ हथन ओहू ऊ चमत्कारी काम के करतन जेकरा हम करऽ ही। ईहाँ ला कि ऊ ओकरा से भी बढ़ के चमत्कारी काम के करतन जेकरा हम करऽ ही, काहेकि हम अपन पिता भीर जा रहली हे।13हमर अगुवाई के रूप में तूँ जे कुछ तूँ हमर नाम से माँगवऽ हम ओकरा करम। हम ओकरा येहिगुने करम ताकि हम, उनकर बेटा, ई देखायेम कि हमर पिता केतना महान हथन।14जदि तूँ हमर नाम से अगुवाई के रूप में हमरा से तूँ जे कुछ निवेदन करवऽ हम ओकरा करम।15जदि तूँ हमरा से सच में प्रेम करऽ हऽ, तऽ तूँ ऊ सभे बात के मानवऽ जेकर हम तोरा आज्ञा देली हे।16तऽ हम अपन पिता से विनती करम, आउर ऊ हमरा जबाब देतन कि तोरा मदत करेलागी तोरा एगो आउर मदत करे वाला देतन ताकि ऊ तोरा जौरे हमेशा लागी रहतन।17ऊ पवित्र आत्मा हे जे ऊ बात के ऐलान करऽ हथन जे परमेश्वर के बारे में सच हे। संसार में रहे वाला अविश्वासी लोग ओकरा अपना नऽ सकलन हे, काहेकि ओखनी नऽ उनका देखलन हे आउर नऽ उनका जानऽ हथन। तूँ जे चेला हऽ ऊ आत्मा के येहिगुने जानऽ हऽ काहेकि ऊ तोरा जौरे रहऽ हथन, आउर बाद में ऊ तोरा भीतरे रहतन।18हम तोरा देख-रेख करेलागी कोई के बेगर तोरा नऽ छोड़म। हम जल्दिये तोरा भीर घूर के आ जायेम।19तनिसा देर में संसार के अविश्वासी लोगवन फिन हमरा नऽ देखतन, बाकि तोहनी खुद हीं हमरा फिनो से देखवऽ। काहेकि हम जल्दिये फिन से जिन्दा हो जायेम, आउर तोहूँ फिनो से जिन्दा हो जईवऽ।20जखनी तूँ फिन से हमरा देखवऽ, तऽ जानऽ लेवऽ कि हम अपन पिता जौरे जुड़ल ही आउर ई कि तूँ आउर हमहूँ पूरा तरह से जुड़ल ही।21जौन आज्ञा हम दे ही जे कोई भी ओकरा जानऽ आउर ओकर पालन करऽ हथन ऊ हमरा से सच में प्रेम करऽ हथन। आउर जे कोई हमरा से प्रेम करऽ हथन हमर पिता ओकरा से प्रेम करऽ हथन। आउर हमहूँ ऊ अादमी से प्रेम करम, आउर हम अपने आप के ऊ अादमी पर परकट करम।”22यहूदा जे इस्करियोती नऽ हलन, बाकि ओही नाम के दोसरा चेला हलन यीशु से कहलन। ऊ कहलन, “हे प्रभु, अईसन कौची बदल गेल हे जेकरा चलते तूँ अपने आप के खाली हमनी पर परकट करऽ हऽ आउर संसार में रहे वाला सभे लोगवन पर नऽ?”23यीशु उनका जबाब देलन, “जे कोई हमरा से प्रेम करऽ हथन ऊ हमर बात के मानतन। हमर पिता भी ऊ अादमी से प्रेम करतन। ऊ आउर हम ऊ अादमी भीर जायेम आउर ऊ अादमी के भीतरे रहम।24जे कोई हमरा से प्रेम नऽ करऽ हथन ऊ हमर बात के भी नऽ मानतन। जे तूँ हमरा अखनी कहते सुनलऽ ऊ हम अपन तरफ से नऽ कहऽ ही। येहिगुने, जे हम कहली ऊ हमर पिता के तरफ से अईलक हे, जे हमरा भेजलन हे।25हम ई बात तोरा से तखनी कहली जबकि हम अखनी तोहनी के साथे ही।26बाकि हमर पिता हमर जगह में पवित्र आत्मा के नाम से भेजतन। ओही हे जे तोहनी के मदत करतन। ऊ तोरा परमेश्वर के सभे सच जेकरा तोरा जाने के जरुरत हे सिखईतन। ऊ तोरा ऊ सभे बात के याद देलावे लागी प्रेरित करतन जे हम तोरा से कहली हल।27जखनी हम तोरा छोड़ के जा रहली हे तऽ हम तोरा शान्ति से भरल मन में एहसास करवायेम। ई हमर शान्ति से भरल एहसास हे जे हम तोरा दे रहली हे। संसार के लोगवन से अलग तरीका से हम तोरा एगो शान्ति से भरल एहसास दे रहली हे। दुःखी नऽ होवऽ चाहे डेरा मत।28तूँ हमरा तोरा से कहते सुनलऽ कि हम जा रहली हे आउर बाद में तोरा भीर वापस फिन से आयेम। जदि तूँ हमरा से सच में प्रेम करऽ हऽ, तऽ तूँ खुशी होवऽ कि हम स्वर्ग में विराजमान अपन पिता भीर जा रहली हे, काहेकि ऊ हमरा से महान हथन।29ई बात के होला से पहिलहीं हम ई बात तोरा बता देली हे जेकरा से कि जखनी ऊ होत तऽ तूँ हमरा पर विश्वास कईले रहवऽ।30हम तोरा से जादे देर ला बात करे में जोग नऽ रहम, काहेकि शैतान, जे ई संसार पर के शासक हे, ऊ आ रहलक हे। बाकि ओकर हमरा पर के चारा नऽ चलत। 31बाकि ई येहिगुने होत कि संसार के लोगवन जानऽ लेतन कि हम अपन पिता से प्रेम रखऽ ही, आउर ठीक ओईसहीं करम जईसन हमर पिता हमरा करे के आज्ञा देलन हे। उठऽ, आवऽ हमनी ई जगह के छोड़ देम।”
Bridge Connectivity Solutions Pvt. Ltd.