John12
1यहूदी लोग के फसह के परव शुरु होवे से छौ दिन पहिलहीं यीशु बैतनिय्याह गाँव में पहुँच गेलन। बैतनिय्याह ओही गाँव हल जहाँ पर लाजर रहऽ हलन। ऊ ओही अादमी हलन जिनका यीशु उनका मर जाय के बाद फिन से जिन्दा कर देलन हल।2ऊहाँ बैतनिय्याह में, यीशु के कुछ दोष लोग के यीशु के सेवा में रात्रिभोज देलन। मार्था मेहमान लोग के खाना परसलन, आउर लाजर ऊ लोगवन में से एगो हलन जौन जौरे बईठल हलन आउर यीशु के जौरे खईते हलन।3फिन मरियम एगो शीशी ले अईलन जेकरा में अंदाज से आधा लीटर बड़ी कीमती इत्र भरल हलक, जे जटामांसी के पेड़ से निकासल गेल शुद्ध तेल हल, आउर ऊ ओकरा यीशु के गोड़ पर उझल के अभिषेक करलन आउर फिन अपन मुकदमा से उनकर गोड़ के पोछलन। ऊ इत्र के मनमोहक सुगन्ध पूरा घर के भर देलक।4जबकि, यहूदा इस्करियोती विरोध करलक ऊ यीशु के चेलवन में से एगो हलन जे जल्दीये यीशु के कैदी बनावे में यहूदी अगुवन के मदत करतन। ऊ कहलक,5“हमनी के ई इत्र के ओतना रुपईया में बेच देवे ला चाहऽ हल जेकरा कोई आदमी 300 दीनार काम कर के कमा सकलन हे। फिन हम ऊ धन के गरीब लोग के दे सकली हल!” 6यहूदा ई लागी नऽ कहलक कि ओकरा गरीब लोग के बारे में फिकिर हल। बाकि, ऊ अईसन येहिगुने कहलक काहेकि ऊ चोर हल। ऊ, ऊ झोली के देख-रेख करऽ हल जेकरा में उनकर धन रहऽ हल, बाकि ऊ, ऊ धन के चोरा ले हल जौन लोग ओकरा झोली में रखे लागी देलन हल।7येहिगुने यीशु कहलन, “उनका अकेले छोड़ दऽ! ऊ इत्र के एही ला संजोग के रखलन हे ताकि ऊ हमरा ऊ घड़ी लागी तईयार कर सकतन जखनी हम मरम आउर गाड़ल जायेम।8ऊ ठीक काम करलन हे काहेकि गरीब लोग तोहनी के बीच में सभे दिन रहतन जिनका तूँ मदत कर सकऽ हऽ बाकि हम तोरा जौरे जादे दिन ला नऽ रह सकम।” 9जखनी यहूदियन के एगो बड़ी भीर सुनलन कि यीशु बैतनिय्याह में हलन, येहिगुने ऊ ऊहाँ गेलन। ऊ नऽ खाली ई लागी अईलन काहेकि यीशु ऊहाँ हलन, बाकि ई लागी भी काहेकि ऊ लाजर के देखे ला चाहऽ हलन। ऊ ओही अादमी हलन जिनका यीशु उनका मर जाय के बाद फिन से जिन्दा कर देलन हल।10एकर उल्टा, महायाजक यीशु के जौरे लाजर के भी मारे के योजना बनईलन हल।11शासन करे वाला याजक लाजर के मारे ला लागी चाहऽ हलन काहेकि जे ऊ सिखा रहलन हल ओकरा पर ढेरमनी यहूदी विश्वास नऽ करऽ हलन आउर बदले एकर ऊ यीशु पर विश्वास कर हलन आउर एकर कारण ओही हल।12अगला दिन लोगवन के बड़ी भीड़ के जे यरूशलेम में फसह के परव मनावे अईलन हल पता चलल कि यीशु भी ऊहाँ आवे लागी अपन राहे में हलन।13येहिगुने ओखनी खजूर के पेड़वन के डालियन के काट लेलन आउर जखनी ऊ शहर में अईलन तऽ उनका स्वागत करे लागी सड़क पर निकस गेलन। ओखनी चिल्ला रहलन हल, “स्तुति होवे, हमनी के बचावे लागी! प्रभु उनका आशीष देतन जे उनकर नाम के साथे आवऽ हथन। ओही इस्राएल के राजा हथन!” 14जखनी यीशु यरूशलेम के नजदीक अईलन, तऽ उनका एगो सियाना गदहा मिलल आउर ऊ चढ़ के शहर में जाय लागी ओकरा पर बईठ गेलन। अईसन कर के, ऊ, ऊ बात के पूरा करलन जे कुछ भविष्यद्वक्ता लोग पवित्रशास्त्र में लिखलन हल:15“हे सिय्योन के बेटी, मत डरऽ; देखऽ, तोर राजा गदही के बच्चा पर बईठके आ रहलन हे।”16जखनी ई बात घटित होल, तऽ उनकर चेला नऽ समझलन कि ई ऊ बात के पूरा होवे के हल जे ऊ भविष्यद्वक्ता लिखलन हल। जबकि, जखनी परमेश्वर यीशु के महिमा उनका जिनगी में फिन से ले आवे से, बाद में उनका ऊ बात याद अईलक जे भविष्यद्वक्तावन उनका बारे में लिखलन हल आउर ई कि लोगवन उनका जौरे ई बात के करलन हल। 17लोगवन के भीड़ जे यीशु के पीछे चल रहल हल ऊ दोसरा से गवाही देते रहलन कि ओखनी यीशु के लाजर के कब्र से बाहरसी आवे लागी बोलईते देखलन हल आउर उनका मरे के बाद यीशु के उनका फिन से जिन्दा करते देखलन हल।18लोग के कोई दोसरा भीड़ यीशु से मिले लागी शहर के दुआरी के बाहरसी गेलन। ओखनी अईसन एही ला करलन काहेकि ओखनी सुनलन हल कि ऊ लाजर के फिन से जिन्दा कर के चमत्कारी चिन्हासी के देखईलन हल।19येहिगुने फरीसी लोग एक-दोसरा से कहलन, “धियान दऽ! हमनी उनका रोके में असफल हो रहली हे। देखऽ! संसार उनकर चेला बन रहलन हे!”20कुछ यूनानी लोग हलन ऊ लोगवन के बीच में हलन यरूशलेम गेलन हल ताकि फसह के परव में परमेश्वर के आराधना करतन।21ऊ फिलिप्पुस भीर अईलन, जे गलील प्रान्त के बैतसैदा शहर के रहे वाला हलन, जे गलील राज में हे। ओखनी उनका से पूछलन, “हे महोदय, का तूँ हमरा यीशु से मिलवा देवऽ?”22तऽ फिलिप्पुस ई अन्द्रियास के बतईलन, आउर ऊ दूनो गेलन आउर ऊ यूनानियन के बारे में यीशु के बतईलन।23यीशु फिलिप्पुस आउर अन्द्रियास के जबाब देलन, “अखनी ई घड़ी आ गेलक हे कि परमेश्वर सभे पर परकट करतन कि हम, आदमी के बेटा, केतना महान ही।24हम तोरा से सच कह रहली हे: हमर जिनगी एगो बिच्चा के जईसन हे। जब ला गेहूँ के बिच्चा जमीन में रोपल नऽ जा हे आउर मर नऽ जा हे, ऊ खाली एगो बिच्चे रहत। बाकि जदि ऊ जमीन में मर जा हे तऽ ऊ बढ़तक आउर ढेरमनी गेहूँ पईदा करत।25जे कोई भी हमर चेला बनत आउर अपन जान के प्रिय समझ हथन ऊ मरतन, बाकि जे कोई भी ई पापी संसार में जिन्दा रहे से बढ़ के हमर चेला होवे ला चाहऽ हथन ऊ अपन जिनगी के हमेशा ला रक्षा करतन।26जे कोई हमर सेवा करे ला चाहऽ हथन उनका हमर चेला बने ला जरुरी हे। हमर सेवक हमरा जौरे स्वर्ग में रहतन। जे कोई हमर सेवा करऽ हथन हमर पिता उनकर इज्जत करतन।27ई घड़ी हमर आत्मा बड़ी बेचैनी महसूस कर रहली हे। हमरा जरुर ई नऽ कहे के चाही, ‘हे पिता, अईसन समय देखे से हमरा बचा लऽ जखनी हम दुःख झेलम आउर मर जायेम!’ नऽ, हम अईसन येहिगुने नऽ करम, काहेकि एही तऽ ऊ कारण हे जेकरा से हम ई घड़ी ला जिन्दा ही जखनी हम दुःख में रहम आउर मर जायेम।28हे पिता, देखा दऽ कि तोर नाम केतना महान हऽ!” तऽ परमेश्वर स्वर्ग से बोललन, “हम पहिलहीं देखा देली हे कि हमर नाम केतना महान हे; हम ई फिन से करम!”29लोगवन के भीड़वनो जे ऊहाँ खड़ा हलन परमेश्वर के आवाज के सुनलन। ओखनी में से कुछ लोग कहलन कि ई तऽ खाली बादल गरजे के आवाज हे। कुछ दोसरा लोगवन कहलन कि स्वर्गदूत यीशु से बात करलन हे।30यीशु उनका जबाब देलन, “जे आवाज तोहनी सुनलऽ ऊ परमेश्वर के वाणी हलक। ऊ हमर फईदा लागी नऽ, बाकि तोहनी के फईदा लागी कहलन!31अखनी ई संसार में रहे वाला लोगवन के न्याय करे ला परमेश्वर के समय आ गेल हे। अखनी ऊ घड़ी आ गेल हे जखनी ऊ शैतान के जे ई संसार पर शासक बनल हे, बाहरसी निकास देतन। 32जहाँ ला हमर बात हे, जखनी लोगवन हमरा धरती से क्रूस पर ऊपरे चढ़ईतन, तऽ हम सभे लोगवन के अपना भीर आवे लागी प्रेरित करम।” 33ऊ ई येहिगुने कहलन ताकि लोग ऊ तरीका के जानऽ लेतन जेकरा से ऊ जल्दिये मरतन।34तऽ लोगवन के भीड़ उनका जबाब देलन, “हम व्यवस्था से पता करली हे कि मसीह हमेशा तक जिन्दा रहतन। तऽ तूँ काहे कहऽ हऽ कि आदमी के बेटा क्रूस पर मरे लागी ऊपरे चढ़ावल जईतन? ई ‘अादमी के बेटा’ कौन हथन जेकर बारे में तूँ कह रहलऽ हे?” 35यीशु उनका से कहलन, “हम ऊ इंजोर ही जौन परमेश्वर के सच्चाई आउर अच्छाई के परकट करऽ हे। हम खाली तनी सा आउर समय ला तोहनी के जौरे रहम। हमर उदाहरण के जईसन जिनगी बितावऽ जबकि हम अखनी ईहाँ पर ही ताकि अंधार माने कि पाप आउर बुराई के तोरा पर हुकूम करे से रोकम। जे पापी जिनगी बितावऽ हथन ऊ, ऊ लोगवन के जईसन हथन जौन अंधार में ईहाँ-ऊहाँ भटकते रहऽ हथन, आउर जानऽ नऽ हथन कि ऊ कहाँ जा रहलन हे!36जबकि हम अखनियो तोरे जौरे ही, तऽ हमरा पर, माने कि इंजोर पर विश्वास करऽ जे परमेश्वर के सच्चाई आउर अच्छाई के परकट करऽ हे। परमेश्वर के लोग बने लागी अईसन करऽ, माने कि ऊ लोग जे उनकर सच्चाई आउर अच्छाई के जानऽ हथन।” ई बात के कहला के बाद, यीशु उनका छोड़ के चल गेलन आउर अपना के लोगवन से लुका लेलन।37भलहीं यीशु लोगवन के सामने बड़ी मनी चमत्कारी चिन्हमन के देखईलन हल, ओकरा में से बड़ी लोग उनका पर विश्वास नऽ करलन।38यशायाह भविष्यद्वक्ता जे बड़ी पहिले लिखलन हल ओकरा पूरा करे लागी उनकर अविश्वाश घट गेल: “हे प्रभु, जे हम कहली ओकरा पर कोई विश्वास नऽ करलन! अईसन लगऽ हे कि जईसे कोई भी ऊ शक्ति के नऽ देखलन जेकरा परमेश्वर परकट करलन हल!” 39ई चलते ऊ यीशु पर ऊ विश्वास नऽ कर पईलन: यशायाह एहु लिखलन हल,40“जे ऊ देखऽ हथन प्रभु उनका ओकरा मन में समझे ला जोग कर देलन, आउर ऊ उनका हठीला बना देलन, ऊ अईसन येहिगुने करलन हे ताकि जे ऊ देखऽ हथन ऊ ओकरा नऽ समझतन, आउर सच में समझ नऽ सकलन, आउर पाप से परमेश्वर दने घूम जईतन, आउर हम उनका मांफ नऽ कर दे।” 41यशायाह बड़ी पहिले ई येहिगुने लिखलन, काहेकि ऊ देखलन हल कि यीशु महिमा केतना महान हे आउर उनकर बारे में कहलन।42बाकि ई सच हलक, येहिगुने यहूदी शासक शासन करे वाला सभा के केतना सदस्यवन यीशु पर विश्वास करलन। तईयो, ओखनी दोसरा के ई नऽ बतईलन कि ओखनी यीशु पर विश्वास करलन, काहेकि उनका डर हल कि फरीसी उनका यहूदी आराधनालय में जाय से मना कर देतन।43काहेकि उनका परमेश्वर के महिमा से बढ़ के आदमी के महिमा प्रिय हल।44यीशु लोगवन के भीड़ से जोर से कहलन, “जे हमरा पर विश्वास करऽ हथन ऊ नऽ खाली हमरा पर विश्वास करऽ हथन बाकि हमर पिता पर भी विश्वास करऽ हथन जे हमरा भेजलन हे।45जे हमरा देखऽ हथन ऊ हमर पिता के भी जे हमरा भेजलन, देखऽ हथन।46हम ई संसार में इंजोर के रूप में अईली हल जे संसार में रहे वाला सभे लोगवन पर परमेश्वर के सच्चाई आउर अच्छाई के परकट करऽ हथन ताकि जे कोई हमरा पर विश्वास करऽ हथन ऊ, ऊ अंधार में नऽ रहतन जे कि पाप आउर बुराई हे।47हम कोई अईसन आदमी के दोषी नऽ ठहरावऽ ही जे हमर शिक्षा के सुनऽ हथन, बाकि हमर बात माने से मना कर हथन, काहेकि हम ई संसार में एहिगुने नऽ अईली कि ई संसार में रहे वाला सभे लोगवन के दोषी ठहरायेम बदले एकर, हम ई संसार में येहिगुने अईली हे जेकरा से उनका उनकर पापवन के सजा मिले से बचा सकम।48जे कोई हमरा सकार नऽ करतन आउर हमर उपदेश के नऽ मानतन आउर ओकरा पालन नऽ करतन उनका ओही उपदेश के मुताबिक दोषी करार देवल जईतन जे वचन हम बतईली हे। अंतिम दिन में जहिया परमेश्वर सभे के न्याय करतन, तऽ परमेश्वर हमर बात के आधार पर ऊ अादमी के न्याय करतन।49अईसन येहिगुने घटित होत काहेकि हम अपन अधिकार से नऽ बोलऽ ही। बजाय एकर, हमरा का कहे के चाही आउर हमरा ओकरा कईसे कहेला हे खुद हमर पिता, जे हमरा भेजलन, हमरा एकरा बारे में आज्ञा देलन हे।50हमरा पक्का हे कि जे हमर पिता हमरा कहेला आज्ञा देलन हे ओही हे जेकरा पर लोगवन के स्वर्ग में हमेशा ला जिन्दा रहे लागी विश्वास करे ला हे। येहिगुने हम एकदम ओही करऽ ही जे हमर पिता हमरा से कहेला बोललन हे।”
Bridge Connectivity Solutions Pvt. Ltd.