James3
1हे हमर भाई सभे, तोहनी में से बड़ी शिक्षक मत बनिहऽ, ई जानते कि हमनी आउर जादे सख्त न्याय के प्राप्त करम।2काहेकि हमनी सभे बड़ी ठोकर खा ही। जदि कोई आदमी वचन से ठोकर नऽ खा हथन, तऽ ऊ एगो सिद्ध आदमी हथन, जे पूरा देह पर भी लगाम लगावे में सक्षम हथन।3अब जदि हम घोड़ा से अपन आज्ञा मनवावे लागी ओकर मुँह में लगाम लगा दे ही, तऽ हम ओकर पूरा देह घुमा देही।4जहाज के भी देखऽ, जे बड़ी विशाल तऽ होवऽ हे आउर तेज हवा से चलावल जा हे, ओकरो भी छोटा से पतवार के जरिये ओकरा ओर घुमावल जा हे जौन दने माँझी के इच्छा होवऽ हे।5ओईसहीं जीभ भी एगो छोटा अंग तऽ हे, बाकि ऊ बड़का-बड़का बात करे के दावा करऽ हे। देखऽ कि कईसे एगो छोटा सा आग एगो बड़का जंगल के जला दे हे।6जीभ भी एगो आग के जईसन हे, आउर एगो अधर्म के संसार हे। जीभ जेकरा हमनी के अंग में रखल गेल हे, एगो अईसन चीज हे जे पूरा देह पर कलंक लगा दे हे आउर मौजूदगी में आग लगा दे हे आउर एकरा नरक कुण्ड के आग से जलते रहऽ हे।7काहेकि सभे तरह के, जंगली जानवर आउर पक्षी दूनो ही, रेंगे वाला जन्तु आउर समुद्री जीव दूनो ही, के मानव जाति के जरिये वश में करल जा रहल हे आउर ओखनी वश में कर लेवल गेलन हे।8बाकि आदमी में से कोई भी जीभ के वश में करे में सक्षम नऽ हथन, जे एगो अस्थिर बुराई हे, आउर जान लेवे वाला जहर से भरल हे। 9एकरे से हमनी प्रभु जे हमनी के पिता हथन धन्य कहऽ ही, आउर एकरे से लोग सभे के भी श्राप दे ही, जे परमेश्वर के स्वरूप में बनावल गेल हे।10एक हीं मुँह से आशीष आउर श्राप दे हऽ। हे हमर भाई सभे, ई सभे बात अईसन हो अईसन जरुरी नऽ हे।11कोई भी सोता के एक हीं मुँह से मीठा आउर कड़वा दूनो पानी नऽ निकलऽ हे, का अईसन होवऽ हे?12हे हमर भाई सभे, एगो अंजीर के पेड़ जैतून पैदा करे में सक्षम नऽ होवऽ हे, चाहे कोई दाखलता, अंजीर पैदा करे में? आउर नऽ खड़ा पानी के मीठा करे में।13तोहनी के बीच में कौन अईसन हथन जे बुद्धिमान आउर समझदार हथन? ऊ ज्ञान के विनम्रता में होके अच्छा चाल-चलन के जरिये अपन काम के देखईतन।14बाकि तूँ अपन हृदय में कड़वा जलन आउर ललसा रखऽ हऽ, तऽ सच्चाई के विरोध में डिंग नऽ मारिहऽ आउर नऽ हीं झूठ बोलिहऽ।15ई ज्ञान ऊ नऽ हे जे ऊपर से उतरऽ हे, बाकि ई सांसारिक, आउर शारीरिक, आउर शैतानी हे।16काहेकि जहाँ जलन आउर महत्वाकांक्षा पावल जा हे, ऊहाँ अशान्ति आउर सभे दुष्कर्म भी पावल जा हे।17बाकि ऊपर से मिलल ज्ञान सभे से पहिले तऽ शुद्ध होवऽ हे, ओकर बाद शान्तिप्रिय, कोमल, सहयोगी, दया आउर अच्छा फल से भरपूर, निष्पक्ष, निष्कपट होवऽ हे।18आउर धार्मिकता के फल शान्ति के साथे अईसन लोग के जरिये बुनल गेल हे जे शान्ति स्थापित करऽ हे।
Bridge Connectivity Solutions Pvt. Ltd.