Hebrews9
1अब पहिलका वाचा में भी सेवा आउर आराधना आउर धरती पर पवित्रस्थान के नियम हल,2काहेकि एगो तम्बू मान के जे पहिले वाला तम्बू तईयार करल गेल हल, ओकरा में दीवट आउर मेज दूनो हल, आउर रोटियन के चढ़ावा भी हल, जे 'पवित्रस्थान' कहला हे, 3आउर दोसरा पर्दा के पीछे ऊ तम्बू हल जे 'परमपवित्र' कहलावऽ हे, 4जेकरा में सोना के धूप के वेदी आउर वाचा के संदूक हल, जे चारो तरफ से पूरा तरह सोना से मढ़ल गेल हल, जेकरा में मन्ना से भरल सोना के मर्तबान, आउर हारून के छड़ी जेकरा में फूल फल लगावल गेल हल, आउर वाचा के पट्टियन हल, 5आउर ओकर ऊपर, पछतावा के ढकना पर छाया करे वाला तेजोमय करूब हल, जौन चिजवन के सभे भाग के बारे में अखनी बोले के समय नऽ हे। 6आउर जब ई चिजवन अईसे नियर तईयार करल गेल, तऽ याजक हमेशा अपन सेवा के काम करे लागी तम्बू में पहिले प्रवेश करऽ हलन; 7बाकि दोसरका तम्बू में, खाली महायाजक ही साल में एक बार प्रवेश करऽ हथन आउर ऊ लहू के बेगर नऽ जा हथन जेकरा ऊ अपन आउर लोगवन के अनजान पाप लागी चढ़ावा हथन। 8आउर पवित्र आत्मा भी येही बात के साफ करऽ हे, कि पवित्रस्थान के राह अखनी तक प्रकट नऽ होल हे, आउर पहिला तम्बू अब ला खड़ा होल हे,9जे ई मौजूद समय लागी एगो दृष्टान्त हे, जेकर मुताबिक भेंट आउर बलिदान दूनो चढ़ावल जा रहल हे, आउर विवेक के मुताबिक आराधना करे वालन के सिद्ध करे में काबिल नऽ हो रहल हे,10आउर खाली खाय पिये के चिजवन आउर अलग अलग बपतिस्मा, आउर देह के नियम के सम्बन्ध में हे, आउर नया आदेश के समय तक नियुक्त करल गेल हे।11बाकि मसीह, ऊ आवे वाला अच्छा-अच्छा चिजवन के महायाजक के रूप में अईलन जे अस्तित्व में आयेल हल, आउर महान आउर बड़ी सिद्ध तम्बू के जरिये अईलन जे आदमी के हाथ के बनावल नऽ हल, मतलब कि ई सृष्टि के नऽ हल;12आउर ऊ बकरा आउर बछड़ा के लहू से नऽ, बाकि अपन ही लहू से पवित्रस्थान में एक ही बेरा प्रवेश करलन, आउर फिन कहियो प्रवेश नऽ करलन, आउर खुद ही अनन्त छुटकारा प्राप्त करलन।13काहेकि जे लोग अशुद्ध हो गेलन हे जदि उनका पर बकरा आउर बैल के लहू आउर बछिया के राख के छिंटल जायला उनकर देह के शुद्धता लागी उनका पवित्र करतन, 14तऽ मसीह, जे अनन्त आत्मा के द्वारा अपने आप के बेकसूर होके परमेश्वर के सोझे अर्पित करऽ हथन, उनकर लहू जिन्दा परमेश्वर के सेवा करे लागी तोहर विवेक के मरल काम से आउर भी जादे शुद्ध काहे नऽ करतन!15आउर एही चलते से, मसीह एगो नया वाचा के बीचमान हथन, जेकरा से पहिलका वाचा से सम्बन्धित अपराध से छुटकारा पावे लागी मौत होला पर बोलावल गेल लोग अनन्त विरासत के प्रतिज्ञा पा सकतन।16काहेकि जहाँ वाचा होवऽ हे, ऊहाँ ऊ वाचा के साबित करे ला ओकरा बाँधे वाला के मौत होवे ला जरुरी होवऽ हे।17काहेकि एगो वाचा मर गेल के आधार पर पक्का होवऽ हे, काहेकि ऊ वाचा के बाँधे वाला के जिन्दा रहला पर ऊ कहियो काम के नऽ होवऽ हे।18येहिगुने पहिलका वाचा भी बेगर लहू के नऽ बाँधल गेल हल।19काहेकि सभे आज्ञा जे मूसा के व्यवस्था के मुताबिक सभे लोगवन के देवल गेल हल, ऊ पानी आउर लाल कपड़ा आउर जूफा के साथ, बछड़ा आउर बकरवन के लहू लेके, ऊ किताब पर आउर सभे लोगवन पर छिंट देलन, 20आउर मूसा लोगवन से कहलन, “ई ऊ वाचा के लहू हे, जेकर आज्ञा परमेश्वर तोहनी लागी देलन हे।” 21आउर एही रीति से, तम्बू आउर सेवा के सभे बरतन पर भी लहू छिंटलन। 22आउर व्यवस्था के मुताबिक लगभग सभे चिजवन लहू से शुद्ध करल जा हे, आउर लहू बहावल बिना पाप मांफ नऽ होत। 23येहिगुने एक तर तऽ ई जरुरी हे कि स्वर्ग के चिजवन के प्रतिरूप इनकर द्वारा शुद्ध करल जाय, बाकि दोसर तरफ, स्वर्गीय चिजवन खुद ही एकरा से बढ़ियाँ बलिदान के द्वारा शुद्ध करल जायेत24काहेकि मसीह हाथ से बनावल गेल पवित्रस्थान में प्रवेश नऽ करलन, जे सच्चा वाला के नकल हल बाकि स्वर्ग में ही प्रवेश करलन, कि हमनी के तरफ से अखनी परमेश्वर के सामने देखाई पड़त,25आउर अपने आप के केतना बेरा चढ़ावे लागी नऽ, जईसे महायाजक हर साल पवित्रस्थान में ऊ लहू के साथ प्रवेश करऽ हथन, जे उनकर नऽ हे;26जबकि ई दुनियाँ के नींव पड़े के समय से उनका लागी बड़ी दुःख उठावे ला जरुरी हल बाकि अखनी युग के अन्त में ऊ एक बार खुद के बलिदान के माध्यम से पाप के मिटावे ला प्रकट होलन हे27आउर जईसे आदमी के एक बेरा मरे ला, आउर ओकर बाद न्याय होवे ला नियुक्त करल गेल हे, 28ओईसहीं मसीह भी, जे बड़ी लोगवन के पापवन के उठा लेवे लागी एक बेरा बलिदान होलन, पाप से अलग होके, ऊ लोगवन के उद्धार लागी दोसरा बेरा प्रकट होतन, जे उत्सुक होके उनकर इंतजार कर रहलन हे।
Bridge Connectivity Solutions Pvt. Ltd.