Hebrews8
1अखनी जे बात कहल जा रहल हे ओकर खास विषय ई हे कि: हमनी भीर अईसन महायाजक हथन जे स्वर्ग पर महामहिम के सिंहासन के दहिना तरफ बईठल हथन, 2जे कि पवित्रस्थान आउर तम्बू के सच्चा सेवक हथन जेकरा आदमी नऽ, बाकि प्रभु खड़ा करलन हल।3काहेकि सभे महायाजक के भेंट आउर बलिदान चढ़ावे लागी नियुक्त कल जा हे, जेकर कारण ई भी जरुरी हे कि इनका पास कुछ अईसन रहे जेकरा ऊ चढ़ा सकतन।4अब जदि ऊ सचमुच में धरती पर रहतन हल, तब ऊ कहियो याजक नऽ होतन हल, जबकि ईहाँ यहूदी व्यवस्था के मुताबिक भेंट चढ़ावे वाला लोग मौजूद हथन;5जे एगो प्रतिरूप के आउर स्वर्गीय चिजवन के प्रतिबिम्ब के सेवा करऽ हथन, जईसे तम्बू के पूरा करे के बारे में मूसा के चेतौनी देवल गेल हल, काहेकि ऊ कहऽ हथन “देखऽ कि तूँ ऊ सभे कुछ ऊ तरह से बनावऽ जे तोरा पहाड़ पर देखावल गेल हल।” 6बाकि अखनी उनका आउर भी बढ़ियाँ सेवकाई मिलल हे, जईसे कि ऊ, ऊ बढ़ियाँ वाचा के बीचमान भी हथन, जे बढ़ियाँ प्रतिज्ञावन के सहारे बाँधल गेलन हे।7काहेकि जदि पहिलका वाचा बेकसूर होत हल, तऽ दोसरका लागी कोई जगह नऽ रहते हल।8काहेकि ओकरा में दोष मिले पर ऊ कहऽ हथन, “देखऽ, प्रभु कहऽ हथन कि ऊ दिन आ रहल हे, जब हम इस्राएल के घराना के जौरे आउर यहूदा घराना के जौरे एगो नया वाचा के पूरा करम;9जे ऊ वाचा के मुताबिक नऽ होत, जे हम उनकर पुरखावन के जौरे ऊ दिन बाँधली हल जब हम उनका मिस्र देश से बाहर निकासे लागी उनकर हाथ के पकड़ली हल, काहेकि ऊ हमर वाचा में नऽ बनल रहलन, आउर हम उनका बारे में फिकिर नऽ करली, प्रभु एही कहऽ हथन। 10काहेकि ई ओही वाचा हे जे हम ऊ दिन के बाद इस्राएल के घराना जौरे बाँधम, प्रभु कहऽ हथन आउर हम उनकर मन में अपन व्यवस्था डालम, आउर ओकरा उनकर दिल पर लिखम। आउर हम उनका लागी परमेश्वर जईसन ठहरम, आउर ऊ हमरा लागी प्रजा के जईसन ठहरतन।11आउर ऊ जरुर ही अपन हरेक साथी नागरिक के, आउर सभे अपन भाई के ई कहते ऊहें शिक्षा नऽ देतन कि, ‘प्रभु के जानऽ,’ काहेकि ओखनी में सभे से छोटा से लेके सभे से बड़का तक ओखनी हमरा पूरा तोर से जान लेतन।12काहेकि हम उनकर अधर्म के प्रति दयावन्त रहम आउर जरुर ही उनकर पापवन के हम फिन याद नऽ करम।”13“नया” कहे के द्वारा, ऊ पहिला वाला के पुरनका ठहरईलन, आउर जौन चीज पुराना आउर फटल हो जा हे ऊ मेटरल जईसन होवऽ हे।
Bridge Connectivity Solutions Pvt. Ltd.