Hebrews7
1काहेकि ई मलिकिसिदक, शालेम के राजा आउर परमप्रधान परमेश्वर के याजक हलन, राजावन के मार के लौट रहल अब्राहम से मिल के उनका आशीष देलन, 2आउर जिनका अब्राहम सभे चिजवन में दसमांश भी देलन हल, जिनकर अनुवाद सच में पहिले धार्मिकता के राजा के रूप में करल गेल हल आउर फिन शालेम के राजा, मान के" शान्ति के राजा के रूप में भी करल गेल हल,3ऊ बेगर पिता, बेगर माता, बेगर वंशावली के हलन, जिनकर नऽ दिन के शुरुआत हे, आउर नऽ ही जिनगी के अन्त हे, बाकि परमेश्वर के बेटा के जईसन होके, ऊ सदा लागी एगो याजक बनल रहऽ हथन।4बाकि ई बात पर गौर करऽ कि ऊ केतना महान हलन, जिनकर कुलपति अब्राहम सभे से बढ़ियाँ लूट में से दसमांश देलन।5आउर इस्राएल के लोग सचमुच में लेवी के संतान में से होके याजक पद पा चुकलन हे, उनका व्यवस्था के मुताबिक आज्ञा देवल गेल हे कि ऊ अपन लोगवन से, मतलब अपन भईवन से दसमांश लऽ, भले ही ऊ अब्राहम से जनम लेलन होत। 6बाकि ई उनकर वंशावली में नऽ होके, अब्राहम से दसमांश प्राप्त करलन, आउर प्रतिज्ञावन के पावे वाला के आशीष देलन।7बाकि एकरा में कोई शंका नऽ कि छोटका के बड़का से आशीष मिलऽ हे।8आउर सचमुच में ईहाँ तऽ मरे वाला आदमी भी दसमांश ले हथन, बाकि ऊहाँ उनका बारे में गवाही देवल जा हे, कि ऊ जिन्दा हथन।9चाहे अईसन कहतन कि दसमांश पा लेवे वाला लेवी भी अब्राहम के द्वारा दसमांश देलन हल,10काहेकि जब मलिकिसिदक उनका से मिललन, तब ऊ अपन पिता के देह में ही हलन। 11जदि सचमुच लेवी के याजक पद के द्वारा सिद्धता प्राप्त होवे काहेकि ओकरे आधार पर लोगवन के व्यवस्था देवल गेल हल, तऽ फिन कोई आउर याजक के का जरुरत हल कि मलिकिसिदक के रीति के मुताबिक खड़ा होतन आउर हारून के रीति के मुताबिक नऽ कहलईतन।12काहेकि जब याजक के पद बदलल जा हे, तऽ जरुरत के मुताबिक व्यवस्था में भी बदलाव होवऽ हे।13काहेकि जिनकर बारे में ई बात कहल जा हे, ऊ दोसर गोत्र से सम्बंधित हथन, जेकरा में से कोई भी वेदी के सेवा नऽ करलन हे।14काहेकि ई तऽ साफ हे कि हमनी के प्रभु यहूदा के गोत्र से पैदा होलन हे, जेकर बारे में मूसा याजकवन के बारे में कुछो नऽ कहलन। 15आउर मलिकिसिदक के बराबरी में एगो आउर भी याजक उभरलन, तऽ ई आउर भी साफ हे,16जे शारीरिक आज्ञा के व्यवस्था के मुताबिक नऽ, बाकि सामर्थी जिनगी के मुताबिक एगो याजक बनलन हे।17काहेकि ई गवाही देवल जा हे कि: “तूँ मलिकिसिदक नियम के मुताबिक हमेशा लागी याजक हऽ।”18काहेकि एक तरफ तऽ पहिलका आज्ञा येहिगुने लोप हो गेल काहेकि ऊ कमजोर आउर निष्फल हे।19काहेकि व्यवस्था कुछो भी सिद्ध नऽ करलक, आउर दोसरका तरफ एगो बढ़ियाँ आशा के परिचय हे, जेकर जरिये से हमनी परमेश्वर के पास आवऽ ही।20आउर काहेकि ऊ सचमुच में बेगर सपथ खईले याजक बन गेलन हे, येहिगुने ओतना ही बनलन हे जेतना बेगर सपथ खईले सम्भव होवऽ हे,21बाकि ऊ तऽ उनका द्वारा सपथ खा के बनलन हे, जे उनका से कहऽ हथन, “प्रभु सपथ खईलन हे आउर ऊ फिन नऽ पछतईतन: ‘तूँ अनन्तकाल याजक हऽ’” 22आउर एकरा से भी जादे के तरह यीशु एगो बढ़ियाँ वाचा के जमीन बन गेलन हे।23आउर एक तरफ जे याजक बन गेलन ऊ बड़ी सा हथन, काहेकि मौत के कारण ऊ आगे बनल रहे से रुक गेलन हे,24बाकि दोसरका तरफ, काहेकि ऊ हमेशा लागी बनल रहऽ हथन, येहिगुने उनकर याजक पद अटल हे,25जेकरा चलते ऊ ओकर जरिये परमेश्वर भीर आवे वाला के पूरा-पूरा उद्धार करे के लायक भी हथन, आउर ओखनी लागी विनती करे ला हमेशा जिन्दा हथन। 26काहेकि अईसन महायाजक ही सच में हमनी लागी सही हलन; जे पवित्र, बेकसूर, निर्मल, पापियन से अलग, आउर स्वर्ग से भी ऊँचा रहे ला करल गेल हे;27जिनका महायाजक के जईसन रोजदिन पहिले अपन पापवन निमित्त, फिन लोगवन के पाप के निमित्त बलिदान चढ़ावे के जरुरत नऽ, काहेकि ऊ खुद के बलिदान चढ़ा के एकरा एक्केगो बेरा में निपटा देलन हे आउर फिन कहियो नऽ चढ़ईलन। 28काहेकि व्यवस्था तऽ कमजोर आदमियन के महायाजक के रूप में नियुक्त करऽ हे, बाकि ऊ खायेल गेल सपथ के वचन, जे व्यवस्था के बाद आयेल, ऊ बेटा के नियुक्त करऽ हे जे हमेशा लागी सिद्ध करल गेल हे।
Bridge Connectivity Solutions Pvt. Ltd.