Hebrews6
1येहिगुने अखनी, आवऽ हमनी मसीह के शुरुआत के सन्देश के छोड़ के सिद्धता के नींव तरफ आगे बढ़म, आउर बेकार के काम से मन फिरावेला आउर परमेश्वर पर विश्वास करे ला,2आउर बपतिस्मा, आउर हाथ धरे, आउर मरलकन के पुनरुत्थान आउर अनन्त न्याय के शिक्षा के नींव फिन से नऽ डालऽ।3आउर जदि परमेश्वर इजाजत देतन, तऽ हम एही करम।4काहेकि ई ऊ लोगवन लागी असंभव हे, जेखनी एक बेरा ज्योति पईलन हे, आउर जे स्वर्गीय वरदान के स्वाद चख चुकलन हे आउर पवित्र आत्मा के भागीदार बन गेलन हे।5आउर परमेश्वर के उत्तम वचन के आउर आवे वाला युग के सामर्थ के स्वाद तऽ चखलन हे6बाकि भटक गेलन हे, उनका फिन से मन फिरावे के तरफ लौटावेला मुश्किल हे, काहेकि ऊ अपना लागी परमेश्वर के बेटा फिनो से यीशु के क्रूस पर चढ़ा रहलन हे, आउर उनका लोगवन में लज्जित कर रहलन हे।7काहेकि जौन जमीन ओकरा पर बार-बार पड़े वाला बरसा के पियऽ हे, आउर जे लोगवन लागी ऊ जोतल-बुनल जा हे ओकरा लागी जरुरी सागपात उपजावऽ हे, ऊ परमेश्वर के आशीष में भागीदार होवऽ हे,8जेकरा से काँटा वाला झाड़ी आउर ऊँटकटरवन उपजईला बाकि, ऊ बेकार होवऽ हे आउर श्रापित होवे के नजदीक हे, जेकर अन्त जलावल जायला हे। 9बाकि हे प्रिय, भले ही हम अईसन कहऽ ही बाकि तोहर बारे में हम ऊ बात में भरोसेमंद ही जे बढ़ियाँ हे, आउर उद्धार से जूट गेल हे,10काहेकि परमेश्वर अन्यायी नऽ हथन, कि तोर काम के आउर ऊ प्रेम के भूल जईतन, जे तूँ उनकर नाम के प्रति देखईलऽ हे कि पवित्र लोग के सेवा करल, आउर उनकर सेवा कर भी रहलऽ हे।11आउर हम बड़ी उत्साहित ही कि तोहनी में से सभे कोई अपन आशा के पूरा निफिकिर होवे ला अन्त तक अईसने मेहनत करते रहतन।12जेकरा से तूँ आलसी नऽ बनऽ, बाकि ऊ लोगवन के पीछे चल जे विश्वास आउर धीरज से प्रतिज्ञावन के वारिस होलन हे।13काहेकि परमेश्वर के कोई अईसन बड़का नऽ मिललन जिनकर ऊ सपथ खा सकतन, तऽ ऊ अब्राहम से प्रतिज्ञा कर के अपन ही सपथ खईलन, 14आउर कहलन, “हम जरुर तोरा बड़ी आशीष देम आउर तोरा बढ़ायेम।” 15आउर ई रीति से, अब्राहम परमेश्वर के जरिये वादा करल धीरज धर के प्रतीक्षा करते प्रतिज्ञा के प्राप्त करलन।16काहेकि आदमी ओकरे किरिया खा हथन, जे बड़ा होवऽ हे आउर उनका लागी सभे झगड़ा के अन्त सपथ से तय होवऽ हे, 17जेकरा में परमेश्वर, प्रतिज्ञा के वारिस उनकर मकसद के नऽ बदले वाला गुणवत्ता के आउर भी जादे परकट करे के इच्छा करलन, येहिगुने ऊ सपथ के बीच में लईलन।18जेकरा से दूगो नऽ बदलाय वाला बात से, जौन बात में परमेश्वर लागी झूठ बोले ला असंभव हे, हमनी जे शरण पावे ला दौड़ रहली हल, हमनी के सामने रखलन, ऊ आशा के मजबूती से थामले रखे ला एगो मजबूत हौसला पा सकतन; 19जे हमर आशा हे ऊ लँगर के जईसन आत्मा लागी विश्वसनीय आउर मजबूत दूनो हे, आउर ऊ परदा के भीतर प्रवेश करऽ हे, 20जहाँ यीशु हमनी लागी अग्रदूत बन के प्रवेश करलन हे, आउर मलिकिसिदक के रीति के मुताबिक हमेशा लागी महायाजक बन गेलन हे।
Bridge Connectivity Solutions Pvt. Ltd.