Hebrews5
1काहेकि हरेक महायाजक के, आदमियन में से चुन के आदमी लागी परमेश्वर से जुड़ल बात लागी नियुक्त करल जा हे, ताकि ऊ पापवन लागी भेंट आउर बलिदान चढ़ईतन;2आउर ऊ अज्ञानी आउर धोखा खायवालन के जौरे नम्रता पूर्वक वर्ताव करे के लायक होतन, काहेकि ऊ भी कमजोरी से घेरले हथन।3आउर ई कारण, जईसे लोगवन लागी, ओईसहीं खुद लागी भी, ऊ पापवन लागी लगातार बलिदान चढ़ावे लागी मजबूर हथन। 4आउर ई सम्मान के कोई खुद से नऽ, बाकि खाली परमेश्वर के तरफ बोलावल गेलऽ पर पावऽ हथन, जईसे हारून के भी बोलावल गेल हल। 5ओही रीति से, मसीह भी महायाजक बने ला अपन बड़ाई नऽ करलन। एकर बजाय, ऊ उनका से बात कर के कहलन,“तूँ हमर बेटा हऽ;आज हम तोरा जनम देली हे।” 6ई ओईसहीं हे जईसन ऊ दोसरा जगह पर भी कहलन हल कि,“तूँ मलिकिसिदक के रीति पर हमेशा लागी याजक हऽ।”7ऊ अपन देह में रहे के दिन में तेज आवाज से पुकार-पुकार के आउर लोर बहा-बहा के उनका से प्रार्थना आउर विनती करलन, जे उनका मौत से बचावे के लायक हल आउर उनकर भक्तिपूर्ण जिनगी के कारण उनकर सुनल गेल।8परमेश्वर के बेटा होवे पर भी जौन बात में ऊ दुःख उठईलन, ऊ उनका से आज्ञाकारिता सिखलन।9आउर सिद्ध होके, ऊ ओखनी सभे लागी जे उनकर आज्ञा मानऽ हलन, अनन्त उद्धार के जरिया बन गेलन, 10आउर मलिकिसिदक के रीति के मुताबिक परमेश्वर के द्वारा उनका महायाजक नियुक्त करल गेल, 11जिनका बारे में हमनी लागी सन्देश तऽ बड़ा हे, बाकि उनकर बारे में बोले ला मुश्किल हे, काहेकि तूँ सुने में धीमा हो गेलऽ हे।12काहेकि ई घड़ी लागी तऽ तोरा गुरु बन जाय के चाहऽ हल, तईयो फिनो से तोरा कोई आदमी के जरुरत हे, जे तोरा परमेश्वर के वचन के मौलिक शिक्षा देतन, आउर तूँ ऊ लोगवन के जईसन हो गेलन हे, जिनका भोजन के नऽ, बाकि दूध के जरुरत हे!13काहेकि जे कोई दूध पियऽ हे, ऊ धार्मिकता के वचन के नऽ जानऽ हे, काहेकि ऊ बालक हे।14बाकि ई भोजन ऊ सियाना लागी हे, जौन सभे आदत से अपन इन्द्रियन के ऊ दूनो बात में भेद करे ला सिखईलन हे, जे भला हे आउर जे बुरा हे।
Bridge Connectivity Solutions Pvt. Ltd.