Hebrews4
1येहिगुने, हमनी के डरे के चाही कि कहीं अईसन नऽ होवे, कि परमेश्वर के विश्राम में प्रवेश करे के प्रतिज्ञा बचल रहला पर भी तोहनी में से कोई भी एकरा पा लेवे में असफल हो जायेत।2काहेकि जईसन सुसमाचार उनका सुनावल गेल हे, ओईसने हमरो सुनावल गेल हे। बाकि ऊ सन्देश के सुनला से उनका कुछो फायदा नऽ होल, आउर ऊ ओकरा सुने वालन के साथ विश्वास में नऽ जूटलन।3काहेकि हमनी विश्वास करे वाला लोग तऽ विश्राम में प्रवेश करऽ ही, जईसे कि ऊ कहलन हल कि,“तऽ हम अपन गोस्सा में शपथ खईली,‘का ऊ हमर विश्राम में प्रवेश करतन!’”जबकि उनकर काम तऽ जगत के नींव पड़ला से ही खतम हो गेल हल।4काहेकि ऊ सातवाँ दिन के बारे में कहीं अईसे कर के कहलन हे:“आउर परमेश्वर अपन सभे काम से सातवाँ दिन विश्राम करलन।”5आउर फिनो ई अनुच्छेद में कहलन कि,“का ऊ हमर विश्राम में प्रवेश करतन!”6येहिगुने, जबकि केतना लागी ओकरा में प्रवेश करे ला बाकि हे, आउर जौन पहिले ही उनका पर सुसमाचार के प्रचार कर देलन हल, ओखनी अपन आज्ञा उल्लंघन के कारण प्रवेश नऽ करलन,7ऊ फिनो से एगो खास दिन ठहरईलन, जेकरा एतना समय के बाद दाऊद के शास्त्र के माध्यम से बोल के ऊ“आज के दिन” कहलन, जईसन कि पहिलहीं ई कहल जा चुकले हे कि“आज के दिन जदि तूँ उनकर आवाज सुनिहऽ,तऽ अपन मन के कठोर नऽ करिहऽ।” 8काहेकि जदि यहोशू उनका विश्राम देतन हल, तऽ ई बात के बाद ऊ दोसरका दिन के चर्चा नऽ करतन हल। 9येहिगुने परमेश्वर के लोगवन लागी सब्त के विश्राम बाकि हे।10काहेकि जे उनकर विश्राम में प्रवेश कर चुकलन हे, ऊ भी अपन काम से विश्राम ले लेलन हे, जईसन परमेश्वर अपन काम से करलन। 11येहिगुने, आवऽ हमनी ऊ विश्राम में प्रवेश करेलागी उतावला रहत, जेकरा से कोई भी ई आज्ञा उल्लंघन के जईसन उदाहरण में नऽ गिर पड़तन। 12काहेकि परमेश्वर के वचन जिन्दा, कारगर, आउर हरेक दूधारी तलवार से भी जादे बड़ी तेज हे, आउर प्राण आउर आत्मा के, गाँठ-गाँठ आउर गुदा-गुदा दूनो के, अलग कर के आरपार छेदऽ हे, आउर हृदय के विचार आउर भावना के परखे के काबिल हे। 13आउर कोई जीव-जन्तु उनका से छिपल नऽ हे। एकर बजाय सभे चिजवन उनकर आँख के सोझे खुलल आउर प्रकट हे, जिनका भीर हमर वचन हे।14येहिगुने हमनी भीर एगो महान महायाजक हथन, जे स्वर्ग से होके गुजरलन हे, मतलब कि परमेश्वर के बेटा यीशु। तऽ आवऽ, हमनी अपन स्वीकार के मजबूती से थामले रहम।15काहेकि हमनी के कोई अईसन महायाजक नऽ हथन, जे हमनी के कमजोरी में दुःखी होवे के लायक नऽ हथन, बाकि ऊ हमनी के जईसन ही परखल गेलन, तईयो पाप नऽ निकसल।16येहिगुने आवऽ, हमनी विश्वास के साथ परमेश्वर के अनुग्रह के सिंहासन के तरफ बढ़ऽ ही, जेकरा से हमनी पर दया प्राप्त कर सकऽ ही, आउर समय पर सहायता लागी कृपा पा सकऽ ही।
Bridge Connectivity Solutions Pvt. Ltd.