Hebrews12
1जैसे कि, जब गवाहवन के अईसन बड़ा बादल हमनी के चारो पट्टी से घेर लेलक हे, तऽ हमहूँ भी, सभे तरह के बोझ आउर आसानी से उलझावे वाला पाप के दूर कर के, जे दौड़ हमनी के सामने रखल गेल हे ओकरा में धीरज से दौड़ऽ,2आउर विश्वास के कर्ता आउर सिद्ध करे वाला यीशु के तरफ नजर कर के जे ऊ आनन्द लागी जे उनकर सामने रखल गेल हल, ओकर लाज के परवाह कईले बेगर क्रूस के सह लेलन, आउर परमेश्वर के सिंहासन के दहिना तरफ बईठ गेलन। 3येहिगुने उनका पर धियान करऽ, जे पापियन के अईसन विरोध सहलन, जेकरा से तूँ अपन मन में थक के हार नऽ मान लऽ।4तूँ अखनी लागी पाप के खिलाफ लड़ाई लड़ते ऊहें, लहू बहला तक विरोध नऽ करलऽ हे,5आउर तूँ ऊ उपदेश के पूरा तरह भूल गेलऽ हे जे तोरा बेटवन के रूप में शिक्षा दे हे कि" हे हमर बेटा, प्रभु के ताड़ना के छोटा नऽ समझऽ आउर जखनी उनका से तोरा डाँट पड़त, तऽ हौसला नऽ हारिहऽ;6काहेकि प्रभु जेकरा से प्रेम रखऽ हथन, ओकरा ऊ ताड़ना भी दे हथन, आउर ऊ अपन सभे ऊ बेटा के सोंटा मारऽ हथन जेकरा ऊ आदर करऽ हथन।" 7ताड़ना के सह लऽ; परमेश्वर तोरा बेटा के जईसन वर्ताव कर रहलन हे। काहेकि अईसन कौन बेटा हे जेकर पिता जी ओकर ताड़ना नऽ करऽ हथन?8बाकि जदि तूँ ऊ ताड़ना से दूर हऽ, जेकरा में सभे आदमी सहभागी होलन हे, तऽ तूँ व्यभिचार के संतान हऽ आउर उनकर बेटवन में से नऽ हऽ।9एकर अलावे, एक तरफ तऽ हमनी के शारीरिक पिता हमनी के ताड़ना करलन आउर हमनी उनकर आदर करली; तऽ दोसरका तरफ का हमनी आत्मिक पिता के आउर भी जादे अधीन नऽ रहम आउर जिन्दा रहम? 10काहेकि सचमुच में, ऊ हमरा कुछ दिन तक ओकरे मुताबिक ताड़ना देते रहलन जे उनका अच्छा लगऽ हल, बाकि ऊ तऽ अईसन हमरा फईदा लागी करऽ हथन, जेकरा से हमनी उनकर पवित्रता में भागीदार हो जायेम।11अखनी ई समय तऽ सभे ताड़ना से आनन्द नऽ, बाकि दुःख ही महसूस हे, बाकि बाद में ई उनका लागी धार्मिकता के शान्ति देवेवाला फल पईदा करऽ हे जे एकरा से प्रशिक्षित होलन हे। 12येहिगुने ऊ ढीला हथवन के आउर कमजोर ठेहुनमन के सीधा करऽ जेकरा में लकवा मार देलक हे,13आउर अपन गोड़वन लागी सोझा राह बनावऽ, कि लँगड़ा भटक नऽ जईतन, बजाय भला चंगा हो जईतन। 14सभे आदमी जौरे शान्ति रखऽ, आउर ऊ पवित्रता के खोज करऽ जेकर बेगर कोई प्रभु के नऽ देख पईतन, 15आउर गौर से देखऽ कि कोई आदमी परमेश्वर के अनुग्रह से छूटल नऽ रह जाय, आउर कोई कड़वाहट के जड़ी बढ़ के उपद्रव नऽ करतन, आउर एकरा से बड़ी सा लोग अशुद्ध नऽ हो जईतन, 16आउर कोई आदमी व्यभिचारी चाहे एसाव के जईसन अधर्मी नऽ होवऽ, जे एक बेरा भोजन के बदला में अपन पहिलौठा के हक बेच देलन। 17काहेकि तूँ जानऽ हऽ कि एकर बाद भी, जहिया एसाव आशीष पावे ला चाहऽ हलन, तऽ उनका येहिगुने अस्वीकार कर देवल गेल, काहेकि उनका मन फिरावे के कोई मौका नऽ मिलल, भले ही ऊ आँसू बहा-बहा के उनकर खोज करलन। 18काहेकि तूँ ऊ चीज भीर जेकरा छुअल जा सकल हल, आउर धधकल आग भीर, आउर अंधार भीर, आउर करिया घटा भीर, आउर तूफान भीर, 19आउर तुरही के आवाज के भीर आउर ऊ वाणी के आवाज भीर नऽ अईलन, जेकरा सुने वाला ई विनती करलन कि ओकरा में एगो भी बात नऽ जोड़ल जायेत। 20काहेकि जे आज्ञा देवल गेल हल ऊ ओकरा सहन नऽ कर सकलन कि" जदि कोई जानवर भी पहाड़ के छुये, तऽ ओकरा पथराव करल जाय।"21आउर जौन चीज प्रकट हो रहल हल ऊ एतना डरावना हल कि मूसा कहलन, "हम डरल ही आउर थरथरा रहली हे।" 22बाकि तूँ सिय्योन पर्वत भीर आउर जिन्दा परमेश्वर के नगर भीर, स्वर्गीय यरूशलेम भीर, आउर अनगिनती स्वर्गदूतवन भीर, आउर सभा भीर23आउर जिनकर नाम स्वर्ग में लिखल गेल हे, ऊ पहिलौठवन के कलीसिया भीर, आउर सभे के न्यायी परमेश्वर भीर, आउर सिद्ध करल गेल धर्मियन के आत्मावन भीर, 24आउर नया वाचा के बीचमान यीशु भीर, आउर हाबिल से भी बढ़ियाँ बात बोले वाला छिंटल गेल लहू भीर अईलन हे।25देखऽ कि तूँ ऊ बोले वाला के इंकार नऽ कर दऽ। काहेकि जदि ऊ धरती पर उनका चेतौनी देवे वाला इंकार कर के बच नऽ पईलन, तऽ हमनियो भी स्वर्ग पर से चेतौनी देवे वाला से मुँह घूमा के बच नऽ पईवऽ,26जिनकर आवाज ऊ समय धरती के हिला देलक हल, बाकि अखनी ऊ ई कह के प्रतिज्ञा करलन हे कि, "अखनी एक बेरा फिन से हम खुद ही नऽ खाली धरती के बजाय स्वर्ग के भी हिला देम।" 27बाकि ई बात, "अखनी एक बेरा फिन से" हिलावल जाय वाला चिजवन के इशारा दे हे, मान के रचल गेल चिजवन के, ताकि जे चिजवन हिलावल नऽ जा हे ऊ बनल रहत। 28येहिगुने आवऽ हमनी ऊ राज के पाके जे हिले वाला नऽ धन्यवाद प्रकट करम, आउर आवऽ हमनी ओकर माध्यम से श्रद्धा आउर भय के साथ परमेश्वर के खुश करे वाला सेवा करऽ,29काहेकि सचमुच हमर परमेश्वर भसम करे वाला आग हथन।
Bridge Connectivity Solutions Pvt. Ltd.