Hebrews11
1अब विश्वास ऊ चिजवन के आश्वासन हे जेकर उम्मीद करल गेल हे, आउर ऊ चिजवन के सबूत हे जे देखाई नऽ दे हे।2काहेकि एकरे से प्राचीनवन के गवाही देवल गेल आउर बड़ाई होल हे।3विश्वास से ही हम समझ पावऽ ही कि परमेश्वर के वचन द्वारा युगवन के तईयार करल गेल हे ताकि जे कुछ देखल गेल हे ऊ देखाई देवे वाला चिजवन से नऽ बनल हे। 4विश्वास के द्वारा ही हाबिल कैन से बढ़ियाँ बलिदान चढ़ईलन, जेकर बीच से उनकर धर्मी होवे के गवाही देवल गेल हल, आउर ओकर भेंटवन के वजह से ही परमेश्वर गवाही देलन हल, आउर विश्वास के माध्यम से ही, ऊ मर के भी अखनी ला बात करऽ हथन।5विश्वास के द्वारा ही हनोक उठा लेवल गेलन हल, जेकरा से ऊ मौत के नऽ देखतन, आउर उनकर पता येहिगुने नऽ मिलल, काहेकि परमेश्वर उनका उठा लेलन हल।" काहेकि उनकर उठा लेवल जाय से पहिले ई गवाही बतावल गेल हल कि ऊ परमेश्वर के बड़ी खुश करलन हे। 6अब विश्वास के बिना तऽ खुश होवे ला असंभव हे, काहेकि परमेश्वर भीर आवे वाला आदमी लागी ई विश्वास करे ला जरुरी हे कि ऊ मौजूद हथन आउर अपन खोजेवाला के प्रतिफल दे हथन।7विश्वास के द्वारा ही नूह, ऊ चिजवन के बारे में जे ऊ समय ला देखल नऽ गेल हल चेतौनी पाके, श्रद्धापूर्वक अपन घराना के उद्धार लागी जहाज बनईलन, जेकर माध्यम से ऊ दुनियाँ के दोषी ठहरईलन, आउर ऊ धार्मिकता के वारिस होलन, जे विश्वास के मुताबिक मिलऽ हे। 8विश्वास के द्वारा ही, अब्राहम, बोलावल गेलऽ बाकि, आज्ञा मान के ऊ जगह पर निकल गेलन जे उनका विरासत में मिले वाला हल, आउर ई बात के पूरा तोर से जानले बेगर कि ऊ कहाँ जा रहलन हे, निकल गेलन। 9विश्वास के द्वारा ही ऊ प्रतिज्ञा के देश में परदेशी बन के रहलन, आउर इसहाक आउर याकूब के जौरे, जे ओही प्रतिज्ञा के साथी वारिस हलन, तम्बूअन में रहलन,10काहेकि ऊ नींव वाला नगर के बाट जोह रहलन हल। जेकर रचे वाला आउर बनावे वाला परमेश्वर ही हथन।11विश्वास के द्वारा ही पूरा उमर के बाद भी सारा खुद अपन संतान ला गर्भवती होवे के सामर्थ पा लेलन, जबकि ऊ प्रतिज्ञा करे वाला के विश्वासयोग्य जानलन हल। 12येहिगुने एक्कोगो गो आदमी से जे मरल नियर हल ई लईका पईदा होल, जे बड़ी संख्या में आसमान के तरेगन के जईसन आउर समुद्र के किनारे के बालू के कण के जईसन अनगिनती हलन। 13ई सभे अपन विश्वास के मुताबिक प्रतिज्ञावन के दूर ही से देखके आउर नमस्कार कर के आउर ई मान के कि हमनी धरती पर अनजान आउर परदेशी ही, ओकरा पईले बेगर ही मर गेलन। 14काहेकि अईसन बात बोले वाला लोग ई बात के प्रकट करऽ हथन, कि ऊ स्वदेश के खोज में हथन।15आउर जदि ऊ सचमुच में ऊ देश के याद करतन, जेकरा से ऊ निकलल गेलन हल, तऽ उनका घूर जाय के मौका मिलत हल।16बाकि अखनी ऊ एगो बढ़ियाँ मतलब कि स्वर्गीय देश के तरफ पहुँच रहलन हे। येहिगुने उनकर परमेश्वर कहलावे में परमेश्वर उनका से नऽ लजईतन, काहेकि ऊ उनका लागी एगो नगर तईयार करलन हे। 17विश्वास के द्वारा ही अब्राहम, परखल जाय पर इसहाक के बलिदान चढ़ा देलन; ईहाँ ला कि ओकरे जे उनका से एकलौता बेटा लागी करल गेल प्रतिज्ञावन के स्वागत करलन हल, 18जेकरा से ई कहल गेल कि, “इसहाक से तोर वंश चलत,”19आउर ई बात के समझ के, कि परमेश्वर मरलकन में से भी जिलावे में भी सक्षम हथन, आउर एगो दृष्टान्त के जईसन, ऊ ओकरा ऊहाँ से फिन पा लेलन।20विश्वास ही के द्वारा आवे वाला बात के बारे में, इसहाक याकूब आउर एसाव के आशीष देलन। 21विश्वास के द्वारा याकूब, मरते घड़ी यूसुफ के बेटवन में से एक एकगो आशीष देलन, आउर अपन लाठी के नोखी पर सहारा लेके दण्डवत करलन। 22विश्वास के ही यूसुफ मरे-मरे होके, इस्राएल के संतान के निकल जाय के वर्णन करलन आउर अपन हड्डियन के बारे में उनका आज्ञा देलन। 23विश्वास के द्वारा ही मूसा के, उनका पईदा होला पर तीन महीना ला उनकर माय-बाप के द्वारा छिपा के रखल गेल, काहेकि ओखनी देखलन कि लईका सुन्दर हे, आउर ऊ राजा के आज्ञा से नऽ डरलन। 24विश्वास के द्वारा ही मूसा, सियाना होके फिरौन के बेटी के बेटा होवे से इंकार कर देलन। 25बजाय ऊ पाप के थोड़ा देर के खुशी लेवे के तुलना में परमेश्वर के लोगवन के जौरे दुःख सहे के फईसला करलन।26ऊ मिस्र के धन के तुलना में मसीह के कारण निन्दा सहे के बड़का धन समझलन, काहेकि ऊ अपन प्रतिफल के तरफ देख रहलन हल। 27विश्वास के द्वारा ही ऊ मिस्र के छोड़ देलन आउर राजा के क्रोध से नऽ डरलन, आउर ऊ एकरा अईसे सह लेलन कि जईसे ऊ बिन-देखल के देख रहलन हे। 28विश्वास के चलते ही ऊ फसह आउर लहू छिंटल जाय के विधि के मानलन, जेकरा से पहिलौठवन के नाश करे वाला ओकरा नऽ छूतन। 29विश्वास के द्वारा ही लाल समुद्र के सुखल जमीन के जईसे पार कर गेलन, जे मिस्रियन के कोशिश करलऽ पार ओकरा निगल लेलक। 30विश्वास के द्वारा ही यरीहो के दीवार सात दिन ला ओकर चक्कर लगावे के चलते गिर पड़ल। 31विश्वास के द्वारा ही राहाब वेश्या शान्ति के साथ जासूस के स्वागत करे के कारण आज्ञा उल्लंघन करे वाला लोगवन के जौरे नाश नऽ होल हल।32अब हम आउर कौची कहम? काहेकि गिदोन, बाराक, शिमशोन, यिफतह, दाऊद, आउर शमूएल के साथे साथ भविष्यद्वक्ता के बारे में भी पूरा तोर से विचार करते-करते हमरा समय नऽ मिलत,33जेखनी विश्वास के द्वारा से राजावन के जीत लेलन, धार्मिकता के काम करलन, प्रतिज्ञावन पा लेलन, शेरवन के मुँह बंद करलन,34आग के सामर्थ के बुता देलन, तलवार के धार से बच निकललन, कमजोरी में मजबूत बनलन, युद्ध में विजय होलन, आउर विदेशी सिपहियन के हरा देलन।35औरतियन पुनरुत्थान के द्वारा अपन मरलकन के वापस पा लेलन, बाकि दोसर के ओकर छुटकारा स्वीकार नऽ कर के ओकरा दुःख देवल गेल, जेकरा से ऊ बढ़ियाँ पुनरुत्थान के पा लेतन;36आउर केतना के मजाक उड़ावल जाय, कोड़ा मारल, आउर ईहाँ ला कि सिकड़वन के आउर कैद के सजा मिलल।37उनका पर पथराव करल गेल, उनका आरी से दू टूक कर के काटल गेल, उनका पर मुकदमा चलावल गेल उनका तलवार से मार देवल गेल, ऊ भेड़वन आउर बकरियन के खाल ओढ़ के, बेसहारा, सतावल, दुराचार झेलते इधर-उधर मारल-मारल चललन;38ई दुनियाँ ऊ लोगवन के लायक नऽ हल आउर ऊ जंगलवन आउर पहाड़वन, आउर खोहवन आउर धरती के दरारवन में भटकल चललन।39विश्वास ही के द्वारा ई सभे के बारे में बढ़ियाँ गवाही देवल गेल, तईयो उनका प्रतिज्ञा करल चीज नऽ मिलल।40काहेकि परमेश्वर हमनी लागी आउर भी बढ़ियाँ कुछ ठहरईलन हे, जेकरा से हमर बेगर ऊ सिद्ध नऽ हो पईतन।
Bridge Connectivity Solutions Pvt. Ltd.