Hebrews2
1ई वजह से, हमर सुनल गेल बात पर गौर करे ला कहीं जादे जरुरी हे, ताकि हम उनका से दूर नऽ हो जायेम।2काहेकि जदि स्वर्गदूतवन के द्वारा कहल गेल सन्देश सच्चा ठहरलक आउर सभे अपराध आउर आज्ञा नऽ माने वाला के न्यायपूर्वक सजा मिललक,3तऽ हम अईसन बड़का उद्धार के आशा कर के कईसे बच के निकलम? जे उद्धार के सभे से पहिले प्रभु के द्वारा बोलल जाय ला चुनल गेल, ओकर हमनी पर भी सुनबईयन के द्वारा साबित करल गेल हल;4परमेश्वर भी उनका साथ चिन्ह, आउर चमत्कारी काम, आउर तरह-तरह अचरज काम, आउर अपन मन के मुताबिक पवित्र आत्मा देवे के द्वारा गवाही दे हथन।5काहेकि ऊ स्वर्गदूत नऽ हलन जिनकर अधीन परमेश्वर ऊ आवे वाला दुनियाँ के कर देलन हल, जिनकर बारे में हम कह रहली हे।6एकर बजाय, पवित्रशास्त्र में कोई परमेश्वर से ई कह के गवाही देलन कि,“आदमी का हथन, कि तूँ उनका सुधि ले हऽ,चाहे आदमी के बेटा का हथन कि तूँ उनकर रक्षा करऽ हऽ?7तूँ उनका स्वर्गदूतवन के बराबर से थोड़ा ही कम करलऽ;तूँ उनका महिमा आउर आदर के ताज पेहेनईलऽ।8तूँ सभे चिजवन के उनकर गोड़ के तरे कर देलऽ।”काहेकि सभे चिजवन के उनकर अधीन कर के, ऊ कुछो भी अईसन नऽ छोड़लन जे उनकर अधीन नऽ रहलऽ। बाकि अब ला हमनी सभे चिजवन के उनकर अधीन नऽ देखऽ ही, 9बाकि हम यीशु के देखऽ ही, जे स्वर्गदूतवन के तुलना में थोड़ा ही कम करल गेलन हे, आउर जिनका मौत के दुःख सहला के चलते महिमा आउर आदर के मुकुट पेहनावल गेल, ताकि परमेश्वर के कृपा से ऊ सभे लोगवन के तरफ से मौत के स्वाद चखतन।10काहेकि जिनकर वजह से सभे चीज अस्तित्व में हे, आउर जिनकर माध्यम से सभे चीज अस्तित्व में हे, उनका लागी एही सही हे कि ऊ बड़ी सा बेटवन के महिमा में लईतन, कि दुःख उठावे से उनकर उद्धार के मुख्य अगुवन के सिद्ध करतन। 11काहेकि पवित्र करेवालन आउर पवित्र होवे वालन दूनो एक्केगो गो से पईदा होलन हे। ई वजह से, ऊ उनका भाई कहे से नऽ लजा हथन, 12आउर कहऽ हथन कि,“हम अपन भईवन पर तोर नाम के प्रचार करम;हम कलीसिया के बीच में तोर भजन गायेम।” 13आउर फिन कहऽ हथन कि“हम उनका पर भरोसा रखम।” आउर फिन कहऽ हथन कि,“देखऽ, हम आउर ऊ छोटा बच्चा जिनका परमेश्वर हमरा देलन हे।” 14येहिगुने जब ई छोटा बच्चा मांस आउर लहू के भागी होवऽ हे, तऽ ऊ भी ओही चिजवन के भागी होल, ताकि अपन मरे के द्वारा से ऊ ओकरा, माने कि शैतान के मिटा देतन जे जान मारे के शक्ति रखऽ हे। 15आउर सभे लोगवन के छुड़ावे, जे अपन जिनगी भर मौत के डर से गुलामी में फँसल हलन।16काहेकि पक्का ही ऊ स्वर्गदूतवन के नऽ सम्हारऽ हथन, काहेकि ऊ अब्राहम के सभे संतान के सम्हारऽ हथन, 17जेकरा से उनकर ई जिम्मेवारी बनऽ हल कि ऊ सभे बात में अपन भईवन के जईसन हो जायेत, ताकि लोगवन के पापवन के पछतावा लागी परमेश्वर से जोड़ल बात के बारे में एगो दयालु आउर विश्वासयोग्य महायाजक बन सकतन।18काहेकि ऊ खुदे ही परीक्षा में रह के दुःख उठईलन, एकरा से ऊ उनकर भी मदत कर सकलन हे, जिनकर परीक्षा होवऽ हे।
Bridge Connectivity Solutions Pvt. Ltd.