Genesis9
1तऽ परमेश्वर नूह आउर उनकर बेटवन के आशीर्वाद देलन। ऊ उनका से कहलन, "हम चाहऽ ही कि तोहनी के बहुत बाल-बच्चा होवे जे समूचे धरती पर रहतन।2धरती के सभे बड़कन जानवर, आउर सभे चिरईं-चिरगुन्नी, आउर धरती पर रेंगे वाला सभे जंतु, आउर सभे मछलियन, तोरा से बड़ी डरत। हम ओकरा तोर अधिकार में कर दे हे।3पहिले हम तोरा खाय लागी खाना के रूप में हरियर पेड़वन के इजाजत देली हल, बाकि आज से तूँ सभे जिन्दा आउर रेंगे वाला जीव-जन्तु खा सकलऽ हे। 4बाकि तूँ अईसन मांस नऽ खईहऽ जेकरा में जरियों सुन खून रहे, काहेकि ओकर खून में परान हे। 5जौन जीव-जन्तु अादमी के मार दे हथन, हम ओकरा सजा दे ही, कि ऊ यहोवा के जबाब देतन, चाहे ऊ जानवर रहे, चाहे अादमी रहतन। हम मांग करऽ ही कि हत्यारा के अपन अपराध के सजा भुगते पड़त आउर एकर दाम अपन जानऽ दे के चूकावे पड़त। ईहाँ ला कि जखनी कोई जानवर कोई अादमी के मारऽ हे, तऽ ऊ जानवर के भी जान ले लेवे के चाही काहेकि ओखनी एगो इंसान के जान ले लेलक हे।6काहेकि परमेश्वर लोगवन के अपने स्वरुप में बनइलन हे। एहिगुने परमेश्वर ई बात पर जोर दे हथन कि जदि कोई दोसर, इंसान के मार दे हथन, तऽ दोसर अादमी के भी ओकरा मार देवे के चाही। जे कोई दोसर के खून बहाबऽ हे ऊ खुद अपन खून बहावऽ। काहेकि परमेश्वर आदमी के अपन जईसन बनईलन हे। 7जहाँ ला तोर बात हे, हम चाहऽ ही कि तूँ ढेर मनी बाल-बच्चा के पईदा करऽ, कि ऊ आउर उनकर वंश पूरा धरती पर बसतन।8परमेश्वर नूह आउर उनकर बेटवन से कहलन,9गौर से सुनऽ। अखनी हम तोरा आउर तोर वंश के साथे वाचा बाँधऽ ही,10आउर चिरईंयन, पालतु जानवर, आउर धरती पर के सभे जिन्दा जीव-जन्तु जे तोरा जौरे नाव पर से निकसल हे। 11ई ऊ वाचा हे जे हम तोरा जौरे बाँध रहली हे: हम फिन कहियो जिन्दा जीव-जन्तु के बाढ़ से खतम नऽ करम चाहे धरती पर बाकि बचल सभे चीजवन के बाढ़ से खतम नऽ करम।12तऽ परमेश्वर उनका से कहलन, ई ऊ बात के चिन्ह हे, कि जे वादा हम तोरा साथे आउर सभे जीव-जन्तु के जौरे कईली हे, ओकरा हम हमेशा लागी रखम:13समय-समय पर हम आसमान में मेघधनुस बनायेम। ई तोरा जौरे आउर धरती पर के सभे चीज के जौरे हमर वादा के चिन्ह होत।14तऽ हम बादलवन से बरखा बरखायेम आउर आसमान में पनसोखा देखाई देत,15तऽ ऊ हमरा ऊ वादा के याद देलईतक जे हम तोरा जौरे आउर सभे जिन्दा जीव-जंतुवन के जौरे कईली हे, माने कि हमर वादा हे कि अईसन होत कि फिन कहियो अईसन बाढ़ नऽ आवत जे सभे जिन्दा जीव-जंतुवन के खतम कर देई।16जहिया भी आसमान में पनसोखा देखाई देत, तऽ हम परमेश्वर के धरती पर सभे जिंदा जीव-जन्तुवन के जौरे कईली हल ऊ वादा जेकरा हम सबदिना मानते रहम।17तऽ परमेश्वर नूह से कहलन, “जे वादा हम धरती के सभे जिन्दा जीव-जन्तुवन से कईली हे ओकर चिन्ह पनसोखा होत।”18नूह के बेटा जे नाव से निकसलन, ऊ शेम, हाम, आउर येपेत हलन। हाम बाद में कनान के पिता बनलन।19धरती पर सभे लोग नूह के ई तीनो बेटवन के वंश हथन।20नूह धरती पर खेती करे लगलन। ऊ अंगूर के लत्तड़ लगइलन।21जखनी ऊ अंगूर रोपलन, तऽ नूह एक दिन, ओकरा से दाखमधु बनईलन। जखनी ऊ बड़ी जादे दाखमधु पी लेलन, तऽ ऊ मतवाला हो गेलन, आउर अपन झोपड़ी में नंगे सूत गेलन।22कनान के पिता हाम अपन पिता के झोपड़ी में नंगे पड़ल देखलन। एहिगुने ऊ बहारसी गेलन आउर अपन दून्हो बड़ा भईवन के बता देलन कि ऊ कौची देखलन हल।23तऽ शेम आउर येपेत एगो बड़का कपड़ा लेलन, आउर ओकरा अपन पीठ पर रखलन, आउर पीछे दने मुड़ के झोपड़ी में चलते गेलन। ओखनी अपन पिता के नंगे देह के कपड़ा से झाँक देलन। अपन मुँह अपन पिता दने से मोड़ लेलन, एहिगुने ओखनी उनका नंगे नऽ देखलन।24जखनी नूह जग गेलन, आउर फिन सचेत होलन, तऽ उनका पता चलल, कि उनकर छोटका बेटा हाम उनका से कईसन गलत व्यवहार कईलन हे।25ऊ कहलन, “हम हाम के बेटा कनान आउर ओकर कुल-वंश के श्राप दे ही। ऊ अपन चाचा के जईसन होतन।26हम यहोवा के स्तुति करऽ ही, जिनकर आराधना शेम करऽ हथन। कनान के कुल-वंश सेम के कुल-वंशज के दास बनतन।27बाकि परमेश्वर येपेत के दायरा बड़का करतन। ऊ येपेत के वंसजबन के शेम के बंसजवन के बीच सान्ति से रहे के आज्ञा देतन। कनान के वंशज उनकर दास बनतन।”28बाढ़ के बाद नूह तीन सौ पचास बरस ला आउर जिन्दा रहलन।29जहिया नूह के जीवन नौ सौ पचास बरिस के होल तऽ ऊ मर गेलन।
Bridge Connectivity Solutions Pvt. Ltd.