Genesis10
1नूह के बेटा शेम, हाम आउर येपेत के वंश ई होलन। बाढ़ जल परलय के बाद ऊ केतना लईकन के पिता बनलन। 2येपेत के वंशज गोमेर, मागोग, मादै, यावान, तूबल, मेशेक आउर तीरास होलन।3गोमेर के बेटा अशकनज, रीपत, आउर तोगर्मा होलन।4यावान के बेटा एलीशा, तर्शीश, कित्तीम, आउर दोदानी लोग होलन।5जे बेटवन आउर उनकर परिवार यावान के वंशज हलन, ऊ टापू आउर समुद्र भीर धरती पर रहऽ हलन। इनकर वंशज कई जाति के समूह बन गेलन, सभे के अपन-अपन भाषा, कुल आउर इलाका हल।6हाम के बेटा कूश, मिस्र, फूत आउर कनान हलन।7कूश के बेटा शेबा, हवीला, सबता, रामा, आउर सबता होलन। रामा के बेटा शबा आउर ददान होलन।8कूश के दूसरका बेटा निम्रोद होलन। निम्रोद धरती पर पहिलका अादमी हलन जौन पहलमान योद्धा बनलन।9यहोवा देखलन, कि ऊ बड़का सिकारी बन गेलन हे। एहिगुने लोग महान सिकारी से कहलन, “यहोवा देखऽ हथन कि तूँ निम्रोद के जईसन एगो महान शिकारी हऽ।”10उनकर राज्य के पहला केन्द्र शिनार देश में बाबेल, एरेख, अक्कद, आउर कलनेह हल। 11ऊहाँ से ऊ दोसर लोगन के जौरे अश्शूर गेलन, आउर ऊहाँ ओखनी नीनवे, रहोबोतीर, कालह,12आउर रेसेन नगरवन के बसईलन। रसेन, नीनवे आउर कालह के बीच में एगो बड़का गो शहर हल।13हाम के बेटा, मिस्र, लूद, अनाम, लेहाब आउर नप्तूह,14पत्रूस, कसलूह आउर कप्तोर लोगवन के समाज के पूरखा बन गेलन। पलिश्ती लोग कसलूह के वंशज होलन।15हाम के सभे से छोटका बेटा, कनान, उनकर सभे से बड़का बेटा सीदोन आउर उनकर छोटका बेटा हित्त के पिता बनलन16कनान यबूस, एमोर, गिर्गाश, के पुरखा होलन।17हिव्व, अर्की, सीनी, के भी पूरखा होलन।18अर्वदी, समार आउर हमात लोगन के समाज। बाद में कनान के वंशज एगो बड़का जगह में छितरा गेलन।19कनानी लोग के परदेस उत्तर में सीदोन नगर से लेके दक्षिण में गरार के बगल गाजा ला, आउर फिन पुरुब में सदोम, अमोरा, अदमा, आउर सबोयीम नगरबन दने, आउर लासा नगरवन में नामी आठ नगर पसरल हल।20ओखनी हाम के वंशज में हलन। ओखनी अईसन लोगवन के समाज बन गेल जिनकर अपन कुल, अपन भाषा आउर जातियन आउर अपन जमीन हल।21येपेत के बड़का भाई शेम के भी बेटा होल, आउर ऊ एबेर के सभे वंश के मूलपुरुष होलन। 22शेम के बेटा एलाम, अश्शूर, अर्पक्षद, लूद आउर अराम होलन।23अराम के बेटा ऊस, हूल, गेतेर आउर मश होलन।24अर्पक्षद शेलह के पिता होलन। शेलह एबेर के पिता बनलन।25एबेर दूगो बेटा के पिता बनलन। उनका में से एगो के नाम पेलेग हल, जेकर मतलब हे" बँटबारा" काहेकि उनका जिन्दा रहे बखत, धरती पर लोग बँट गेलन आउर सभे जगह छितरा गेलन हल। पेलेग के छोटका भाई योक्तान हलन।26योक्तान अल्मोदाद, शेलेप, हसर्मावेत, येरह,27यदोरबाम, ऊ जाल, दिक्ला,28ओबाल, अबीमाएल, शेबा,29ओपीर, हवीला, आउर योबाब के पिता होलन। एखनी सभे योक्तान के बेटा होलन।30जौन जगह में सभे रहे लोग रहे ला सुरु कईलन ऊ मेशा से लेके सपारा ला, जे पूरुब में पहाड़ी देश में हे, पसरल हल।31ओखनी शेम के बेटवन के वंशज हथन। ओखनी अईसन लोगन के समाज बन गेलन जिनकर अपन कुल, अपन भाषा आउर अपन जाति हल।32ई सभे कुल नूह के बेटवन के वंशज हलन। हरेक कुल के अपन वंसावली हल आउर सभे के एगो अलगे लोगवन के समाज आउर जाति बन गेल। जल परलय के बाद ओखनी लोगवन के समाज बन गेलन आउर पूरा धरती पर फैल गेलन।
Bridge Connectivity Solutions Pvt. Ltd.