Genesis8
1ऊ घड़ी परमेश्वर नूह के, आउर जेतना बनावल जानवर, आउर सभे रगन के पालतू जानवर उनका जौरे नाव में हल, ओकरा नऽ भूलईलन। एहिगुने एक दिन परमेश्वर धरती पर हावा चलईलन, आउर हावा के चलते पानी घटेला ला शुरु हो गेल।2परमेश्वर धरती के तरे के पानी के सोता के रोक देलन, आउर आसमान से बरखे वाला पानी के झरोखा के बंद कर देलन, जेकरा से बरखा रुक गेल।3धरती पर पानी गते-गते घटे लगल। बाढ़ शुरु होला के एक सौ पचास दिन के बाद अधिकतर पानी खतम हो गेल हल।4ओही वरिस के सतमा महीना के सतरहमा दिन अरारात पहाड़वन में से एगो पर रुक गेल।5पानी घटते गेल, ईहाँ ला कि ऊ साल के दसमां महीना के पहिलका दिन ला दोसर पहाड़वन के चोटी देखाय देवे लगल।6पहाड़वन के चोटी देखे के चालीस दिन के बाद, नूह ऊ खिड़की खोललन जे ऊ नाव के भीतरी बनईलन हल, आउर ऊ एगो कौआ के उड़ा देलन।7कौआ नाव के आगे पीछे उड़ते रहल जहिया ला कि पानी धरती पर से सूख नऽ गेल।8तऽ नूह ई पता करे ला कि धरती पर से पानी खतम होल कि नऽ, एगो कबूतर के भेजलन।9बाकि कबूतर के बइठे लागी कोई जगह नऽ मिलल, एहिगुने ऊ नाव में नूह भीर फिन से चल आयेल, काहेकि धरती के सतह पर अखनियो पानी हल। एहिगुने नूह अपन हाथ बढ़इलन आउर कबूतर के फिन से नाव के भीतरे ले अईलन।10नूह आउर सात दिन ला आसरा देखलन। तऽ ऊ कबूतर के फिन से नाव के बहारसी भेज देलन।11ई बार कबूतर साँझ के उनका भीर फिन आयेल, आउर अचरज के बात ई हल, कि ऊहाँ जैतून के पत्ता हल, जेकरा कबूतर अखनी अपन लोल से तोड़लक हल। तऽ नूह के पता चलल कि पानी सच में धरती के सतह से घट गेल हे।12नूह फिन सात दिन ला आसरा देखलन। तऽ ऊ कबूतर के फिन से बहारसी भेजलन, बाकि ई बेरा ऊ उनका भीर लौट के नऽ आयेल।13नूह अखनी छः सौ एक बरिस के हलन। ऊ बरिस के पहिलका महीना के पहिलका दिन, पानी धरती पर से एकदम से सुख गेल हल। नूह नाव के ऊपर के छत के नोच देलन, आउर ऊ ई देख के चौंक गेलन कि धरती के सतह सूख रहल हे।14अगला महीना के सत्ताईसवाँ दिन तक जमीन पूरा तरह से सूख गेल।15तऽ परमेश्वर नूह से कहलन,16“अपन मेहरारू, अपन बेटा, आउर पुतोहियन के जौरे नाव के छोड़ दऽ।”17सभे चिरईंयन, आउर पालतु जनावर, आउर जमीन पर रेंगे वाला सभे किसीम के जीव-जंतुवन के अपना जौरे बहारसी ले आवऽ कि ऊ पूरा धरती पर फैल जाई, आउर बड़ी मनी हो जाई।18तऽ नूह अपन मेहरारू, बेटा आउर पुतोहियन के साथे नाव में से चल गेलन। 19तऽ सभे जीव-जन्तु, आउर जेतना धरती पर रेंगे वाला हे, सभे चिरईं आउर धरती पर रेंगे वाला सभे जंतु नाव में से चल गेल हल। ओखनी अपन-अपन कुल में नाव में से निकसल।20तऽ नूह यहोवा लागी एगो वेदी बनईलन। ऊ कुछ शुद्ध जानवर आउर कुछ शुद्ध चिरईंयन के, जे बलि के रूप में सकारल गेल हल, ले लेलन आउर ओकरा मार देलन। तऽ ऊ ओकरा वेदी पर जरा देलन।21जखनी यहोवा के सुखदायक सुगंध मिलल, तऽ ऊ बलिदान से खुश होलन। फिन ऊ अपने आप से कहलन, “लोगवन के पाप से भड़ल काम के चलते हम फिन कहियो धरती पर सबकुछ खतम नऽ करम। भले ही बचपन से ही लोग अपन मन में जे कुछ भी सोच हथन ऊ बुरा हे, हम फिरू से जीवित प्राणीयन के नहस नऽ करम, जईसन कि हम ई बार कईली हल।”22जहिया ला धरती वजूद में हे, तहिया ला बीच्चा बुने मोसम आउर फसल काटे मोसम, जाड़ा के बखत आउर गरमी के बखत गर्मी आउर जाड़ा दिन आउर रात के बखत, जरी रहत।
Bridge Connectivity Solutions Pvt. Ltd.