Genesis50
1यूसुफ अपन बाबू जी के आगे मुँह के बल गिरलन, आउर ऊ उनका ला रोलन, आउर उनका चूमलन।2यूसुफ अपन ऊ सभे सेवकवन के, जे मुर्दा के गाड़े लागी तइयारी कर रहऽ हलन, आज्ञा देलन कि ऊ सभे उनकर पिता के लाश के सुगन्धित करतन।3याकूब के देह ला सुगंधद्रव्य बनावे में चालीस दिन लगल, काहेकि एगो देह के सुगंधद्रव्य बनावे में ओखनी के उतने समय लगऽ हल। याकूब के मरे के चलते मिस्र के लोगवन सत्तर दिन ला विलाप कईलन।4जखनी शोक के घड़ी खतम होल, तऽ यूसुफ राजा के हाकिम से कहलन, “जदि तोर अनुग्रह के नजर हमरा पर हे तऽ हमर ई विनती राजा फिरौन भीर पहुंचावऽ:5जखनी हमर पिता मरे वाला हलन, तखनी ऊ हमरा से ई वादा कईलन कि, हम उनकर लाश के कनान देश में ऊ कब्र में, जे ऊ तइयार कईलन हे, मिट्टी देम। एहिसे कृपा कर के हमरा कनान जाय के आउर हमर पिता के देह के दफनावे के अनुमति दऽ। फिरू हम वापस आयेम।”6आउर ओखनी राजा के समाचार देलन, ऊ कहलन, कि यूसुफ से कहऽ, कि जा के अपने बाबू जी के देह के मिट्टी देतन, जईसन तूँ किरिया खइलऽ हे।7एहिसे यूसुफ अपन पिता के लाश के दफनावे लागी कनान गेलन। राजा के सभे हाकिम, राजा के सभे सलाहकार, आउर मिस्र के सभे पुरनिया उनकर साथे गेलन।8उनकर परिवार के छोटकन लईकमन आउर उनकर भेड़-बकरियन आउर उनकर गाय-बैल गोशेन देश में रह गेल। बाकि यूसुफ के परिवार के बाकि सभे लोग आउर उनकर भाईवन आउर उनकर बाबू जी के परिवार उनकर साथे गेलन।9रथ आउर घोड़ा पर सवार होके लोग भी साथे गेलन। ई एगो बड़ी बड़का झुंड हल।10ऊ सभे यरदन नदी के पूरुब दने गेलन, आउर आताद में पहुँचलन। उहाँ एगो जगह हल जहाँ लोग गेहूँ के भूसा से अलगे करे लागी अनाज झाड़ऽ हलन। उहाँ ऊ बड़ी देर ला याकूब लागी कस के तेज आवाज में विलाप करते रहलन। यूसुफ अपन बाबू जी लागी सात दिन शोकसभा कईलन।11जखनी उहाँ रहे वाला कनानी लोग के झुंडवन आताद के ई तरह से विलाप करते देखलन, तऽ ओखनी एक दूसरा कहलन, “ई मिस्र के लोग लागी एगो दुखद शोक के जगह हल!” यरदन के पार हल एहिसे ओखनी ऊ जगह के नाम आबेलमिस्रैम रखलन, जे इब्रानी शब्दवन के जइसन लगऽ हे जेकर मतलब हे “मिस्रवासियन के शोक।” 12तऽ याकूब के बेटवन उनका ला ओही कईलन जे उनकर बाबू जी आज्ञा देलन हल।13ऊ सभे यरदन नदी पार कर के याकूब के लाश कनान देश में ले गेलन। ओखनी उनका मम्रे नगर के पूरुब में मकपेला के खेत में एगो गुफा में गाड़ देलन। ऊ, ऊ खेत हल जेकरा अब्राहम एप्रोन से, जे हित्ती लोगवन के झुंड में से एगो हल, कब्रगाह के रूप में इस्तेमाल करे लागी खरीदलन हल।14जखनी ऊ अपन बाबू जी के मट्टी देलन, तऽ यूसुफ आउर उनकर भईवन, आउर जेतना लोग उनकर साथे कनान में गेलन हल, ऊ सभे मिस्र में लौट गेलन।15याकूब के मरला के बाद यूसुफ के भईवन बड़ी चिंता में पड़ गेलन। ओखनी के मालूम होल कि का हो सकल हे। ओखनी कहलन, “का होत जदि यूसुफ हमरा प्रति घृणा रखऽ हथिन आउर ऊ सभे गलत काम के चलते हमरा से बदला लेवे ला चाहऽ हथिन जौन हमनी ढेर साल पहिले कईली हल?”16तऽ ओखनी कोई के यूसुफ भीर ई कहेला भेजलन, कि हमर बाबू जी के मरे से पहिले ऊ हमरा से ई कहलन;17यूसुफ से कहिहऽ, कि तोर बड़का भईवन जे बुरा काम तोरा साथे कईलन हे चाहे जे तोर खिलाफ अपराध पाप कईलन हे, ओकरा मांफ कर दिहऽ; काहेकि ओखनी तोरा साथे जे कुछ कईलन हे ऊ बड़ी गलत हल। एहिसे अखनी हम, जे तोर पिता के परमेश्वर के दास ही, तोरा से विनती करऽ ही, कि हम तोरा साथे जौन कुछ कईली हे ओकरा तूँ मांफ करऽ। जखनी यूसुफ के उनकर समाचार मिलल तऽ ऊ रोवे लगलन।18तऽ उनकर बड़का भाई खुदे आके यूसुफ के आगे भूमि पर गिर के, ओखनी में से एगो कहलन, “सुनऽ; हम तोर सेवक रहम।”19बाकि यूसुफ उनका जबाब देलन, “डेरा मत! परमेश्वर ऊ हथन जे लोगवन के दण्ड दे हथन; का हम परमेश्वर ही?20जहाँ ला तोर बात हे, हाँ, तूँ हमरा साथे बड़ी बुरा करे ला चाहऽ हलऽ। बाकि परमेश्वर एकरे से कुछ निमन पईदा करईतन! ऊ ढेर लोगवन के भूखे मरे से बचावे ला चाहऽ हलन आउर ओही होल! आज ऊ जिन्दा हथन!21एहिसे हम फिनो कहऽ ही, मत डेरा! हम पक्का कहऽ ही कि तोरा आउर तोर लईकमन के खाई लागी भरपूर भोजन मिलत।” ई तरह से उनका से ऊ बात कर के उनका विश्वास देलइलन।22यूसुफ 110 साल उमर ला अपन बाबू जी के परिवार के साथे मिस्र में रहलन।23ऊ एप्रैम के लईकमन आउर पोतवन-पोतियन के देखे लागी ढेर समय ला जिन्दा रहलन। यूसुफ के पोता माकीर, जे मनश्शे के बेटा हलन, मनश्शे के लईकमन के जनम यूसुफ के मरे के पहिले होल हल, आउर ओखनी के वंशज के रूप में जानल गेल हल।24एक दिन यूसुफ अपन बड़का भाई से कहलन, “हम मरे वाला ही। बाकि परमेश्वर तोर मदत जरुर करतन। ऊ समय में ऊ तोर वंसजवन के ई देश से निकाल के कनान देश ले जईतन, जेकरा से ऊ अब्राहम, इसहाक आउर याकूब के देवे के गम्भीरता से वादा कईलन हल।”25तऽ यूसुफ कहलन, जखनी परमेश्वर तोरा अईसन करे के सामर्थ देतन, तऽ तूँ हमर लाश हियाँ से कनान में ले जईहऽ। ऊ अपन बड़का भयवन से अईसन करे ला सच्चा विश्वास से वादा कईलन।26एहिसे यूसुफ मिस्र में 110 बरस के होके मर गेलन। उनकर देह के लेप लगा के उहाँ एगो ताबूत में रखल गेल।
Bridge Connectivity Solutions Pvt. Ltd.