Exodus1
1इस्राएली के बेटवन के नाम जे मिस्र में याकूब आउर उनकर घराना में से अईलन ऊ ई हथन। 2रूबेन, शिमोन, लेवी, यहूदा3इस्साकार, जबूलून, बिन्यामीन,4दान नप्ताली, गाद, आउर आशेर।5ऊ घड़ी, याकूब कुल 70 लोगवन के वंशज हलन ओकरा में यूसुफ भी शामिल आउर उनकर बेटवन जे मिस्र में रह रहलन हल। 6कुछ समय के बाद यूसुफ आउर उनकर भईवन आउर परिवार के ओखनी सभे एक-एक कर के जे मिस्र में रहऽ रहलन हल मर गेलन।7याकूब के वंश ढेर सा लईकन के जलम देलन उनकर खानदान बढ़ल आउर ऊ अद्भुत रीति से मजबूत हो गेलन जेकरा चलते ऊ ढेर मनी संख्या में बढ़ गेलन ऊ मिस्र में सभे जगह में फैल गेलन।8ओकर कुछ दिन के बाद, एगो नया राजा मिस्र में राज करे लगलन। ऊ यूसुफ के द्वारा मिस्र के लोग लागी कईल गेल निमन काम के बारे में नऽ जानऽ हलन। 9ऊ अपन लोग से कहलन, “देखऽ, का होल हे! इस्राएली लोग के संख्या एतना जादे हे कि ओखनी हमनी मिस्री लोग से बड़ी जादे हथन!10हमनी के ओकरा अपन काबू में करे के कोई राह खोज लेवे के चाही! जदि हमनी अईसन नऽ करऽ ही तऽ ओखनी हमनी से जादे बढ़ जईतन! फिन जदि दुश्मन हमरा पर हमला कर हथन, तऽ इस्राएली हमनी के दुश्मन से मिल के विरोध में लड़ाई करतन आउर ऊ हमनी के देश से भाग जईतन।”11येहिगुने राजा आउर ओकर अधीन काम करे वाला अधिकारियन के इस्राएली मजदूरवन के दल के ऊपर मालिक नियुक्त कर देलन, जेकरा से ओखनी से बहुत कड़ा काम कराके ओकरा बहुत दुःख देतन। येहिगुने इस्राएलियन राजा लागी सामान रखे ला पितोम आउर रामसेस शहर में राजा लागी निमन भण्डार बनवईलन।12लेकिन जेतना जादे मिस्री लोग इस्राएली से बड़ी बुरा व्यवहार करते गेलन, ओतने जादे इस्राएली लोग के लईकन पईदा होल आउर ओखनी मिस्र में फैलते गेलन। येहिगुने मिस्री लोग इस्राएली लोग से बहुत जादे परेशान हो गेलन। 13मिस्री लोग इस्राएली लोग से कड़ाई से काम करवईलन।14आउर ओखनी से कड़ा काम कराके उनकर जीवन के मुश्किल बना देलन। इस्राएली लोग गारा से ईंट आउर गारा आउर खेती के सभे सेवा के काम करवईलन। मिस्री लोग निर्दय होके सभे किसीम के काम ओखनी से करवईलन।15अखनी दूगो इब्री दाई जेकर नाम शिप्रा, आउर पूआ, हल। मिस्र के राजा ओकरा से कहलन,16“जखनी तूँ इब्री औरत के बच्चा जनम होवे घड़ी प्रसव के पत्थर पर बइठल देखऽ, तऽ बच्चा के समय ही ठीक से धियान दिहऽ जदि बच्चा लड़का होवत तऽ ओकरा जरुर मार दिहऽ। जदि बच्चा लड़की होवे, तऽ ओकरा तूँ जिन्दा रहे दिहऽ।”17बाकि दुन्नो दाई परमेश्वर से डरऽ हलन येहिगुने ऊ मिस्र कर राजा के बात नऽ मानलन। ओखनी बच्चा के जिन्दा छोड़ देलन।18तऽ मिस्र के राजा दुन्नो दईवन के बोलईलन आउर ओकरा से पूछलन, “अईसन तूँ काहे कर रहलऽ हे? तूँ लड़कन के जिन्दा काहे छोड़ दे रहलऽ हे?” 19दईवन में से एगो दाई राजा के जबाब देलन, "हम तोर आज्ञा के पालन नऽ कर पईली हे, “काहेकि इब्री औरत मिस्री औरत के जईसन नऽ हे। कारण कि ऊ अईसन फुर्तीला हे कि हमनी के पहुँचे से पहिलही इब्री औरतियन अपन बच्चा पईदा कर ले हे।”20येहिगुने इब्री लोग संख्या में बड़ी बढ़ गेलन हे, आउर सामर्थी हो गेलन, परमेश्वर दुन्नो दाई के प्रति दया देखईलन।21काहेकि ऊ परमेश्वर के आज्ञा नऽ माने से डरऽ हलन। ऊ ओकरा में से सभे के पति आउर लईकन देलन।22तब राजा सभे मिस्री लोगवन के आज्ञा देलन, “सभे इब्री बुतरू के जे बेटा पईदा होवऽ हे, ओखनी सभे के तूँ नील नदी में फेंक दिहऽ! आउर सभे बेटियन के जिन्दे छोड़ दिहऽ।”
Bridge Connectivity Solutions Pvt. Ltd.