Genesis49
1याकूब अपन सभे बेटवन के बोला के उनका से ई कहलन,2“हमरा भीर जमा हो जा, कि हम तोरा से कहम कि भविष्य में का होवत। हमर बेटवन, आवऽ आउर हमर बतिया सुनऽ, हम तोर पिता याकूब ही।”3रूबेन, तूँ हमर सभे से बड़का बेटा हऽ। तोर जनम तहिया होल जहिया हम जवान आउर तागतवर हली। अखनी हम बड़ा आदमी बन गेली, तऽ तूँ हमर पहलका संतान हलऽ। तूँ हमर बाकि सभे बेटवन से जादे शान आउर तागतवर हऽ।4बाकि तूँ समुद्र के लहर जईसन डोले वाला हल। एहिसे अखनी तूँ हमर सभे से बड़का बेटा नऽ रहबऽ, काहेकि तूँ हमर पलंग पर चढ़ गेलऽ, आउर हमर रखैल के साथे सूत गेलऽ। एकरा से हमरा, माने कि तोर पिता के बड़ी बेईज्जती होवे पड़ल।5शिमोन आउर लेवी, तोहनी दूनो भईवन अपराधी यन के जईसन काम कईलन हे। तूँ मार-काट के काम करे लागी अपन तलवार के इस्तेमाल करऽ हऽ। 6जखनी तूँ हमरा बारे में बुरा बात करऽ हऽ, तऽ हमर मन तोरा साथे रहे ला नऽ चाहऽ ही। हमर मन तोरा साथे तोर सभा में शामिल होवे लागी इज्जतदार महसूस नऽ कर रहली हे, काहेकि तूँ बड़ी क्रोधित होके लोगवन के मार डाललऽ हे, आउर अपन खुशी पावे लागी बैल के जूआ तोड़ देल हे। 7उनकर गोस्सा श्रापित हे, काहेकि ऊ भड़कल हल, आउर उनकर क्रोध शापित हे, काहेकि ऊ निर्दय हल। हम उनका याकूब में बाँट देम, आउर इस्राएल में तितर-बितर कर देम।8यहूदा, तोर बड़का आउर छोटका भाई तोर धन्यवाद करतन। ऊ सभे तोरा सामने झुकतन, काहेकि तूँ अपन दुसमन के पूरा तरह से हरा देबऽ।9यहूदा ऊ जवान शेर के जईसन हथन जौन मरल जानवर के खा के तृप्त होके अपन खोह में लौट अईलन हे। ऊ, ऊ शेर के जईसन हथन जे खाना खाई के बाद सूत जा हथन आउर हाथ फैलावऽ हथन; कोई भी एकरा में बाधा डाले के कोशिश नऽ करतन।10जब तक शीलो नऽ आवे तब तक यहूदा के राजदण्ड नऽ छूटत, आउर नऽ प्रधान के लाठी उनकर गोड़ के बीच से छूटत। राष्ट्र उनकर आज्ञा मानतन। 11उनकर वंश के अंगूर के लता बहुतायत से अंगूर उपजईतक। नतीजा के रूप में, ई सभे अपन जवान गधी के पौधा से बांधे में कोई आपत्ति नऽ करम ताकि ऊ अंगूर के लता के पत्तिया के खा सकतन। दाखमधु बड़ी जादे होवत, जेकर नतीजा के रूप में ऊ अपन कपड़ा दाखमधु में धोतन; ऊ सभे अपन कपड़ा लहू के जईसन लाल दाखमधु से धोतन।12बड़ी जादे मधु पीये के चलते उनकर आँख लाल हो जईतक, बाकि गाय के बड़ी जादे दूध पीये के चलते उनकर दाँत बड़ी साफ हो जईतक।13जबुलून, तोर वंसज समुद्र के किनारे रहतन, जहाँ जहाज लागी सुरक्षित बंदरगाह होत। उनकर देश उत्तर पट्टी सीदोन नगर ला फैलल होत। 14हे इस्साकार, तोर वंश के लोग तागतवर गदहवन के तरह होतन जे भेड़-बकरियन के दूगो दल के बीच बाड़ा में पड़ल रहतन। एतना थकल हथन कि उठ नऽ सकलन हे! 15ऊ सभे देखतन कि उनकर विश्रामस्थान निमन हे आउर जमीन ओखनी के बड़ी खुशी दे हे। बाकि ऊ सभे भार उठावे लागी अपन पीठ झुकईतन आउर दूसरा के सेवा के काम करे लागी मजबूत होतन।16दान इस्राएल के एगो गोत्र होके अपन जातियन के न्याय करतन।17दान के वंश के लोग सड़क के किनारे के सांप के जईसन, राह के किनारे पड़ल बिखधर सांप के जईसन होतन। ऊ सभे भीर से गुजरे वाला घोड़ा के एड़ियन पर हमला करतन, जेकरा पर सवार पीछे दने गिरतन काहेकि घोड़वन अपन पिछलकन गोड़वन पर खड़ा हो जायेत।18तऽ याकूब प्रार्थना कईलन, “हे यहोवा, हम तोर दुश्मन से हमरा उद्धार के बाट जोह रहली हे।”19तऽ याकूब अपन बेटवन के भविष्य में का होवत, ई बतईते रहलन। ऊ कहलन, गाद, तोर गोत्र पर डाकूवन के एगो झुंड हमला करत, बाकि तोर गोत्र ओकर पीछा करतन आउर ओखनी पर हमला करतन।20आशेर, तोर वंश के लोग बढ़ियाँ खाना खईतन; ऊ सभे अईसन खाना तइयार करतन जे राजा के खाय के लायक सबदगर होत।21हे नप्ताली, तोर वंश ऊ हिरणमन के जईसन होतन जे आजादी से दौड़ऽ हथन, आउर ऊ हिरणमन के जईसन होतन जे सुन्दर मिरगा के बच्चा होत। 22यूसुफ, तोर बड़ी मनी वंशज होतन। उनकर लईकमन पानी के सोते भीर के लता के फर के जईसन बड़ी होतन, जेकर डालियन दीवार ला फैलल होत।23उनकर दुश्मन ओखनी पर भयंकर हमला करतन, आउर धनुष आउर बाण से ओखनी पर हमला करतन आउर उनकर पीछा करतन।24बाकि याकूब पराक्रमी परमेश्वर के शक्ति के चलते, आउर यहोवा के चलते, जे चरवाहा अपन भेड़वन के राह दिखावऽ हथन आउर चरावऽ हथन, ओईसहीं ऊ सभे अपन धनुष स्थिर रखतन, आउर उनकर भुजा मजबूत रहत। इस्राएल के लोग यहोवा से उनकर रक्षा करे ला प्रार्थना करतन, काहेकि लोग एगो ऊँचा चट्टान के चोटी पर शरण लेतन।25परमेश्वर, जिनकर हम आराधना करऽ ही, ऊ तोर वंश के मदत करतन। सर्वशक्तिमान परमेश्वर ओखनी पर आकाश से वर्षा कर के, आउर जमीन के गहराई से पानी दे के ओखनी के आशीर्वाद देतन। बड़ी मनी मवेशियन आउर ऊ ओखनी के ढेर सा लईकन देतन आउर उनकर पालन-पोषण करतन।26हम चाहऽ ही कि परमेश्वर तोरा जे आशीष देलन हे ऊ सभे महान हथन। ऊ सभे आशीषवन से भी बड़ा हे जे अनन्त पर्वत से आवऽ हे, ऊ सभे आशीषवन में से एगो जे अनन्त पहाड़ी से आवऽ हे। यूसुफ, हम प्रार्थना करऽ ही कि ई सभे आशीर्वाद तोरा देवल जाय, काहेकि तूँ अपन भईवन के अगुवा हऽ। 27हे बिन्यामीन, तोर वंश दुष्ट भेड़ियन के तरह होतन। भोर के ऊ अपन दुश्मन के अईसे मार देत जईसे भेड़िया अपन शिकार के खा जा हे आउर साँझ के ऊ सभे ऊ लूट के अपन योद्धावन में बाँट लेतन जे ओखनी अपन दुश्मन से लूट लेलन हे।28ऊ बारहगो बेटा इस्राएल के बारहगो गोत्र के वंशज हथन। उनकर बाबू जी ओखनी के आशीर्वाद देते घड़ी उनका से ई कहलन, आउर सभे के ओही सभे बात बतईतन जे ओकरा ला ठीक हल।29तऽ याकूब अपन बेटवन से कहलन, “हम जल्दी मर जायेम आउर अपन पुरखावन के साथे मिल जायेम जे पहिले मर चुकलन हे। हमर देह के ऊ गुफा में, जहाँ हमर कुछ वंसजवन के दफनावल गेल हे, दफना दिहऽ जे ऊ खेत में हे जेकरा एप्रोन से खरीदल गेल हल, जौन हित्ती लोगवन के झुंड के हलन।30मकपेला के खेत कनान देश में मम्रे के पूरुब में हल। अब्राहम ई कब्रगाह के रूप में इस्तेमाल करे लागी हित्ती एप्रोन से खरीदलन हल।31हियाँ ओखनी अब्राहम आउर उनकर मेहरारू सारा के दफनइलन। हुंए ओखनी हमर बाबू जी इसहाक आउर उनकर मेहरारू रिबका के दफनइलन। आउर हियाँ पर हमर अपन मेहरारू लिआ के दफनइलन।32ऊ खेत आउर ओकरा में के गुफा हित्ती लोगवन के से मोल लेवल गेल हल; एहिसे हम चाहऽ कि तूँ हमरा हियाँ दफना दिहऽ।”33जखनी याकूब अपन बेटवन के ऊ सभे सलाह देवे ला खतम कर लेलन, तऽ ऊ फिन से अपन बिछौना पर सूत गेलन। उनकर साँस रुक गेल आउर ऊ गेलन आउर वंसजवन में शामिल हो गेलन।
Bridge Connectivity Solutions Pvt. Ltd.